Général
-
Innocent III (1198-1216)
-
Le maître et les frères de l'Hôpital de Saint-Jean de Jérusalem
-
VI idus februarii, anno primo
-
-
Latran
-
[Original] E. FRANCE, Marseille, Archives départementales des Bouches-du-Rhône, 56 H 4011.
-
Ici reprise de celle de Joannes Baptista Pitra, Analecta Novissima, Spicilegii Solesmensis, altera continuatio, 2 vol., Paris, 1885-1888, I, n. 60, p. 554-555 [en ligne].
-
Werner Maleczek, d'après E.
-
Schedario Baumgarten, a cura G. Battelli, Città del Vaticano, t. I, 1965, n. 31, p. 9.
-
Concordia inter milites Hospitalis et Templi inita confirmatur [Pitra].
-
Innocentius episcopus, servus servorum Dei, dilectis filiis Magistro et fratribus hospitalis Ierosolimitani, salutem et apostolicam benedictionem.
Quanto religio vestra, et fratrum militie Templi, Deo et hominibus magis creditur grata existere, et terre orientali amplius necessaria et oportuna probatur, tanto de vestra et ipsorum unitate majus debemus gaudium letitiamque concipere , et ut semper inter vos vinculum devotionis servetur, toto studio laborare. Hac itaque ratione inducti, pacem et concordiam, quam cum dilectis filiis nostris Magistro et fratribus militie Templi, de omnibus querelis que inter domum vestram et ipsorum, a longo tempore fuerant agitate, tam de terris et possessionibus quam etiam de pecuniis, vel quibuslibet aliis rebus, de illorum assensu fecistis, ad exemplar felicis recordationis Alexandri pape, predecessoris nostri, non solum gratam, verum etiam ratam habentes, auctoritate apostolica confirmamus, et perpetuis temporibus firmam illibatamque manere censemus ; quam utique de verbo ad verbum presenti pagine duximus annotandam.
— In nomine Patris, et Filii, et Spiritus Sancti, Amen. Notum sit omnibus tam futuris quam presentibus, quod per voluntatem omnipotentis Dei, et Domini pape Alexandri, cui soli post Deum obedire tenemur, ego Rogerius de Molinis, Minister domus hospitalis Ierusalem, et ego frater Oddo Sancti Amantii, humilis magister militie Templi, cum consillo et voluntate capitulorum nostrorum, firmam pacem et gratam concordiam fecimus de omnibus querelis que inter domum hospitalis et domum Temipli fuerant usque ad hanc diem ventilate, tam de terris et possessionibus, quami etiam de pecuniis, vel quibuslibet aliis rebus, sopitis ita cunctis querelis, tam citra quam ultra mare, quod nulla deinceps suscitari possit, vel repeti. Hanc autem pacem et concordiam, et universarum querelarum terminationem, necnon et ad invicem fraternam dilectionem, universis fratribus Hospitalis et Templi tenere, observare, et fovere statuimus, et precipimus ; salvis ah hinc in perpetuum, quieteque ac pacifice remansuris utrique domui, rebus et possessionibus, quas hodie domus utraque, tam ultra mare quam citra, noscitur tenere. Si qua vero querela deinceps inter nos, vel successores nostros seu etiam inter fratres nostros, citra mare vel ultra, surrexerit, per tres utriusque partis fratres, sicut in mandatis a domino papa percepimus, eam statuimus terminari. Taliter videlicet quod preceptores domorum illarum, vel provinciarum inter quas orta fuerit questio, assumptis quisque discretioribus fratribus suis, querelam illam dissolvere, et pacem inter se studeant conservare, sine fraude, et sine gravamine alterutrius partis ; quantum poterunt cavere. Si vero per se nequiverint fratres illi querele finem imponere, asciscant sibi de suis amicis communiter, quorum consilio et mediatione questio valeat terminari. Sic scilicet, quod in quo major pars fratrum illorum convenerit, vel amicorum, in eo finis querele imponatur ; et inter fratres pax semper integra et dilectio firma consistat. Si autem nec ad id pacis adhuc poterunt pervenire, querelam ad nos scriptam transmittant, et nos illam, Deo volente, terminabimus. Ipsi vero nichilominus fratres pacem et benivolentiam inter se teneant. Si quis vero fratrum, quod absit, ab hac pace, pacisque ac dilectionis conservatione dissiluerit, se contra magistri sui preceptum, et capituli Ierosolimitani constitutionem, sciat egisse ; reatumque suum hujusmodi nullatenus poterit expiare, quousque magistri sui et capituli Ierosolimitani conspectui se presentet. Hiis autem duximus acnectendum, quod fratres utriusque domus se ubique diligant et honorent; et alter commodum alterius, mutua caritate, et unanimitate fraterna, perquirant et observent; ut duarum domorum existentes per professionem, unius esse pateant per dilectionem. Facta est autem pax ista et concordia anno dominice Incarnationis M.C.LXXIX, mense Februarii, indictione XIII, coram domino Balduino rege in sancta civitate Ierusalem, Latinorum VI, coram domino Boum[undo], principe Antiochie, coram domino Raimundo, Tripolitano comite, et coram ceteris baronibus orientalis christianitatis. Ut autem hec pacis et dilectionis concordia inter domum Templi et Hospitalis firma permaneat et inconcussa, sigillo utriusque domus hanc paginam communiri fecimus et corroborari.
— Nulli ergo omnino hominum liceat hanc paginam nostre constitutionis et nostre confirmationis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum ejus, se noverit incursurum.
Datum Laterani, VI idus Februarii, pontificatus nostri anno primo. -
Inconnue de Potthast.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193409 (aposcripta-41100), http://telma.irht.cnrs.fr/chartes/aposcripta/notice/193409 (mise à jour : 25/10/2024).