Général
-
Alexandre II (1061-1073)
-
L'archiprêtre Léon et les chanoines de l'église de Bologne et leurs successeurs.
-
Datum decimo quinto Kal. septembris, indictione quarta.
-
-
Lucques
-
Bulle (ad perpetuam rei memoriam)
-
[Autre copie médiévale] B. ITALIE, Bologne, Archivio di Stato, Cart. del Capitolo di San Pietro, p. 12. Aschrift.
-
[Autre copie médiévale] C. ITALIE, Bologne, Archivio Capitolare, Libro delle Asse, fol. 4v° (Kaltenbrunner, Papsturk., S. 28).
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 151, p. 116.
-
Alexander II nimmt das Domkapitel von Bologna in apostolischen Schutz und bestätigt seine Besitzthümer und Rechte1.
-
Alexander episcopus, servus servorum Dei.
Condecet, culmen nostri regiminis iuxta modum decretorum Romanorum apostolicorum omnibus, Romanam Sedem humilitate querentibus, ex ipsa presidium saluber(r)imum exhibere et nostre eius munificentie beneficio sublevare. Idcirco omnium sancte Dei ecclesie fidelium nostrorum, scilicet presentium ac futurorum, noverit industria, quod, inclinati precibus Leonis archipresbiteri, reliquorum canonicorum sancte Bononiensis ecclesie, canonico iure viventium, eos eorumque successores apostolice defensionis munimine suscipimus, quemadmodum Victor, bone memorie episcopus, noster predecessor2, illos suscepisse manifestum est, atque corroborantes firmamus illis eorumque successoribus atque condonamus omnia, que iam dicto papa Victore interventu atque precibus Odolfredi, eiusdem Bononiensis ecclesie episcopi, condonavit, scilicet bona omnia, que iuste habent vel habere debent, tam in terris et vineis, quam et in diversis possessionibus et speciminibus, per singula loca et territoria constitutis, undecumque illis per quemcumque modum et titulum advenisse noscitur, vel in antea acquisierint. Insuper etiam obnoxiusa constituimus illis omnes decimationes totius plebis S. Marie, que vocatur de Buida, et ecclesie S. Marie, que est sita in Monte Palenti, cum oblationibus et suis aliis pertinentiis, et quidquid ad eum timentibus ibidem pro viventium ac defunctorum salute oblatum fuerit. Oliveta quoque, que sunt in territorio, quod vocatur de Harda, domum quoque prope pallatium episcopi eiusdem ecclesie, omnes autem domos, que ubique sunt eiusdem canonice iuris, seu quicquid de eiusdem ecclesie iure nunc habent, vel ipsi vel eorum successores iuste acquirere Deinceps potuerint. Decimationes vero omnes, quas nunc habent vel habere debent sive invenire potuerint, dominicatum vero eiusdem ecclesie canonice totum, ecclesiam quoque sancti Iohannis baptiste, iuxta maiorem ecclesiam positam, medietatem vero decimarum omnium totius plebis sancti Petri, que vocatur in Barbarorum, nec non concedimus illis canonicis cunctas res mobiles, que sibi aliquo modo pertinere dici et nominari rite videntur, et hanc decreti nostri vel concessionis paginam, ut quiete, pacifice tenere, possidere, remota omnium hominum contradictione aut molestatione, secure valeant. Optantes igitur iubemus, ut nullus archiepiscopus, episcopus, dux, marchio, comes, vicecomes, nullaque magna vel parva persona cuiuscumque ordinis in rebus et possessionibus supradictorum canonicorum placitum tenere aut iniuriam residentibus supra terras eorum facere presumat, nec illos distringere aut molestare aut pignus tollere aut flagellare audeat, sed liceat prenominatis canonicis suorumque successoribus, omnibus rebus et possessionibus eorum omni tempore sub tuitionis nostre munimine quiete frui, remota totius potestatis inquietudine.
Si quis autem temerarius contra hoc nostre confirmationis decretum ire tentaverit aut aliquam molestiam inferre presumpserit, et supradicta non observaverit, nisi infra quadraginta dierum spatium emendaverit, anathematis vinculo obligetur et a liminibus sancte ecclesie alienetur usque ad dignam satisfactionem. Qui vero contentus huius nostre sanctionis extiterit, benedictionem et gratiam omnipotentis Dei et beati Petri, apostolorum principis, et nostram habeat, et in futuro eternam retributionem percipiat.
[Rota]
Datum Luce, decimo quinto Kal. septembris, per manus Petri, sancte Romane ecclesie subdiaconi ac bibliothecarii. Anno quinto pontificatus Alexandri pape secundi, indictione quarta. -
(a) Etwa obnoxias ?
-
1. Zu grossem Danke fühle ich mich den Herrn E. Frati und C. Malagola für ihr freundliches Entgegenkommen verpflichtet.
-
2. Jaffé, Reg., 2e éd., n. 4337 [en ligne].
Informations
Acte
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79831 (aposcripta-4600), http://telma.irht.cnrs.fr/chartes/aposcripta/notice/79831 (mise à jour : 17/05/2024).