Général
-
Martin IV (1281-1285)
-
Eidem datur, ut eorumdem & Majolen. nonnullos a sententia Canonis absolvat. (Ex Reges. Vatic. Pontif. epist. 113. tom. 2. ann. 2.)
-
Anno 1283. die 28. Februarii.
-
1283
-
MARTINUS &c.
Dilecto Filio … Guardiano Fratrum Minorum Conventus Sancti Leonis Salutem, & Apostol. Bened.
Ex parte hominum Civitatis Sancti Leonis Nostrorum & Ecclesiæ Romanæ Fidelium fuit Nobis humiliter supplicatum, ut cum nonnulli ex eis; & hominum Castri Majoli Feretranæ Diœcesis proviolentâ injectione manuum in Clericos Sæculares, vel personas Religiosas sententiam excommunicationis incurrerint, eisque periculosum existat propter guerrarum discrimina Apostolicam Sedem adire pro absolutionis beneficio obtinendo, ipsos ab eâdem sententiâ per discretum aliquem absolvi misericorditer mandaremus. Nos igitur eorum supplicationibus inclinati, absolvendi eos hac vice ab hujusmodi excommunicationis sententiâ juxta formam Ecclesiæ; dummodo passis injuriam satisfecerint competenter, tibi tenore præsentium plenam concedimus facultatem, injunctâ eis nihilominus pro modo culpæ pœnitentiâ salutari.
Datum apud Urbemveterem ii. Kalendas Martii, Pontificatus Nostri Anno Secundo.
-
Bullarium Franciscanum romanorum pontificum, tomus III, n°XLIV., p.505