Général
-
Grégoire IX (1227-1241)
-
Senense Monasterium amplo communit privilegio; & suam eidem collatam, & ab Honorio III. probatam immunitatem confirmat. (Ex
Vaticano RegestoArchivi Pontif. Epist. 120. anno 3.) -
Anno 1230. die 26. Januarii.
-
1230
-
GREGORIUS &c.
Dilectis in Christo filiabus .... Abbatissæ Monasterii Sanctæ Mariæ extra Portam Senen. de Camullia a juxta stratam Romeam, ejusque Sororibus tam præsentibus, quam futuris regularem vitam professis in perpetuum Salutem, & Apostolicam Benedictionem.
Religiosam vitam eligentibus Apostolicum convenit adesse præsidium; ne forte cujuslibet temeritatis incursus aut eas a proposito revocet; aut robur, quod absit, sacræ Religionis enervet. Eapropter, dilectæ in Christo filiæ, vestris justis petitionibus clementer annuimus, & Monasterium Sanctæ Mariæ extra portam Senensem de Camullia juxta stratam Romeam, in quo Divino estis obsequio mancipatæ &c.b
Præterea omnes libertates, & immunitates, quas vobis, dum in minori adhuc officio constituti legatione in partibus vestris fungeremurc, indulsimus; & bonæ memoriæ H. Papad Prædecessor noster per suas litteras confirmavit, ad exemplar ipsius auctoritate Apostolica confirmamus, & præsentis Scripti privilegio communimus. Ad indicium autem hujus perceptæ a Sede Apostolica libertatis pro aureo hactenus debitoe, quod vobis remittimus, unam libram ceræ Nobis, nostrisque Successoribus annis singulis persolvetis. Tenorem vero litterarum ejusdem Prædecessoris nostri ad cautelam duximus præsenti privilegio inserendum, qui est talis “Honorius Episcopus &c. Dilectis in Christo filiabus .... Abbatissæ, ac Monialibus Monasterii Sanctæ Mariæ extra portam de Camullia juxta stratam Romeam Salutem &c. Sacrosancta Romana Ecclesia &c.f Datum Laterani xiii. Kalend. Octobris Pontificatus Nostri Anno Septimo.” Decernimus ergo, ut nulli omnino hominum liceat præfatum &c.g
Datum Perusii per manum Magistri Martini Sanctæ Romanæ Ecclesiæ Vice-cancellarii vii. Kalendas Februarii Indictione ii. Incarnationis Dominicæ An. Mccxxviiii. h Pontificatus Domini Gregorii Papæ viiii. Anno Tertioi.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XLV., p.58
-
(a) S. Mariæ extra portam Senen. de Camullia: Cujus loci, & Monasterii mentio facta est, & annotatio ad Honorii
iii.privilegium incip. Sacrosancta Romana Ecclesia &c. anno 1222. die 19. Septembris eidem Monasterio tributum, & supra publicatum; ubi vidimus dictum esse etiamS. Petronillæ, & Ordinis S. Damiani Assisiaten. seu Clarissarum extitisse. -
(b) Mancipatæ &c.: Videatur
Bullasimilis pro Tudertino Monasterio data superiori anno die 22. Novembris. -
(c) Legatione in partibus vestris fungeremur: Nimirum anno 1219., ut ex ejus diplomate.
-
(d) H. Papa: Idest Honorius
iii., ut mox exponitur; qui anno 1222. die 19. Septembris, ut supra est dictum, diploma Card. Legati confirmavit. -
(e) pro aureo hactenus debito: Hujus census immutationis, ac imminutionis causam leges in not. f. ad similem Bullam pro Monasterio S. Mariæ de Gattajola superiori anno die 22. Novembris editam.
-
(f) Romana Ecclesia &c.: Ut in supracitata Honorii
iii.Bulla ix. pro isto Monasterio. -
(g) Liceat præfatum &c.: Adeatur eadem
Bullapro Monasterio Tudertino anno præcedenti die 22. Novembr. data. -
(h) vii. Kalendas Februarii indictione ii. Incarnat. Domin. mccxxix.: Juxta morem Cancellariæ Apostolicæ Romanæ annum a die 25. Martii Inchoantis in Bullis; ideoque est vulgaris annus 1230. ut manifestum fit ex anno tertio Pontificatus Gregorii; & Indictio ii. alligata est hoc loco anno
Incarnationis, seu diei 25. Martii, contra morem, ut videtur, illorum temporum; nisi sit mendum librariorum; nam anno 1230. in cursu eratindictio tertiaa kalendis Septembris, ut antiquitus, vel Januarii, ut seculo xiii. ineunte. -
(i) Præter ista diplomata extat etiam Pontificis epistola incip.
Magna sicut dicitur&c. anno 1227. die 12. Augusti ad ipsas Moniales scripta; & alia anno 1233. Consulibus Pizzicarolis Senen. die 21. Septembr. directa.