Général
-
Innocent IV (1243-1254)
-
Commendat ei Fratres Minores Herbipolen., ne molestentur, dum de loco ad alium transferuntur juxta suam translationis confirmationem. (Ex
Authographoin Archivo Conventus Herbipolen. Min. Convent.) -
Anno 1250. die 27. Aprilis.
-
1250
-
INNOCENTIUS &c.
Venerabili Fratri ‥ Archiepiscopo Moguntino a Salutem, & Apostolicam Benedictionem.
Cum, sicut accepimus, Venerabilis Frater noster … Herbipolensis Episcopusb dilectos filios ‥ Ministrum, & Fratres Ordinis Minorum Herbipolensesc de loco, in quo antea degebant, proprer incommoditates plurimas ad alium locum magis idoneum Civitatis Herbipolen. transtulerit, dans eis licentiam ædificandi Ecclesiam ibidem, & alia ædificia eorum usibus opportuna, facta commutatione prioris loci ipsorum, quem idem Episcopus contulit Magistræ, & Sororibus Monasterii Sancti Bartholomæi Herbipolensis Ordinis Sancti Augustini, de ipsorum beneplacito, & assensu; prout in ipsius Episcopi litterisd dicitur plenius contineri; Nos suis precibus inclinati, quod super his per eumdem Episcopum piè, ac providè factum est, ratum habentes, & gratum, id per nostras litteras duximus confirmandume. Quocirca Fraternitati tuæ per Apostolica Scripta mandamus, quatenus dictos Ministrum, & Fratres non permittas super his contra confirmationis nostræ tenorem ab aliquibus indebitè molestari: Molestatores hujusmodi per Censuram Ecclesiasticam appellatione postposita compescendo.
Datum Lugduni v. Kalendas Maii Pontificatus Nostri Anno Septimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXXIV., pp.542-543
-
(a) Archiepiscopo Moguntino: Christiano
ii.anno 1249. electo die 3. kal. Julii, & anno 1251. ab officio absoluto ex nova Gallia Christiana tom. 5. num. 20. -
(b) Herbipolensis Episcopus: Hermanus Mysius, qui ab anno 1224. usque ad ann. 1250. sedit, eique datus est successor Hiringus al. Eringus ex tabulis illius Ecclesiæ, sed concessionem memoratam ad Hermannum pertinere existimamus Episc. Herbipolis Germanis Wurzburg.
-
(c) Fratres Ordinis Minorum Herbipolenses: Qui in ea Franconiæ civitate recepti sunt anno 1221. ex Hist. Prov. Argentin. apud Waddingum ad eum annum num. 9.
-
(d) Ipsius Episcopi litteris: Quæ desiderantur.
-
(e) Confirmandum: Aliæ litteræ hujus Pontificis incip.
Justis petentium &c.mense Majo, & anno 7. datæ extare dicuntur in Archivo Conventus S. Francisci urbis Constantien., quibus facultatem Fratribus Herbipolen. concedit se transferendi ad alium locum.