Général
-
Martin IV (1281-1285)
-
Facultatem tribuit dandi eisdem Fratribus licentiam ingrediendi Monasteria Sanctimonialium, & equitandi. (Ex cit. Vatic. Reges. Pontif. epist. 212. to. 1. an. 3.)
-
Anno 1283. die 17. Junii.
-
1283
-
MARTINUS &c.
Eidem.
Ut in commissis tibi negotiis, annuente Domino, tantò possis prosperari faciliùs, quantò plurium discretarum personarum suffragio, & Nostræ auctoritatis fueris adjectione munitus; Fraternitati tuæ pro expediendis negotiis eisdem, ad te vocandi quoscumque, & quotcumque Prædicatorum, Minoruma, & aliorum quorumlibet Ordinum Fratres tuæ Legationis, nec non dandi illis licentiam ingrediendi tecum Monasteria Monialium, & etiam equitandi; non obstantibus contrariis consuetudinibus, vel statutis Ordinum prædictorum, sive quibuscumque privilegiis, & indulgentiis Apostolicis, per quæ iidem, vel eorum Prælati possent in hac parte quomodolibet se tueri, plenam auctoritate præsentium concedimus potestatem.
Datum, ut supra.
-
Bullarium Franciscanum romanorum pontificum, tomus III, n°LI., pp.508-509
-
(a) Minorum: Hoc anno igitur Fr. Fatebonum Ord. Min. nostri Cœnobii Foroliviensis Guardianum misit ad Pinamontem Bonacolsi Mantuæ Dominantem, ut illius cives, & vicinos ad pacem adduceret ex Fr. Salinbene Parmensi, qui eo tempore scribebat, in Chron. Ms. pag. 392.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154208 (bullarium-franciscanum-2295), http://telma.irht.cnrs.fr/chartes/bullarium-franciscanum/notice/154208 (mise à jour : 26/01/2021).