« bullarium-franciscanum-7 »

HONORIUS &c.

Venerabili Fratri a . Patriarchæ Constantinopolitano Salutem, & Apostolicam Benedictionem.

Constitutus in præsentia nostra dilectus Filius Joannes Præpositus Ecclesiæ Sanctorum Apostolorum Constantinopolitanæ exposuit humiliter coram Nobis, quod cum dilectus Filius noster Jo:b tituli Sanctæ Praxedis Presbyter Cardinalis Apostolicæ Sedis Legatus ad suggestionem quorundam æmulorum suorum, qui eum odio persequentes iniquo falso se dicebant audisse, quod Monachus fuerat; & Ordinem Fratrum Minorum se voverat suscepturum, eumdem, nullo accusatore penitus comparente, super prædictis, & aliis sibi objectis paratum legitime se purgare, ad suscipiendam Religionem compellere, ac in eadem Ecclesia, in qua spiritualia sibi, & temporalia per bonæ memoriæ G.c prædecessorem tuum de sui assensu Capituli sunt commissa, Decanum instituere in ejus, & Ecclesiæ prædictæ vellet præjudicium, & gravamen. Idem Præpositus sentiens se, ac Ecclesiam ipsam, quæ propter tenuitatem reddituum duas dignitatesd nequit habere, super iis injuste gravari, ad Sedem Apostolicam appellavit, cujus appellationi dictus Legatus detulit reverenter. Cumque postmodum eodem Legato mittente quasdam ad nos litteras contra eum, ipse de sibi objectis in nostra vellet præsentia legitime se purgare; nos eidem Legato, quantum cum Deo potuimus, deferre volentes, dicto Præposito, & dilectis Filiis Petro Arnulfo, & Warnero Nuntiis ipsius Legati dilectum Filium Armannum tunc Capellanum nostrum, nunc verò electum Clusinum e concessimus Auditorem; coram quo eisdem Nuntiis proponentibus, quod nihil eidem Præposito volebant objicere; ac dilecto Filio Fratre Luca Magistro Fratrum Minorumf de partibus Romaniæ, in cujus vovisse manibus idem Præpositus dicebatur, coram Nobis omni contra eum liti cedente; prædictus Præpositus nobis humiliter supplicavit, ut ejus compatientes laboribus, & expensis, sibi super hiis providere misericorditer dignaremur. Nos igitur provide attendentes, quod indignum est aliquem sine culpa puniri, Fraternitati tuæ per Apostolica scripta mandamus, quatenus, si dictus Legatus, cui super hoc direximus scripta nostra, noluerit, vel præpeditus ex itinere ad Sedem Apostolicam revertendig nequiverit procedere in negotio memorato; tu, revocato in statum pristinum quicquid post hujusmodi appellationem, & iter arreptum ad Sedem Apostolicam veniendi fuerit in ejus & dictæ Ecclesiæ præjudicium innovatum, præfatum Præpositum super hujusmodi de cætero non molestes, nec permittas ab aliis molestarih. Molestatores ejus indebitos per Censuram Ecclesiasticam appellatione postposita compescendo.

Datum Laterani xii. Kal. Martii Pontificatus Nostri Anno Quinto.