Général
-
Urbain IV (1261-1264)
-
Censum Regis Angliæ, aliamque Romanæ Ecclesiæ debitam pecuniam scribit quibus assignanda, & quomodo. (Ex Reges. Pontif. Archivi Vatic. pag. 10. to. 2. ann. 1.)
-
Anno 1262. die 5. Maji.
-
1262
-
URBANUS &c.
Dilecto filio Fratri Johanni de Cancia Ordinis Fratrum Minorum Salutem, & Apostol. Benedict.
Discretioni tuæ præsentium auctoritate mandamus, quatenus quicquid de Censu a Carissimo in Christo filio nostro ‥ Rege Anglorum illustri Ecclesiæ Romanæ debito, vel etiam aliunde de pecunia Romanæ Ecclesiæ recepisti, aut ad manus tuas pervenire continget; Deutavivæ Guidi, & Raynerio Bonaccursi sociis dilectorum filiorum Rollandi Bonsignoris, Bonaventuræ Bernardini, & Raynerii Jacobi Civium, & Mercatorum Senen., vel eorum alteri præsentes tibi litteras deferenti in præsentia dilecti filii Magistri Leonardi Cantoris Messanen. Cappellani, & Nuntii nostria in Anglia nostro, & Ecclesiæ nomine assignare procures, Nobis assignationis diem, & quid, & quantum eisdem Mercatoribus exinde duxeris assignandumb.
Datum Viterbii iii. Nonas Maji, Pontificatus Nostri Anno Primoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XXVIII., pp.441-442
-
(a) Nuncii nostri: Quæ legatio latuit conditorem Annalium Eccles., nisi sit ille, quem ad ann. 1263. num. 21. dicit Pontificium Notarium.
-
(b) Assignandum: Deest fideliter rescripturus. Consule superiores epistolas præsertim 20. Præsentium tibi &c. hoc an. die 4. Feb. scripta, nam ferme eadem est.
-
(c) Insequenti anno die 25. Julii nondum quidquam de censu solutum fuerat ex epist. 76. Cum Carissimus &c. eo tempore data.