Général
-
Alexandre IV (1254-1261)
-
Le prévôt de Tarragone
-
Idibus januarii, anno septimo
-
-
Latran
-
Mandement (littere cum filo canapis)
-
[Expédition] E. Barcelona, Arxiu de la Corona d’Aragó, Ordes religiosos i militars, carpeta 31, núm. 91. Bulle perdue.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 402.
-
Alexandre IV mana al prepòsit de l’església de Tarragona que demani als nobles Arnau de Bellmunt i Bernat Guillem d’Entença que han ocupat les terres del mestre i dels frares de l’orde del Temple d’Aragó i Catalunya, incendiat i pres els seus béns una satisfacció per les ofenses causades, sota censura eclesiàstica [Schmidt, Sabanés i Fernandez].
-
Alexander episcopus, servus servorum Dei, dilecto filio .. preposito ecclesie Terraconensis, salutem et apostolicam benedictionem.
Dilecti filii .. magister et fratres domus Militie Templi in Aragonia et Cathalonia nobis graviter sunt conquesti, quod nobilis vir Arnaldus de Bello Monte favente sibi super hoc nobili viro Bernardo Wilelmi de Encensa cuius idem A. vassallus existit Ilerdensis diocesis terram dictorum magistri et fratrum hostiliter intrans quampluribus hominibus eorum miserabiliter interfectis per incendia et rapinas ac etiam alias dictis magistro et fratribus dampna gravia nequiter irrogavit in proprie salutis dispendium ac eorundem magistri et fratrum preiudicium et ordinis eorum non modicum detrimentum.
Quocirca discretioni tue per apostolica scripta mandamus quatinus, si est ita, dictos nobiles quod eisdem magistro et fratribus de premissis dampnis et iniuriis plene satisfaciant, ut tenentur, monitione premissa per censuram ecclesiasticam appellatione remota iustitia mediante compellas, proviso ne in terram dictorum nobilium excommunicationis vel interdicti sententiam proferas, nisi mandatum a nobis super hoc receptis speciale. Testes autem qui fuerint nominati, si se gratia odio vel timore subtraxerint, per censuram eandem appellatione cessante compellas veritati testimonium perhibere.
Datum Laterani, idus ianuarii, pontificatus nostri anno septimo. -
n. c.
-
n. c.
Informations
Acte
Filippo
Sarra
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 172512 (aposcripta-24005), http://telma.irht.cnrs.fr/chartes/aposcripta/notice/172512 (mise à jour : 17/03/2022).