Général
-
Innocent IV (1243-1254)
-
Commendat eis Moniales S. Apollinaris Mediolanen. paupertate pressas: & omnibus eleemosynas eisdem erogantibus indulgentias se tribuere conscribit. (Ex authographo in Archivo Conventus Perusini S. Francisci.)
-
Anno 1250. die 30. Januarii.
-
1250
-
INNOCENTIUS &c.
Universis Christifidelibus præsentes literas inspecturis Salutem, & Apostolicam Benedictionem.
Quoniam ut ait Apostolus &c.a Cum igitur dilectæ in Christo filiæ Abbatissa, & Conventus Monialium inclusarum Monasterii Sancti Apollinarisb Mediolanensis Ordinis Sancti Damiani subventionis vestræ indigeant relevari remediis, quæ præmuntur nimium jugo voluntariæ paupertatis; Universitatem vestram rogamus, & hortamur in Domino in remissionem vobis peccaminum injungentes, quatenus de bonis vobis a Deo collatis, eis, vel earum Nuntio, cum propter hoc ad vos accesserit, pias eleemosynas &c.c Nos enim de Omnipotentis Dei misericordia &c.d Omnibus vere pœnitentibus, & confessis, qui ad Monasterium ipsum causa devotionis accesserint, & eis, vel ipsarum Nuntio manum porrexerint charitatis, quadraginta dies de injuncta sibi pœnitentia misericorditer relaxamus.
Datum Lugduni iii. Kalendas Februarii, Pontificatus Nostri Anno Septimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXIV., pp.536-537
-
(a) Apostolus &c.: Ut in Bulla simili anno 1249. die 10. Decembris pro Monasterio Montis Lucidi Perusini edita, & 1244. die 12. Februarii.
-
(b) Monasterii S. Apollinaris: De quo extat privilegium Gregorii IX. anno 1235. die 5. Maji supra relatum.
-
(c) Eleemosynas &c.: V. Bulla 34. hujus Pontificis.
-
(d) Misericordia &c.: ut supra.