Général
-
Innocent III (1198-1216)
-
Les archevêques, les évêques et les archidiacres et doyens auxquels ces lettres parviendront
-
Les frères de l'ordre du Temple
-
Nonis ..., anno primo
-
-
-
-
Rome, Saint-Pierre
-
Mandement (littere cum filo canapis)
-
[Original] E. PORTUGAL, Lisbonne, Torre do Tombo, Col. Esp., cx. 3 no. 3 (Mikrofilm 2823)
-
Werner Maleczek, d'après F.
-
Peter Linehan, Portugalia pontificia : materials for the history of Portugal and the papacy. 1198-1417, 2 t., Lisbonne, 2013, I, n. 1, p. 93.
-
Mandate to archbishops and other prelates whom the present letters may reach to admit suitable clerics presented by the brothers of the Temple to serve in their churches; failing which, the income of such churches is to be applied to the relief of the Holy Land. Indulgence against sentences of interdict and excommunication on brothers and their priests [Linehan].
-
INNOCENTIUS episcopus servus servorum Dei. Venerabilibus fratribus archiepiscopis, episcopis et dilectis filiis archidiaconis et decanis, ad quos littere iste pervenerint, salutem et apostolicam benedictionem.
Quanto dilecti filii nostri fratres militie Templi propriis derelictis ferventius pro christianitatis commodo iugiter elaborant nec ponere pro fratribus animas reformi[ ] tanto ipsis in suis manutenendis iustitiis diligenter adesse nos convenit et eorum incommoditatibusque paterna sollicitudine providere, ne si fuerimus - quod absit - in eorum manutenenda iusticia ..... a Sarracenorum impugnatione, qui christianum nomen insufflant et fidelium effundere sanguinem moliuntur, desistere compellantur et amplius adversus christianos illorum insolentia convalescat. Cum autem prenominatis fratribus de indulgentia Sedis apostolice misericorditer sit indultum, ut fructus ecclesiarum, que ad illorum donationem pertinent, assignato vicariis, unde congrue valeant sustentari et diocesano episcopo eiusque officialibus de suis possit iusticiis responderi, debeant in subventionem terre Ierosolimitane convertere, quidam episcopi, archidiaconi et decani, ad quos illarum ecclesiarum investitura pertinet, clericos, quos idem fratres idoneos representant, recipere pro sua voluntate contempnunt, nisi easdem ecclesias clericis, qui de illorum mensa fuerint seu aliis licet minus existant idonei, largiantur. Si vero idem fratres easdem ecclesias prout desiderant non assignent, ut libere posset redditus earum percipere, illas per longa tempora faciunt a divinorum celebratione cessarent, sic fratres ipsi voluntates eorum exequi compellantur.
Nos igitur tante predictorum fratrum incommoditati prospicere cupientes, ne tantam iacturam maliciose cogantur de cetero sustinere, universitati vestre per apostolica scripta mandamus atque precipimus, quatenus clericos idoneos, quos idem fratres ad ecclesias suas vobis duxerint presentandos, amodo benignius admittatis. Alioquin noveritis, quod ipsis auctoritate apostolica liberam indulsimus facultatem, ut fructus earundem ecclesiarum donec predicta occasione vacaverit in subventionem Ierosolimitane terre convertere et eos libere valeant retinere. Preterea quia quidam vestrum fratres ipsos et eorum clericos contra privilegia Sedis apostolice ipsis indulta - sicut dicitur - interdicere vel excommunicare presumunt, nichilominus districtius inhibemus, ne ipsos fratres vel eorum clericos de cetero taliter interdicere vel excommunicare aliquatenus attemptetis. Quod si a modo - quod non credimus - fuerit attemptatum, eandem sententiam volumus non teneri.
Datum Rome apud sanctum Petrum, Non. [ ] pontificatus nostri anno primo. -
Inconnue de Potthast.
Une partie de la datation manque d'où l'incertitude sur la date. La bulle est faussement attribuée à Innocent IV dans l'inventaire.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193389 (aposcripta-41080), http://telma.irht.cnrs.fr/chartes/aposcripta/notice/193389 (mise à jour : 25/10/2024).