« aposcripta-41017 »

Acte | aposcripta/notice/193326
plus d'informations

Général

  •  
    Anastase IV (1153-1154)
  •  
    Le prieur, Hugues, et les frères de la chartreuse de Vaucluse
  •  
    VII kalendas februarii, indictione II, MCLIII, anno primo
  •  
    1154/01/26

  •  
    Latran
  •  
    Privilège solennel
  •  
    [Original] A. FRANCE, Lons-le-Saunier, Archives départementales du Jura, 27 H 1 (Cote provisoire : 27H11/1, salle des plans) (fonds de la chartreuse Notre-Dame de Vaucluse). Bulle manquante, reste de fils de soie jaune [images en ligne].
  •  
    [Copie moderne] B1. FRANCE, Lons-le-Saunier, Archives départementales du Jura, 27 H ?? (Cote provisoire : 27H62/??) (fonds de la chartreuse Notre-Dame de Vaucluse). Copie figurée du XVIe siècle.
  •  
    [Copie moderne] C2. FRANCE, Lons-le-Saunier, Archives départementales du Jura, 27 H 3 (Cote provisoire : 27H11/42), fol. 1-3 (fonds de la chartreuse Notre-Dame de Vaucluse). Copie émanant des greffes du Parlement de Dole, datée du 13 avril 1657.
  •  
    [Copie moderne] C3. FRANCE, Paris, Bibliothèque nationale, ms. NAF 4775, p. 110. Copie de 1838 d'après une copie ancienne.
  •  
    [Copie moderne] C4. FRANCE, Besançon, Bibliothèque municipale, ms. 749, fol. 73v. Copie du début du XIXe siècle (extraits).
  •  
    Antonin Bourquin pour APOSCRIPTA, juillet 2024, d'après A.
  •  
    Bernard de Vregille, René Locatelli, Gérard Moyse, Regesta pontificum Romanorum. Gallia Pontifica. La papauté et les églises et monastères en France avant 1198, Vol. I : Diocèse de Besançon, Gôttingen, Vandenhoeck und Ruprecht, 1998, Vaucluse, n. 1, p. 328.
  •  
    Wilhelm Wiederhold, Papsturkunden in Frankreich, 1. Franche-Comté, Berlin, 1906 (Nachrichten der königlichen Gesellschaft der Wissenschaften zu Göttingen. Beiheft), p. 17 [en ligne].
  •  
    Anastase IV confirme les privilèges et possessions de la chartreuse de Vaucluse, et place celle-ci sous la protection du Saint-Siège [APO]
  •  
    Anastasius episcopus, servus servorum Dei, Dilectis filiis Hugoni priori de Clusa, ejusque fratribus tam presentibus quam futuris regularem vitam professis in perpetuum.
    Justis religiosorum desideriis consentire, ac rationabilibus eorum postulationibus clementer annuere Apostolice Sedis, cui largiente Domino deservimus, auctoritas et fraterne caritatis unitas nos hortatur.
    Quocirca, dilecti in Domino filii, vestris justis postulationibus clementer annuimus, et prefatum monasterium in quo divino mancipati estis obsequio, sub beati Petri et nostra protectione suscipimus, et presentis scripti privilegio communimus.
    Statuentes ut quascunque possessiones, quecunque bona, idem monasterium in presentiarum juste et canonice possidet, aut in futurum concessione pontificum, largitione regum vel principum, oblatione fidelium seu aliis justis modis, Deo propitio, poterit adipisci, firma vobis vestrisque successoribus et illibata permaneant.
    Terminos autem quos in habendis vobis pascuis et possessionibus prefixistis propriis decrevimus nominibus exprimendos, sicut eos venerabilis frater noster Humbertus1 Bisuntinus archiepiscopus scripti sui pagina denotavit.
    Est et enim terminus possessionis vestre ab oriente, Rupes vel Montes dependentes in vallem a publica via quȩ ab oriente tendit, ad portum de Enchaserio, usque ad preruptas rupes quȩ a meridie locum cingunt Fenilis. Ab aquilone vero est terminus via que ultra prata de Moysiaco transit inter preruptas Rupes2, et tendit contra fontem auri, sicut sunt montes dependentes exutraque parte, ad orientem in amnen qui vocatur Egnis3, et ad occidentem in fluvium qui vocatur Avalosa4, usque ad locum in quo est via quȩ venit a portu de Enchaserio et tendit contra occasum conjungitur alteri vie quȩ transit juxta Unocum5, et per vallem juxta lacum. A conjunctione autem duarum viarum est terminus ab occidente montes qui vocantur Columba, dependentes versus Clusam Vallem usque contra predictas rupes Fenilis. Termini quoque pascuarum sunt fluvius Biona6 ab oriente usque dum intrat in amnem qui vocatur Egnis contra meridiem. Ab oriente autem termini villa de Crolliaco, Mons Sancti Saturnini et oppidum quod vocatur Binan. Ab occidente vero sunt termini villa de Rotonaco7 et oppidum Dromelagii8, et Vallis Grinnosa, et exinde fluvius Avalosa usque dum intrat in amnem qui vocatur Egnis contra meridiem.
    Preterea confirmamus vobis pascua de Cuysello9, cum appenditiis suis que rationabiliter extra prescriptos terminos possidetis.
    Ad hec paci et tranquillitati vestre providere volentes, auctoritate apostolica prohibemus, ne infra hos terminos possessionum et pascuorum vestrorum ulla persona vobis invitis ecclesiam, grangiam vel aliquam domum habitandum unde aliqua vobis inquietudi provenire possit edificare presumat.
    Decernimus ergo ut nulli omnino hominum liceat antedictum monasterium temere pertubare, aut ejus possessiones auferre, vel ablatas retinere, minuere, seu aliquibus vexationibus fatigare, sed illibata omnia et integra conserventur eorum pro quorum gubernatione et sustentatione concessa sunt, usibus omnimodis profutura. Siqui igitur in futurum ecclesiastica secularisve plena hanc nostre constitutionis paginam sciens contra eam temere venire temptaverit, secundo tertiove commonita, nisi presumptionem suam congrua satisfactione correxerit, potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo corpore ac sanguine Dei et Domini nostri Jesu Christi aliena fiat, atque in extremo examine districte ultioni subjaceat.
    Cunctis autem eidem loco sua jura servantibus sit pax Domini nostri Jesu Christi. Quatinus et hic fructum bone actionis percipiant et apud districtum judicem premia eterne pacis inveniant. Amen. Amen. Amen.

    (Au centre :)
    (Rota) Ego Anastasius, catholicȩ ȩcclesiȩ episcopus, subscripsi. (Benevalete)

    (A gauche :)
    † Ego Gregorius, presbiter cardinalis tituli Calisti, ss.
    † Ego Guido, presbiter cardinalis tituli Sancti Grisogoni, ss.
    † Ego Aribertus, presbiter cardinalis tituli Sanctȩ Anastasiȩ, ss.
    † Ego Johannes, presbiter cardinalis Sanctorum Johannis et Petri tituli Pamachii, ss.
    † Ego Cencius, presbiter cardinalis tituli Sancti Laurenti in Lucina, ss.

    (A droite :)
    † Ego Odo, diaconus cardinalis Sancti Georgii ad Velum Aureum, ss.
    † Ego Rodulfus, diaconus cardinalis Sancte Luciȩ in Septa Solis, ss.
    † Ego Guido, diaconus cardinalis Sancte Mariȩ in porticu, ss.
    † Ego Johannes, diaconus cardinalis Sanctorum Sergi et Bachi, ss.

    Datum Laterani per manum Rolandi, Sanctȩ Romanȩ Ecclesiȩ presbiteri cardinalis et cancellarii, VII kalendas februarii, indictione secunda, Incarnationis dominice anno Mo.Co.Lo.IIIo, pontificatus vero domni ANASTASIUS pape IIII anno primo.
  •  
    1. Humbert de Scey († 1161), archevêque de Besançon (1134).
  •  
    2. Rupt ?
  •  
    3. L'Ain.
  •  
    4. La Valouse.
  •  
    5. Onoz
  •  
    6. La Bienne.
  •  
    7. Rothonay.
  •  
    8. Dramelay.
  •  
    9. Cuiseaux.
  •  
    Inconnue de Jaffé.

Informations

Acte
Antonin Bourquin (CIHAM (UMR 5648)), dans  APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193326 (aposcripta-41017), http://telma.irht.cnrs.fr/chartes/aposcripta/notice/193326 (mise à jour : 17/09/2024).
http://telma.irht.cnrs.fr/chartes/aposcripta/notice/193326
aposcripta/notice/193326
XML  JSON