« bullarium-franciscanum-2102 »

NICOLAUS &c.

Dilecto Filio Hieronymo quondam Fratrum Minorum Ordinis Generali Ministro Sanctæ Romanæ Ecclesiæ Presbytero Cardinali Sal. & Apost. Bened.

Cum olim fel. record. Johannes Papa a prædecessor Noster, Te, ac dilectum Filium Fratrem Johannem Magistrum Ordinis Fratrum Prædicatorum pro quibusdam Ecclesiæ Romanæ negotiisb destinasset, ac per suas sub certâ formâ litterasc mandavisset, Vos a Venerabilibus Fratribus Nostris Archiepiscopis, & Episcopis, ac dilectis Filiis Electis, Abbatibus, Prioribus, Decanis, Præpositis, Archidiaconis, Archipresbyteris, Plebanis, & aliis Ecclesiarum Prælatis, nec non Ecclesiasticis, & Religiosis personis, eorumque Capitulis, & Conventibus exemptis, & non exemptis Cistercien., Cluniacen., Præmonstraten., Grondimonten., Camaldulen., Sancti Benedicti, Sancti Augustini, & aliorum Ordinum, ac Magistris Præceptoribus, & Fratribus Domorum Militiæ Templi, Hospitalis Sancti Johannis Jerosolymitani, & Sanctæ Mariæ Theutonicorum, Calatraven., & Velen.d, ad quos eædem litteræ pervenirent, in eundo, morando, & redeundo in ipsorum domibus honore congruo suscipi; & pro necessariis vestris, & vestræ familiæ certam quantitatem pecuniæ dilecto Filio Magistro Aldegerio scriptori Nostro, quem idem prædecessor vobiscum transmisit; vel alii, cui hoc tu, & idem Magister committeretis, die quolibet exhiberi; ac nihilominus provideri vobis de securo conductu, nec non de equitaturis, cum ex parte vestrâ requisiti existerent, subveniri. Nosque postmodum tibi, & dicto Magistro Nostras litterase duxerimus dirigendas, ut executioni dictorum negotiorum juxta formam vobis a prædicto prædecessore traditam insistatis. Considerantes, quòd cum ad altiorem statum eadem Ecclesia te vocaritf, ampliori familia, & majoribus sumptibus indigebis; ac de tuâ circumspectione plenam in Domino fiduciam obtinentes volumus, & præsentium tibi auctoritate committimus, ut procurationes tibi & dicto Magistro pro præmissis necessariis vestris, & familiarum vestrarum, nec non & provisionem, ac subventionem de securo conductu, & equitaturis prædictis, Archiepiscopis, & aliis per te, vel per alium, seu alios imponas, & exigas; ac imponi, & exigi facias; prout tua Discretio viderit expedire. Non obstantibus aliquibus Apostolicis privilegiis, vel Indulgentiis sub quavis verborum formâ concessis quibuscumque Ecclesiis, Ordinibus, Collegiis, Universitatibus vel personis, quòd excommunicari, suspenvel interdici nequeant, seu ad præstandas procurationes Nuntiis Apostolicæ Sedis nullo modo, vel nisi ad eorum Ecclesias, vel loca personaliter accesserint, coarctari, sive quibuslibet aliis, cujuscumque tenoris existant, quod nulli super hoc volumus suffragari; etiamsi de ipsis, & eorum totis tenoribus oporteat per annotationem eorum plenam de verbo ad verbum in præsentibus fieri mentionem. Alioquin sententias, quas per Te, vel alium seu alios tuleris in rebelles ratas habebimus, & faciemus auctore Domino usque ad satisfactionem condignam appellatione remotâ inviolabiliter observari. Cæterum volumus, quòd si memoratum Magistrum a te aliquo casu separari contingat, in præmissis committas alicui personæ idoneæ vices tuas quæ eidem Magistro suæque familiæ de necessariis conductu, ac subventione prædictis studeat providereg.

Datum, ut suprah.