Général
-
Innocent III (1198-1216)
-
L'abbé du monastère Saint-Germain d'Auxerre Raoul et les frères tant présents que futurs qui y font profession
-
XIV kalendas julii, MCXCVIII, pontificatus anno primo
-
-
Rome, Saint-Pierre
-
Privilège solennel
-
[Cartulaire] F1. FRANCE, Auxerre, Bibliothèque municipale, ms. 161, fol. 11v-13 (cartulaire de Saint-Germain d'Auxerre, XIIIe siècle) [en ligne].
-
[Copie moderne] F2. FRANCE, Auxerre, Archives départementales de l'Yonne, G 33.
-
Werner Maleczek, d'après F1 et F2.
-
Innocenz III. nimmt die Abtei St-Germain in Auxerre unter dem Abt Radulph nach dem Vorbild Eugens III., Hadrians IV., Clemens' III. und Coelestins III. in den apostolischen Schutz und bestätigt ihm seine Besitzungen und Rechte [Maleczek].
-
Innocentius episcopus, servus servorum Dei, dilectis filiis Radulfo abbati monasterii sancti Germani Autisiodorensis eiusque fratribus tam presentibus quam futuris regularem vitam professis in perpetuum.
Effectum iusta postulantibus indulgere et vigor equitatis et ordo exigit rationis, presertim quando petencium voluntates et pietas adiuvat et veritas non relinquit. Eapropter dilecti in domino filii vestris iustis postulacionibus clementer annuimus et prefatum monasterium, in quo divino mancipati estis obsequio, ad exemplar predecessorum nostrorum felicis memoriea Eugenii, Adriani, Clementis1 et Celestini2 Romanorum Pontificum sub beati Petri et nostra protectione suscipimus et presentis scripti privilegio communimus.
In primis siquidem statuentes, ut ordo monasticus, qui secundum Deum et beati Benedicti regulam in eodem monasterio institutus esse dinoscitur, perpetuis ibidem temporibus inviolabiliter observetur. Preterea quascumque possessiones, quecumque bona idem monasterium inpresenciarum iuste et canonice possidet aut in futurum concessione pontificum, largicione regum vel principum, oblacione fidelium seu aliis iustis modis prestante domino poterit adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis: Locum ipsum, in quo prefatum monasterium situm est, cum omnibus pertinenciis suis. In episcopatu Autisiodorensi : ecclesiam Sancti Lupi, ecclesiam Digie, ecclesiam de Escant, ecclesiam de Partiniaco, ecclesiam de Blaagniaco, ecclesiam de Banna, ecclesiam de Venneto, ecclesiam de Pratili, ecclesiam de Irenciaco, ecclesiam de Ariaco, ecclesiam de Saliniaco, ecclesiam de Roureto, ecclesiam de castro Sancti Ferreoli, ecclesiam que dicitur Sanctos. Monasterium Meleredense cum adiacentibus ecclesiis, videlicet ecclesia Sancti Petri de ipso burgo, ecclesia Sancte Columbe, ecclesia Sancti Boniti, ecclesia Sancti Amandi et ecclesia de Annaio. Monasterium Sancti Salvatoris cum adiacente ecclesia Sancti Iohannis baptiste. Monasterium de Saxiaco cum adiacentibus ecclesiis Sancti Christofori et Sancti Machuti. Quindecim solidos in ecclesia de Asneriis, monasterium de Bello Monte, monasterium Sancti Verani, capellam de Nerone, capellam de Soetiis. In parrochia Senonensis ecclesiam de Agriaco, ecclesiam de Frons, ecclesiam de Sancta Cruce. Quicquid habetis in ecclesia de Corberiis, ecclesiam de Sencasio, ecclesiam de Hulmedo, ecclesiam de Alta Ripa, ecclesiam de Monte Sancti Sulpicii, ecclesiam de Booliaco. Monasterium Sancti Florentini cum capella vicecomitis et aliis pertinenciis suis. Monasterium Airaldi cum pertinenciis suis et ecclesia de Crueio. In episcopatu Trecensi ecclesiam de Britiniaco cum capella de Valle Charzi. In episcopatu Lingonensi monasterium Sancti Leodegarii cum adiacentibus ecclesiis, videlicet ecclesia Sancte Marie in eodem burgo, ecclesia de Mosteriolo cum capella de Estival et de Cirins, ecclesia de Magniaco, ecclesia de Massiliaco et ecclesia de Besueta. Monasterium Sancti Valentini cum ecclesiis de Niceto, de Lamnia, de Pontiaco, ecclesiam de Linorellis, ecclesiam de Canisiaco, ecclesiam de Mollaio, ecclesiam de Annaio. In parrochia Bisunt[ina] monasterium de Palmis cum ecclesia eiusdem castri, ecclesiam de Tumbeio. In episcopatu Eduensi ecclesiam de Luciaco, ius quod habetis in ecclesia de Vultiniaco, ecclesiam de Disingiaco. In ecclesia de Mainiaco novem solidos et ob. In episcopatu Niuernensi monasterium Sancti Petri de Disesia cum capellis Sancte Marie Magdalene et Sancti Martini in eodem castro, ecclesiam Sancti Mauritii, ecclesiam Sancti Leodegarii, quicquid habetis in ecclesia de Toriaco. Monasterium de Masiliis cum ecclesiis de Viridi Prato, de Monterrant, de Tais, de Vendenessa et de Sancto Jacobo. Monasterium de Castellione cum capellis eiusdem castri, videlicet Sancte Marie, Sancte Cecilie et Sancte Marie Magdalene, ecclesiam de Alvia cum capella Sancte Marie eiusdem ville, ecclesiam de Staxineio, ecclesiam de Chainiaco, ecclesiam Sancte Marie de capella de Catis. In episcopatu Nannetensi monasterium Sancti Germani de Aueco. Quicquid nobilis vir Renaldus de Castellione et Helisabeth, uxor sua, vobis in elemosinam contulerunt, sicut in scripto eorum auctentico continetur. Libertates et immunitates quas habetis in burgo Sancti Petri de Disesia a nobili viro Rainaldo vobis concessas, sicut in eiusdem auctentico continetur. Castrum Sancti Germani cum burgo, villam de Digia, grangiam de Recognito, villam de Eschaniz, villam de Vrgiaco, medietatem nemoris de Brueria tam in iusticia quam in redditibus quoquo modo proveniant, villam de Priniaco, grangiam de Villamer, grangiam de Neiron cum appendiciis suis, quicquid habetis apud Soerias, grangiam de Charmeio, villam de Vanneto, villam de Blaniaco, medietatem Ville Nove, villam de Cheriaco, quicquid habetis in villa de Rouieto, in villa de Alta Ripa, in villa de Hulmeto, in villa de Monte Sancti Sulpicii, in villa de Booliaco, grangiam de Grosso Bosco, grangiam de Villari Vinoso cum appendiciis suis, grangiam de Betriaco cum appendiciis suis, villam de Irenciaco cum appendiciis suis, villam de Aucep. cum appendiciis suis, villam de Curte Arnulphi cum appendiciis suis, villam de Maros, grangiam de Morlai cum appendiciis suis, quicquid habetis in castro de Siliniaco, in castro de Sancto Salvatore, in castro de Lainiaco, in castro de Merliniaco, in castro Sancti Florentini, in castro Sancti Verani, quicquid habetis in villis de Burgi, de Vallibus, de Campis, de Escolinis, de Creuenx, de Hiltiniaco, de Cussi, de Pratigi, de Nentri, de Chableia, de Pontiaco, de Bruna, de Linoroliis, de Bona, de Sorgiaco, de Jussiaco, de Siluaram, de Chauannis, de Valant, de Luciaco, de Disengiaco, de Massengiaco, burgum de monasteriis cum appendiciis suis, grangiam Sancti Boniti, quicquid habetis apud Agriacum, apud villam de Fains et apud villam de Annaio, quicquid habetis apud Sanctum Amandum, apud Sencasium, apud villam super Tolun, apud pontem nascentem villas de Sancto Leodegario, de Marendullio, de Cusiri, de Beleneua, de Maniaco, de Mosteriolo, de Estiral et de Cerins, grangias de Maini et de Marceni, grangiam de Breteniaco cum appendiciis suis. Quicquid habetis in servis et ancillis decimis censibus, molendinis, furnis, terris, vineis, pratis, nemoribus et aquis cum aliis possessionibus vestris.
In parochialibus autem ecclesiis, quas habetis, liceat vobis presbyteros eligere et diocesano episcopo presentare, quibus si idonei fuerint episcopus curam animarum committat, ut ei de spiritualibus vobis autem de temporalibus debeant respondere. Vobis autem auctoritate presencium indulgemus, ut excomunicandi sive interdicendi vel suspendendi vos vel ecclesias vestras earumque capellanos aut clericos et homines vestros absque manifesta et rationabili causa et servato iuris ordine, nisi tale commissum fuerit, quod iudiciarium ordinem non requirat, nullam diocesanus episcopus habeat facultatem. Quod si contra indulgenciam nostram fuerit attemptatum, sententiam ipsam auctoritate apostolica decernimus non tenere. Si quando vero homines monasterii vestri vinculo teneantur excomunicacionis astricti, pro eorum absolucione diocesanus episcopus vel quilibet alius potestatem non habeat pecuniam extorquendi; et si in eos quia propter hoc pecuniam non exsolvunt, ecclesiastica fuerit sentencia promulgata, eam decernimus auctoritate apostolica non tenere. Crisma vero, oleum sanctum, consecraciones altarium seu basilicarum, benedictionem abbatis, ordinaciones monachorum et clericorum vestrorum, qui ad sacros ordines fuerint promovendi, a diocesano suscipietis episcopo, si quidem catholicus fuerit et gratiam atque communionem apostolice Sedis habuerit et vobis ea gratis et sine pravitate voluerit exhibere. Alioquin liceat vobis quemcumque malueritis catholicum adire antistitem, qui nostra fretus auctoritate quod postulatur impendat. Auctoritate quoque presencium vobis duximus indulgendum, ut si diocesanus episcopus vel archidiaconus ad ecclesias vestras in maiori numero equitaturarum et hominum, quam in Lateranensi concilio fuit statutum, accesserint, procuraciones eis in vestris ecclesiis non teneamini exhibere. Sepulturam preterea loci illius liberam esse decernimus, ut eorum devocioni et extreme voluntati, qui se illic sepeliri deliberaverint, nisi forte excomunicati vel interdicti sint. Nullus obsistat salva tamen iusticia illarum ecclesiarum, a quibus mortuorum corpora assumuntur. Libertates quoque dignitates et immunitates necnon antiquas et rationabiles consuetudines monasterio vestro concessas et hactenus observatas ratas habemus easque futuris temporibus illibatas manere sancimus.
Decernimus ergo et cetera, sicut in primo et secundo. Si qua igitur et cetera. Cunctis autem et cetera.
Datum Rome apud sanctum Petrum, XIIII Kal. Iulii, incarnacionis dominice anno Mo.Co.XCo.VIIIo., pontificatus vero dompni Innocencii pape tertii anno primo. -
(a) felicis memorie über der Zeile nachgetragen.
-
1. Clemens III., 1188 Mai 15 (Philipp Jaffé, Regesta pontificum romanorum, 2 t., Leipzig, 1885-1888, n. 16231).
-
2. Coelestin III., 1194 Juli 16 (Philipp Jaffé, Regesta pontificum romanorum, 2 t., Leipzig, 1885-1888, n. 17140 ; W. Wiederhold, "Papsturkunden in Frankreich 5 : Berry, Bourbonnais, Nivernais und Auxerrois", Nachrichten von der Gesellschaft der Wissenschaften zu Göttingen. Philologisch-Historische Klasse, t. 5, 1910, n. 157, p. 169 (voir Wilhelm Wiederhold, Papsturkunden in Frankreich: Reiseberichte zur Gallia Pontificia, Città del Vaticano, 1985 (Acta Romanorum Pontificum 7), 587).
-
Inconnue de Potthast.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193386 (aposcripta-41077), http://telma.irht.cnrs.fr/chartes/aposcripta/notice/193386 (mise à jour : 25/10/2024).