Général
-
Alexandre IV (1254-1261)
-
Ne Fratres ad deferendas litteras, vel exequendas sententias contra aliquos a quocunque compellantur. (Ex Speculo Minor. tract. 2. fol. 119., Roderici Bullario Regul. Bul. 10., & Waddingo in Regesto Pontif. n. 35., extatque Autographum Salmanticæ in Archivo Conv. S. Francisci.)
-
Anno 1255. die 16. Octobris.
-
1255
-
ALEXANDER &c.
Eisdem.
Convenit, ut sacer, & lucidus vester Ordo, sicut Religionis altitudine pollet, sic per Sedis Apostolicæ gratiam privilegio fulgeat speciali. Vestris itaque supplicationibus inclinati, ut nullus Archiepiscopus, vel Episcopus, aut quivis alius Prælatus Ecclesiasticus, seu eorum Vicarii, vel Officiales vos, aut aliquem de vestris Fratribus ad portandum, seu deferendum litteras, vel exequendum, aut denunciandum sententias contra Principes Seculares, Communitates, Populos, seu quoscumque benefactores vestros cogere valeant sine prædictæ Sedis mandato, vel licentia speciali expressam faciente de hac indulgentia mentionem: neque vos, vel quisquam Fratrum vestri Ordinis parere, vel intendere teneamini super his monitionibus, mandatis, aut jussionibus eorumdem auctoritate præsentium indulgemus; decernentes irritum & inane, quidquid circa hoc contra hujusmodi indulti tenorem a quocumque fuerit attentatuma. Nulli ergo &c. nostræ concessionis, & constitutionis &c. Si quis &c.
Datum Anagniæ xvii. Kal. Novembris, Pontificatus Nostri Anno Primob.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXV., pp.79-80
-
(a) Adducit hoc privilegium Pontifex, & cum pluribus aliis confirmat in suo magno diplomate incip. Virtute conspicuos &c. ann. 1259. die 5. Augusti edito §. 16.
-
(b) Simile huic, nisi idem sit privilegium, ne Fratres Minores ab Apostolicis Legatis compelli possint, ut ordinariorum Judicum officio fungantur dat. 5. Augusti Pontif. anno 2. extat autographum Consentiæ in Chartophilacio veteris Conventus S. Francisci ex Gonzaga par. 2. Conv. 7. Prov. Calabriæ.