Général
-
Innocent IV (1243-1254)
-
Les moines du monastère de Bonnefont
-
IV idus novembris, indictione quinta, anno millesimo ducentesimo quadragesimo sexto, anno quarto
-
-
Lyon
-
Privilège solennel
-
[n.c.] FRANCE, Toulouse, Archives départementales de Haute-Garonne, B Eaux et Forêts Comminges, M 19, 18-19.
-
Ici reprise de Charles Samaran, Charles Higounet, Recueil des actes de l’abbaye de Bonnefont en Comminges, Paris, 1970, n. 340, p. 149-150.
-
?
-
?
-
Privilège du pape Innocent IV accordant à l’abbaye la protection apostolique et confirmant ses possessions [Samaran, Higounet].
-
Innocentius episcopus, servus servorum Dei, dilectis filiis monasterii Bonifontis ejus[que] fratribus tam presentibus quam futuris [regularem vitam] professis, in perpetuum.
Religiosam vitam eligentibus apostolicum convenit adesse presidium ne forte cujuslibet temeritatis incursus aut eos a proposito revocet aut robur, quod absit, sacre religionis infringat.
Eapropter, dilecti in Domino filii, vestris justis postulationibus clementer annuimus et monasterium Sancte Dei genitricis et virginis Marie Bonifontis Convenarum diocesis in quo divino estis obsequio mancipati, sub beati Petri et nostra protectione suscipimus et presentis scripti privelegio communimus.
In primis siquidem statuentes ut ordo monasticus, qui secundum Deum et beati Benedicti regulam et institutionem Cisterciensium fratrum in eodem monasterio institutus esse dinoscitur, perpetuis ibidem temporibus inviolabiliter observetur.
Preterea quascumque possessiones, quecumque bona idem monasterium in presentiarum juste et canonice possidet aut in futurum concessione pontificum, largitione regum vel principum, oblatione fidelium seu aliis justis modis, prestante Domino, poterit adipisci, firma vobis vestrisque successoribus et illibata permaneant, in quibus hec propriis duximus exprimenda vocabulis : locum ipsum in quo monasterium situm est cum omnibus pertinentiis suis, grangiam de Doudanis cum pertinentiis suis, terram de Sedoy cum pertinentiis suis, molendinum de Puinctis cum aqueductibus et piscationibus suis, grangiam de Linars cum pertinentiis suis, domum de Podio, terras de Seps, de Pissaloup et de Argeles, grangiam de Petraria cum pertinentiis suis, terras de Casanor, grangiam de Mamoere, grangiam de Apars cum molendino, aqueductibus, piscationibus et aliis pertinentiis suis, nemus de Chastanos, terras de Laserre et de Labattut cum pertinentiis suis, grangiam de Sancta Fide cum pertinentiis suis, grangiam de Pentanis cum molendino, aqueductibus et piscationibus suis, domum et terras de Martribus cum vineis et aliis pertinentiis suis, grangiam de Carbonne cum molendino, aqueductibus, piscationibus et aliis pertinentiis suis, terras Sancti Laurentii, domum de B[ru]gal, de Larua et de Quereilhac cum pertinentiis earumdem de Bernon et de Aspred terras cum pertinentiis earumdem, domos, terras et vineis de Rivis cum pertinenciis suis, grangiam de Mignac et terras de Togmenester cum omnibus pertinentiis suis, de Pennagan et de Pennagantu terras cum omnibus pertinentiis suis, domum de Tolosa cum orto, terris et aliis pertinentiis suis, cum pratis, vineis, terras et nemoribus, usagiis, pascuis, in bosco et plano, in aquis et molendinis, in viis et semitis et omnibus libertatibus et immunitatibus suis.
Datum Lugduni, per manum magistri Martini sancte Romane ecclesie vicecancellarii, quarto idus novembris, indictione quinta, Incarnationis dominice anno millesimo ducentesimo quadragesimo sexto, pontificatus vero domni Innocentii pape quarti anno quarto. -
Inconnue de Potthast.
Informations
Acte
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193446 (aposcripta-41137), http://telma.irht.cnrs.fr/chartes/aposcripta/notice/193446 (mise à jour : 21/10/2024).