Général
-
Nicolas III (1277-1280)
-
{417}Recognoscit, & confirmat Bullam Honorii III. Regulam FF. Minorum approbantis. (Ex Reges. Vatic. epist. 157., & Arch. Aracæl. num. 32. sub plumbo; apud Waddingum ad hunc annum num. 21. Regesti Pontif.; testimonio etiam Raynaldi num. 52. & ex Speculo Minorum trac. 2. f. 1.; extat Autographum Jaderæ ex Gonzaga par. 2. Conv. 12. Prov. Dalmatiæ.)
-
Anno 1279. die 21. Augusti.
-
1279
-
NICOLAUS &c.
Dilectis Filiisa … Generali, & Provincialibus Ministris ac Custodibus, & Universis Fratribus Ordinis Fratrum Minorum Salutem, & Apostolicam Benedictionem.
Litteras fel. rec. Honorii Papæ III. prædecessoris Nostri Regulam vestram, & confirmationem ipsius continentes, non abolitas, non cancellatas, non vitiatas, verâ Bulla bullatasb inspeximus diligenter; quarum tenorem de verbo ad verbum ex certâ scientiâ præsentibus fecimus annotari, decernentes, ac statuentes, ut idem tenor, eamdem vim, eumdemque vigorem, ac idem robur per omnia obtineat sic insertus, quæ ipsæ litteræ Bulla ipsâ munitæ obtinere noscuntur; etiamsi dictæ litteræ nunquam in posterum apparerent; & eadem sibi fides in judicio, & extra judicium adhibeatur omninò, quæ prædictis originalibus litteris præberetur. Prædictus verò tenor litterarum earumdem talis est: Honorius Episcopus servus servorum Dei dilectis Filiis Fratri Francisco, & aliis Fratribus de Ordine Fratrum Minorum Salutem, & Apostolicam Benedictionem. Solet annuere Sedes Apostolica &c.c Nulli ergo omninò hominum liceat, hanc paginam Nostræ Attestationis, & Confirmation is infringere, vel ei ausu temerario contraire. Si quis autem &c.
Datum Surianid xii. Kal. Septembris, Pontificatus Nostri Anno Secundo.
-
Bullarium Franciscanum romanorum pontificum, tomus III, n°CXXVIII., pp.406-418
-
(a) Filiis …: Bonagratiæ de S. Joanne in Persiceto hoc anno in Comitiis Generalibus Assisii celebratis circa festum Pentecostes electo.
-
(b) Bullatas: Anno 1223. die 29. Novembris.
-
(c) Sedes Apostolica &c.: Adeatur Bulla 14. Honorii III. in 1. hujus Bullarii tomo pag. 15. usque in finem.
-
(d) Suriani: Al. Syriani Oppido Patrimonii S. Petri Diœcesis Hortensis 7. mill. a Civitate Viterbii distante.