Général
-
Clément IV (1265-1268)
-
Pour mémoire perpétuelle de la chose
-
Le comte de Provence Charles d'Anjou
-
IV kalendas martii, anno primo
-
-
Pérouse
-
Bulle (ad perpetuam rei memoriam)
-
[Original] E. ITALIE, Abbaye du Mont-Cassin.
-
[Autre copie médiévale] F1. FRANCE, Marseille, Archives des Bouches-du-Rhône, B 150, fol. 11-32v [en ligne].
-
[Autre copie médiévale] F2. FRANCE, Paris, Bibliothèque nationale de France, cop. 188-115.
-
Ici reprise d'Alexis de Saint-Priest, Histoire de la conquête de Naples, II, p. 332-364 [en ligne], d'après Lünig.
-
Lucas d’Achery, Spicilegium sive collectio veterum aliquot scriptorum qui in Galliae bibliothecis delituerant, nouv. éd., 3 t., Paris, 1723, t. III, p. 650.
-
Lünig, n. 43, c. 946.
-
Magnum bullarium Romanum, t. IX, Luxembourg, 1741, p. 56-65.
-
Auguste Bernard, Alexandre Bruel, Recueil des chartes de l'abbaye de Cluny. VI. 1211-1300, Paris : Imprimerie nationale, 1903, p. 546, n. 5081 [en ligne].
-
Potthast, Regesta pontificum Romanorum, n. 19038 [en ligne].
-
Carolo comiti Andegaviae et Provinciae regnum Siciliae confert in feudum eique ob illius collationem 35 conditiones imponit, quarum totus tenor est insertus [Potthast].
-
Clemens episcopus, servus servorum Dei, ad perpetuam rei memoriam.
Cum jamdudum tractatum fuisset de regno Sicilie, dilecto filio nobili viro, Carolo, comiti Andegavie et Provincie, sub certis conditionibus concedendo, felicis recordationis Urbanus papa quartus, predecessor noster, tractatum hujusmodi plena voluntate resumens, dilectum filium magistrum Albertum notarium nostrum ad eumdem comitem destinavit, certis conditionibus eidem notario traditis, sub quibus si comes ipse acceptaret easdem, dicti regni collatio fieret, prout idem predecessor de suorum fratrum consilio duceret ordinandum. Cumque ipse notarius, ad eumdem perveniens comitem et super ipsis conditionibus sollicite ac prudenter conferens, cum eidem domino predecessori, quid ipse comes addi, quid minui, quid omnino tolli, quidque immutari vellet, et peteret, fideliter retulisset, idem predecessor, deliberatione cum fratribus suis habita, quasdam super eisdem conditionibus modificationes edidit, intendens per hoc ejusdem comitis satisfacere voluntati. Sed hujusmodi tractatu precedente contigit ipsum comitem in senatorem Urbis eligi et ad illius regimen evocari ; et licet in eisdem conditionibus contineretur expresse quod sibi non liceret vel quod non posset in Urbe ipsa senatoriam recipere dignitatem, et prefatus predecessor, diligenter attendens quod si predictus comes regimen ipsum taliter susciperet, jus ecclesie Romane, ad cujus dominium dicta Urbs plene pertinet, graviter lederetur, et volens indemnitati ejusdem Ecclesie precavere, ipsi comiti speciales super hoc literas direxisset, idem tamen comes senatum ipsius Urbis seu dictum regimen recepit, contra formam in ejusdem literis deprehensam. Quod cum postmodum ad eorumdem predecessoris et fratrum notitiam pervenisset, ipsi congruos exquisivere modos certasque perscrutati sunt vias quibus idem comes posset saltem ad tempus eodem uti senatu vel dictum regimen exercere quod ad promotionem negotii prefati regni multum sibi valere poterat et prodesse, ita quod, ipso finito tempore, dictum senatum vel regimen dimittere teneretur, ne generaretur prejudicium eidem romane Ecclesie, que sola in solidum dicte Urbis dominium sibi justissime vindicans et non sortis impatiens in hac parte sustinere non posset sine gravissimo prejudicio et enormi jactura, sive in perpetuum, sive ad longum tempus quemquam inibi dominari.
Unde idem predecessor dilectum filium nostrum tituli Sancte Cecilie presbyterum cardinalem pro predicto ipsius regni negotio in Franciam, commisso sibi plene legationis officio, dirigens, et duas sibi formas super ejusdem senatus articulo exprimens et exhibens, ut si prima dicto comiti non placeret, saltem sisteret et quiesceret in secunda, inter alia continentia totum ipsum negotium prefato cardinali imposita et injuncta, commisit eidem quod, postquam tam super dicti senatus capitulo quam super quibusdam conditionibus et modificationibus, ac ceteris aliis cum ipso comite concordasset, conscriptis vel lectis omnibus in presentia carissimi in Christo filii nostri regis Francie illustris, posset idem cardinalis dicto comiti promittere ipsius predecessoris et ecclesie Romane nomine quod, postquam sine gravi scandalo Ecclesias gallicane de exhibenda ipsi comiti decima ecclesiasticorum proventuum quam petierat ordinatum existeret et concessum, et negotium pro quo carissimus in Christo filius noster rex Anglorum illustris et Eadmundus natus ejus erant ipsius predecessoris autoritate citati, foret per apostolicam Sedem decisum...
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 25603 (aposcripta-2700), http://telma.irht.cnrs.fr/chartes/aposcripta/notice/25603 (mise à jour : 24/10/2022).