Général
-
Alexandre IV (1254-1261)
-
L'abbé de Cîteaux et ses co-abbés, ainsi que les communautés de tout l'ordre de Cîteaux
-
III nonas julii, anno quarto
-
-
Viterbe
-
Titre, général (littere gratiose, cum filo serico)
-
[Vidimus] F1. FRANCE, Lons-le-Saunier, Archives départementales du Jura, 19 H 3 (fonds de l'abbaye de Rosières). Vidimus par l'abbé de Goaille, Jean, le prieur du château près de Salins (ord. Clun.), Eudes, et le prieur d'Arbois, Jean, daté de 1263 [images en ligne].
-
Antonin Bourquin pour APOSCRIPTA, septembre 2024, d'après F1.
-
?
-
Alexander episcopus, servus servorum Dei, Dilectis filiis .. abbati Cistercii ejusque coabbatibus et conventibus universis Cisterciensis ordinis, Salutem et apostolicam benedictionem.
Lecta coram nobis universitatis vestre peticio continebat, quod licet ordini vestro a sede apostolica sit indultum, ne per litteras sedis ejusdem conveniri possitis que de ordine vestro non fecerint mentionem, nonnulli tamen ecclesiarum prelati et judices vestris libertatibus invidentes cum aliquas litteras sedis predicte ad eos impetrari contingit in quibus generaliter contineatur quod, non obstante aliquo privilegio seu indulgentia, tam exemptis quam non exemptis, cujuscunque ordinis existant a sede nominata concessis per que attribute ipsis jurisdictionis explicatio impediri valeat vel differri, et de quibus oporteat fieri mentionem in commissis eis negociis per litteras ipsas procedant ; in vos juridictionem indebitam vendicare, necnon litterarum ipsarum pretextu vos evocare coram se ad judicium non verentur in totius nostri ordinis maximum prejudicium et gravamen.
Vestris itaque supplicationibus eo favorabilius annuentes, quo possimus et scimus ordinem vestrum esse aliis recte vite speculum et salutifere conversationis exemplum, ut conveniri per hujusmodi litteras non possitis seu ad judicium evocari que non fecerint de dicto ordine ac de hac indulgentia mentionem vobis auctoritate presentium indulgemus.
Nulli ergo omnino hominum liceat hanc paginam nostre concessionis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli Apostolorum ejus, se noverit incursurum.
Datum Viterbii, III nonas julii, pontificatus nostri anno quarto. -
Inconnue de Potthast. Absente des registres édités par Coulon.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193316 (aposcripta-41007), http://telma.irht.cnrs.fr/chartes/aposcripta/notice/193316 (mise à jour : 16/09/2024).