Général
-
Alexandre IV (1254-1261)
-
Ut Monialibus S. Mariæ de Gattajola provideat de aliquo Monasterio deformato Lucanæ Diœcesis. (Ex Reges. Vatic. epist. 79. in Privilegio hujus Pontificis Ea quæ judicio &c. Dat. anno 1258. die 18. Martii apud Waddingum in Annal. Min. ad annum 1258. num. 50. Reges. Pontif., & ex Archivo Conventus S. Francisci Oppidi Focechii.)
-
Anno 1255. die 4. Decembris.
-
1255
-
ALEXANDER &c.
Dilecto filio ... Plebano de Birbinaria Lucanæ Diœc. Salutem, & Apostolicam Benedictionem.
Cupientes dilectarum in Christo filiarum Abbatissæ, & Conventus Monasterii Sanctæ Mariæ de Gattajolaa Ordinis Sancti Damiani Lucanæ Diœcesis inopiam ipsam, prout pro certo didicimus, deprimentem, earumque incommoditates congruis remediis relevari; discretioni tuæ per Apostolica scripta mandamus, quatenus eisdem aliquod Monasterium, Ecclesiam, seu locum in Civitate, vel Diœcesi Lucana cujusvis Ordinis deformatum, & Diœcesana lege Venerabili Fratri nostro Lucano Episcopo non subjectum, quem in suo Ordine videris non posse de facili reformari, Monasterio Sancti Pontianib Ordinis Sancti Benedicti dumtaxat excepto; authoritate nostra cum omnibus possessionibus, juribus, & pertinentiis suis concedas ab ipsis perpetuo retinendum, inducens ipsas, vel earum Procuratorem pro eis in corporalem possessionem eorum, & defendens inductas, amotis exinde personis, quæ ibidem fuerint; & alibi, prout expedire videris, collocatis. Contradictores per censuram Ecclesiasticam, appellatione postposita compescendo; invocato ad hoc, si necesse fuerit, auxilio brachii sæcularis.
Datum Laterani ii. Nonas Decembris, Pontificatus Nostri Anno Primoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXXIX., pp.91-92
-
(a) Monasterii S. Mariæ de Gattaiola: Cujus hæc prima mentio occurrit in Annal. Min. ad annum tamen 1258. num. 28., sed quo anno, & a quonam fundatum fuerit, extat in Bulla Honorii III. Sacrosancta Romana &c. anno 1222. die 19. Septembris edita, & supra relata; & in alia Gregorii IX. Religiosam vitam &c. anno 1229. die 22. Novembris conscripta.
-
(b) Monasterio S. Pontiani: Monasterium SS. Philippi & Jacobi in Pontiano prope Lucam dicitur a Mabillonio lib. 51. Annal. Benedict. ad annum 997. n. 62. sed valde jejune.
-
(c) De hac re iterum eidem Plebano Pontifex litteras dedit anno sequenti die 30. Septembris incip. Cum mandatum &c. quæ infra dabuntur.