Général
-
Innocent III (1198-1216)
-
L'abbé de Clairvaux Guy et ses frères tant présents que futurs
-
n.c.
-
-
Rome, Saint-Pierre
-
Privilège solennel
-
[Original] E. FRANCE, Troyes, Archives départementales de l'Aube, 3 H 50, n. 2.
-
Partielle: Werner Maleczek, d'après E.
-
Innocent III prend sous sa protection le monastère de Clairvaux [APO].
-
Innocentius episcopus, servus servorum Dei, dilectis filiis Guidoni abbati Clarevallis eiusque fratribus tam presentibus quam futuris.
Religiosam vitam eligentibus apostolicum convenit adesse presidium ne forte cuiuslibet temeritatis incursus aut eos a proposito revocet aut robur, quod absit sacre religionis, infringat. Eapropter dilecti in domino filii vestris iustis postulationibus clementer annuimus et monasterium Clareuallis, in quo divino mancipati estis obsequio, sub beati Petri et nostra protectione suscipimus et presentis scripti privilegio communimus.
In primis, si quidem statuentes, ut ordo monasticus, qui secundum Deum et beati Benedicti regulam atque institutionem Cisterciensium fratrum in eodem monasterio institutus esse dinoscitur perpetuis ibidem temporibus inviolabiliter observetur. Preterea quascumque possessiones quecumque bona idem monasterium inpresentiarum iuste ac canonice possidet aut in futurum concessione pontificum, largitione regum vel principum, oblatione fidelium seu aliis iustis modis prestante domino poterit adipisci, firma vobis vestrisque successoribus et illibata permaneant, in quibus hoc propriis duximus exprimenda vocabulis : locum ipsum, in quo prefatum monasterium situm est cum omnibus pertinentiis suis, grangiam, que dicitur ultra Albam, grangiam fratris Abel, grangiam de Campaniaco, grangiam de Fontaitia, grangiam de Bello Monte, grangiam de Frayuilla, grangiam de Borda, grangiam de Cornaio, grangiam de Belinsay cum omnibus predictarum grangiarum pertinentiis in terris, pratis, aquis, pascuis, silvis, decimis et annuis censibus et quecumque habetis a viro nobili Gualtero de Wangianis Rivo scilicet duos boscos Sememont et Rohomont cum fundis suis in omnibus utilitatibus libere et integre possidendos et pasturas plenarias et securas per totam terram de Wangianis rivo et per omnes alias terras suas, ubique ad omnem genus peccorum restrorum et omnia loca, que modo habetis, et ad alia etiam, que estis pro tempore ..... vobis ..... et dedit excepto, quod infra forestam de Blesi et infra boscum de Rouereia pasturas non habetis, nisi postmodum ipse concesserit, universa etiam de quibuscumque domus vestra investita fuit et omnia, que de terris suis propriis ei de feodis suis hactenus acquisierat et quecumque amodi de illis acquirere poterit cum nonnullis aliis libertatibus, que scripto suo autentico exprimuntur vobis concessit et fidie sue interposito sacramento cavea sua cum sigillo suo proprio confirmatur et quicquid a predecessoribus suis necnon et viris nobilibus scilicet heredibus de Chancenaio in elemosinam possidetis. Item triginta libras et viginti millenaria alterum, que de donatione inclite memorie Philippi comitis Flandrie debetis recipere annuatim et ....... Simonis filii Parisii apud Musseium, et que ibi habetis a filiis Raynerii militis et a Patro Maiore de Castellione et universa alia quecumque in territorio sancti Petri et in omnibus finagiis de Orasseio fore ad monachos de ..... sive ... episcopum Lingonensem sive ad aliquos alios pertineant cum omnium immunitate decimarum tam de vineis quam de terris quas propriis manibus colitis ... expensis. Item forgiam apud Waysiacum et dimidium molendinum apud villam .... et pratis, que habetis ab abbate et conventui Molismensi in usus pauperum ad portam domos de Marsal cum terris, vineis, pratis, aquis, ..., salinis et annuis censibus et cessis .. meiatio monasterio vobis collatis et ... quas habetis ab episcopis Metensibus et universas eorum donationes et confirmationes mansos etiam et terras et quicquid habetis in Uilla ...fragio de Burreuilla sicut testantur carte Garnerii, Trecensis episcopi, domum apud Nouum Castrum, domos, prata, vineas, terras, mansos et viginti sormalia vinearum, quas habetis a magistro et conventui Mormenti apud Diuionem. Laudante Garnerio episcopo Lingonensi cellaria de Morual et de Columbeio cum vineis, terris, pratis, decimis et annuis censibus, que in illorum finagiis possidetis, domos et omnia, que habetis apud Pruuinum domum, vineas, prata et presertim duo prata, que habetis apud Trecas de dono Petri de Ponte capitulo Sancti Petri Trecensis ... vobis pariter et laudante si quid in illis ad ipsos iure aliquo pertinebat, feudum de Putineio cum terris, aquis, pascuis, silvis, pratis, decimis et annuis censibus et omnibus aliis preventibus, que habetis ex Gaud..... et... -
Inconnue de Potthast.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193388 (aposcripta-41079), http://telma.irht.cnrs.fr/chartes/aposcripta/notice/193388 (mise à jour : 25/10/2024).