Général
-
Urbain V (1362-1370)
-
Le prieur du prieuré de Saint-Geniès, ordre de Saint-Benoît, diocèse d'Uzès, Jean de Bastide
-
V kalendas decembris, anno primo
-
-
Avignon
-
Lettre, général (après 1198, littere cum filo canapis)
-
[Expédition] E. FRANCE, Nîmes, Archives départementales, H 785, n. 116 (auj. 122). Original sur parchemin en bon état, quoique un peu rongé [inventaire en ligne].
-
[Registre de la chancellerie apostolique] R. CITÉ DU VATICAN, Archivio segreto apostolico, Registra Avenionensia 153, fol. 49v.
-
Ici reprise d'Étienne Goiffon, Bullaire de l’abbaye de Saint-Gilles, Nîmes : P. Jouve, 1882, CLXV, p. 218-220 [en ligne].
-
Urbain V (1362-1370). Lettres communes..., éd. École française de Rome et al. 3 t., Paris, 1954-1989, n. 8231, d’après R.
-
Bulle d'Urbain V1, datée d'Avignon, portant provision en faveur de Jean de Bastide du prieuré du Caylar, diocèse de Nîmes, alors encore dépendant du monastère de Saint-Gilles.
-
Urbanus episcopus, servus servorum Dei, dilecto filio Johanni de Bastida, priori prioratus Sancti Genesii2, ordinis Sancti Benedicti, Uticensis diocesis, salutem et apostolicam benedictionem.
Religionis zelus, vite ac morum honestas, aliaque probitatis et virtutum merita super quibus apud nos fide dignorum commendaris testimonio, nos inducunt, ut tibi reddamur ad gratiam liberales.
Cum itaque hodie dilecto filio Deodato de Viridiscico, priori prioratus conventualis Sancti Saturnini3, Cluniacensis ordinis, Uticensis diocesis, de ipso prioratu tunc vacante duxerimus per nostras certi tenoris litteras providendum, et propterea quamprimum ipse Deodatus dicti prioratus Sancti Saturnini, vigore dictarum Iitterarum, possessionem pacificam fuerit assecutus, prioratus de Caslario4, ordinis Sancti Benedicti, Nemausensis diocesis, quem dictus Deodatus obtinebat, prout obtinet, vacare speretur ; nos volentes tibi, premissorum meritorum tuorum intuitu, necnon consideratione dilecti filii nostri Stephani Sancte Marie in Aquiro diaconi cardinalis, pro te dilecto suo nobis super hoc humiliter supplicantis, gratiam facere specialem, dictum prioratum de Caslario a monasterio Sancti Egidii, ordinis Sancti Benedicti et Nemausensis diocesis predictorum dependentem et per monachos ipsis monasterii, cujus monachus existis, solitum gubernari, cum illum premisso vel alio quovis modo, preterquam per ipsius Deodati obitum, vacari contigerit, conferendum tibi cum omnibus juribus et pertinentiis suis donationi apostolice reservamus, districtius inhibentes dilectis filiis abbati et conventui dicti monasterii ac illi vel illis ad quem vel ad quos dicti prioratus de Caslario collatio, provisio, presentatio, seu quavis alia dispositio pertinet communiter vel divisim ne de ...... ipso contra reservationem nostram hujusmodi disponere quoquo modo presumant, ac decernentes ex nunc irritum et inane si secus super hiis a quoquam, quavis auctoritate, scienter vel ignoranter contigerit attemptari.
Non obstantibus quibuscumque statutis et consuetudinibus monasterii et ordinis predictorum contrariis juramento confirmatione apostolica vel quacumque firmitate alia roboratis ; aut si aliqui super provisionibus sibi faciendis de prioratibus, dignitatibus, personatibus vel officiis, aut aliis beneficiis ecclesiasticis in illis partibus speciales vel generales dicte Sedis vel legatorum ejus litteris impetrarint, etiam si per eas ad inhibitionem, reservationem et decretum, vel alias quomodolibet sit processum quibus omnibus .....to in assecutionem prioratuum, dignitatum, personatuum, vel officiorum aut beneficiorum aliorum prejudicium generari. Seu si eisdem abbati et conventui vel quibusvis aliis communiter vel divisim a dicta sit Sede indultum quod ad receptionem vel provisionem alicujus minime teneantur et ad id compelli non possint, quodque de prioratibus, dignitatibus, personatibus, vel officiis aut aliis beneficiis ecclesiasticis ad eorum collationem, provisionem, presentationem, seu quamvis aliam dispositionem conjunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto hujusmodi mentionem, et qualibet alia dicte Sedis indulgentia generali vel speciali, cujuscumque tenoris existat, per quam presentibus non expressam vel totaliter non insertam effectus hujusmodi nostre gratie impediri valeat quomodolibet, vel differri, de qua cujusque toto tenore habenda sit in nostris litteris mentio specialis ; seu quod prioratum Sancti Genesii, ordinis Sancti Benedicti et Uticensis diocesis predictorum, nosceris obtinere.
Voluumus autem quod quamprimum, vigore presentium, dictum prioratum de Caslario pacifice fueris assecutus, dictum prioratum Sancti Genesii quem, ut premittitur, obtines, quemque ex tunc vacare decernimus, omnino, prout etiam ad id te sponte obtulisti, dimittere tenearis.
Nulli ergo omnino hominum liceat hanc paginam nostre reservationis, inhibitionis, constitutionis et voluntatis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Pétri et Pauli, apostolorum ejus, se noverit incursurum.
Datum Avenion., V kalendas decembris, pontificatus nostri anno primo. -
1. S. Urbain V, élu le 27 septembre 1362, mourut le décembre 1370, après un règne de huit ans, deux mois et vingt-trois jours.
-
2. Saint-Géniès-en-Malgoirès est une commune du canton de Saint-Chaptes, arrondissement, d'Uzès (Gard).
-
3. Le Pont-Saint-Esprit, est le chef-lieu d'un canton de l'arrondissement d'Uzès (Gard) ; il y avait dans cette ville un prieuré considérable de l'ordre de Cluny.
-
4. Le Caylar est une commune du canton de Vauvert, arrondissement de Nîmes (Gard).
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27850 (aposcripta-4409), http://telma.irht.cnrs.fr/chartes/aposcripta/notice/27850 (mise à jour : 16/04/2024).