Général
-
Alexandre IV (1254-1261)
-
Jubet, ut Eccles. censuras ab Electo Teatino in Fratres Minores suæ Diœcesis latas irritas, & inanes denunciet, denunciarique faciat. (Ex prædicto Archivo Conventus S. Francisci Lancianen. Civitatis.)
-
Anno 1257. die 1. Junii.
-
1257
-
ALEXANDER &c.
Dilecto filio B. Abbati de Lanzano Theatinæ Diœcesis Salutem, & Apostolicam Benedictionem.
Volentes paci, & quieti dilectorum filiorum Ministri, Custodum, Guardianorum, & universorum Fratruma Ordinis Minorum in Civitate, & Diœcesi Theatina morantium paterna sollicitudine providere eos a jurisdictione Theatini Electib per nostras litterasc usque ad nostrum beneplacitum duximus eximendos; suspensionis, vel interdicti, aut excommunicationis sententiam in ipsos, aut in loca ipsorum communiter, vel divisim latam, seu ferendam a dicto Electo, seu ejus Vicariis, sive Officialibusd decernendo irritam, & inanem: Quocirca discretioni tuæ per Apostolica scripta mandamus, quatenus ejusmodi sententiam per Nos sic irritam denunties; & facias per loca, in quibus dicti Fratres voluerint, nuntiari; Contradictores per censuram Ecclesiasticam, appellatione postposita, compescendo. Non obstante aliqua Sedis Apostolicæ indulgentia, per quam attributa tibi in hac parte Jurisdictionis explicatio impediri valeat, vel differri; & de qua oporteat in præsentibus fieri mentionem.
Datum Viterbii Kalendis Junii, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXXXIV., pp.222-223
-
(a) Custodum Guardianorum, et universorum Fratrum: Cum diœcesis Teatina vasta valde sit, essetque amplius tum, cum Lancianum nondum ad Episcopale fastigium esset evectum, erant etiam in ea complura Fratrum Minorum Cœnobia; ut legere est in veteri Provinciali Ordinis apud Polychronicon, & Barthol. Pisanum Conform. xi., ubi Provincia Pennensis tunc, nunc S. Bernardini, seu Aprutii ex sex Custodiis constituitur etiam anno 1260. in divisione Provinciarum Ordinis a S. Bonaventura facta, quarum 3. erat Theatina, ut & apud Pisanum, prima vero apud Polychronicon Jordani Mss. Vatic.
-
(b) Theatini Electi: Alexandri Capuani, ut in præcedenti epistola.
-
(c) Per nostras litteras: Quæ cusæ, vulgatæque non extant.
-
(d) Officialibus: Causa ferendi has censuras in Fratres Minores videri poterit in epistolis hujus Pontificis hoc anno datis diebus 7. Martii, & 31. Maji.