« bullarium-franciscanum-814 »

INNOCENTIUS &c.

Venerabili Fratri a … Episcopo Carthaginen. b Salutem, & Apostolicam Benedictionem.

Cum Summus Pontifex, collatis sibi in persona Beati Petri ab eo, qui æterna providentia cælestia simul, & æterna disponit, clavibus Regni Cælestis, ligandi obtineat Pontificium, & solvendi; nonnunquam supra jus de jure dispensans necessitatis vinculum, quo ad ipsius juris observantiam cuncti tenentur, laxat providè de suæ potestatis plenitudine circa quosdam. Cum itaque, sicut dilecto Filio nobili Viro Pelagio Menendi Compostellanæ Diœcesis accepimus intimante, ipse cum dilecta in Christo filia nobili Muliere ‥ nata nobilis Viri Nuni Petri ejusdem Diœcesis eum quarto gradu consanguinitatis, ut asserit, attingente Matrimonium duxerit contrahendum; Nos carissimi in Christo Filii nostric ‥ Regis Castellæ, ac Legionis illustris, ac ipsius Pelagii supplicationibus inclinati mandamus, quatenus cum Pelagio, & Muliere prædictis, ut in sic contracto Matrimonio remanere valeant, gradu non obstante prædicto, auctoritate nostra dispenses, cum ab eodem Rege fueris requisitus.

Datum Perusii vii. Idus Octobris Pontificatus Nostri Anno Decimo.