« aposcripta-41018 »

Acte | aposcripta/notice/193327
plus d'informations

Général

  •  
    Alexandre III (1159-1181)
  •  
    Le prieur, Hugues, et les frères de la Grande Chartreuse
  •  
    IV nonas septembris, indictione IX, MCLXXVI, anno septimo decimo
  •  
    1176/09/02

  •  
    Anagni
  •  
    Privilège solennel
  •  
    [Original] A*. FRANCE, Lons-le-Saunier, Archives départementales du Jura, 27 H 6 (Cote provisoire : 27 H 22/5) (fonds de la chartreuse Notre-Dame de Vaucluse). Pseudo-original du XIIIe siècle. Le nom du prieur de la Grande Chartreuse a été changé de Guigoni pour Hugoni, le nom d'un prieur de la chartreuse de Vaucluse attesté en 1154 [images en ligne].
  •  
    Antonin Bourquin pour APOSCRIPTA, juillet 2024, d'après A*.
  •  
    Privilegia et confirmatio ordinis Cartusiensis, fol. 1 (d'après un original conservé par la Grande Chartreuse) [en ligne].
  •  
    Gian Domenico Mansi, Sacrorum conciliorum nova et amplissima collectio, 31 t., Florence et Venise, 1759-1798, t. XXI, c. 1056.
  •  
    Migne, Patrologia Latina, t. 200, c. 1080.
  •  
    Nova collectio statutorum ordinis cartusiensis, append., p. 1 [en ligne].
  •  
    Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 12733, p. 299 [en ligne].
  •  
    Bernard de Vregille, René Locatelli, Gérard Moyse, Regesta pontificum Romanorum. Gallia Pontifica. La papauté et les églises et monastères en France avant 1198, Vol. I : Diocèse de Besançon, Gôttingen, Vandenhoeck und Ruprecht, 1998, Vaucluse, n. 2, p. 328.
  •  
    Domus Cartusiensis omniumque ordinis domuum protectionem suscipit, possessiones confirmat, privilegia quaedam instituit, petente Guidone priore [Jaffé].
  •  
    Alexander episcopus, servus servorum Dei, Dilectis filiis [Guigoni]a priori Cartusiensi, ejusque fratribus tam presentibus quam futuris regularem vitam professis in perpetuum.
    Cum vos per Dei gratiam, multa premineatis gloria meritorum et vitam solitariam eligentes, divine contemplationi arctius intendatis, bonus odor religionis vestre ad id nos inducit, ut communi et speciali debito, quieti vestrȩ debeamus intendere, et jura vestra summopere conservare.
    Eapropter, dilecti in Domino filii, vestris justis postulationibus clementer annuimus, et vestram et alias domos ordinis vestri, cum omnibus bonis, pascuis et possessionibus quas impresentiarum juste et canonice possidetis, aut in futurum justis modis, prestante Domino, poteritis adipisci, sub beati Petri et nostra protectione suscipimus, et presentis scripti privilegio communimus, et terminos quos rationabiliter statuistis vobis et domibus vestris, auctoritate apostolica confirmamus.
    Ad hȩc, auctoritate apostolica arctius interdicimus et sub interminatione anathematis prohibemus, nequis infra terminos vestros vel domorum vestrarum hominem capere, furtum seu rapinam committere, vel homicidum facere audeat, aut homines ad domos vestras venientes, vel ab eis redeuntes quomodolibet perturbare, ut ob reverentiam Dei et locorum vestrorum infra hos terminos non solum vos et fratres vestri, sed etiam alii, plenam pacem habeant et quietem.
    Adicientes quoque statuimus, ut infra dimidiam leuguam, a terminis possessionum quas habetis, nulli religioso liceat quodlibet edificium construere, vel possessiones acquirere.
    Decernimus ergo, ut nulli omnino hominum liceat, vos super possessionibus vel pascuis vestris temere perturbare, aut super his vobis molestiam vel gravamen inferre, vel eas ablatas retinere, minuere seu quibuslibet vexationibus fatigare ; sed illibata omnia et integra conserventur, eorum pro quorum gubernatione et sustentatione concessa sunt, usibus omnimodis profutura ; Salva sedis apostolicȩ auctoritate. Si qua igitur in futurum ecclesiastica, secularisve persona, hanc nostrȩ constitutionis paginam sciens, contra eam temere venire temptaverit, secundo tertiove commonita, nisi presumptionem suam digna satisfactione correxerit potestatis, honorisque sui dignitate careat, reamque se divino judicio existere, de perpetrata iniquitate cognoscat, et a sacratissimo corpore ac sanguine Dei et Domini Redemptoris nostri Jesu Christi, aliena fiat, atque in extremo examine districtȩ ultioni subjaceat.
    Cunctis autem eidem loco sua jura servantibus, sit pax Domini nostri Jesu Christi, quatinus et hic fructum bonȩ actionis percipiant et apud districtum judicem premia eternȩ pacis inveniant. Amen. Amen. Amen.

    (Au centre :)
    (Rota) Ego Alexander, catholicȩ ȩcclesiȩ episcopus, subscripsi. (Benevalete)
    † Ego Hubaldus Hostiensis episcopus, ss.

    (A gauche :)
    † Ego Johannes, Sanctorum Johannis et Pauli presbiter cardinalis tituli Pamachii, ss.
    † Ego Albertus, presbiter cardinalis tituli Sancti Laurentii in Lucina, ss.
    † Ego Willelmo, presbiter cardinalis tituli Sancti Petri ad Vincula, ss.
    † Ego Boso, presbiter cardinalis Sanctȩ Prudentiȩ tituli Pastoris, ss.
    † Ego Johannes, presbiter cardinalis tituli Sancti Marci, ss.
    † Ego Theodinus, presbiter cardinalis Sancti Vitalis tituli Vestine, ss.
    † Ego Manfredus, presbiter cardinalis tituli Sanctȩ Ceciliȩ, ss.
    † Ego Petrus, presbiter cardinalis tituli Sanctȩ Susannȩ, ss.

    (A droite :)
    † Ego Jacinctus, Sanctȩ Mariȩ in Cosmidyn diaconus cardinalis, ss.
    † Ego Cynthius, diaconus cardinalis Sancti Adriani, ss.
    † Ego Hugo, diaconus cardinalis Sancti Eustachii juxta Templum Agrippe, ss.
    † Ego Laborans, diaconus cardinalis Sanctȩ Mariȩ in porticu, ss.
    † Ego Rayneririus, diaconus cardinalis Sancti Georgii ad Velum Aureum, ss.

    Datum Anagnie per manum Gratiani Sancte Romane Ecclesie subdiaconi et notarii, IIII nonas septembris, indictione VIIIIa, Incarnationis dominice anno Mo.Co.LXXo.VIo, pontificatus vero domni Alexandri pape tercii anno septimo decimo.
  •  
    (a) A* : le nom du prieur est donné pour « Hugoni », et non « Guigoni ». Cet acte semble être une copie figurée du XIIe-XIIIe siècle, les signatures des cardinaux étant toutes de la même main. Un prieur Hugues est attesté à la chartreuse de Vaucluse en 1154 par une charte d'Anastase IV. Il est donc possible que ce changement ait été effectué à son profit.

Informations

Acte
Antonin Bourquin (CIHAM (UMR 5648)), dans  APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193327 (aposcripta-41018), http://telma.irht.cnrs.fr/chartes/aposcripta/notice/193327 (mise à jour : 17/09/2024).
http://telma.irht.cnrs.fr/chartes/aposcripta/notice/193327
aposcripta/notice/193327
XML  JSON