Général
-
Alexandre IV (1254-1261)
-
L'abbé de Santa Cruz, ordre de Cîteaux, diocèse de Tarragone
-
Idibus februarii, anno sexto
-
-
Anagni
-
Mandement (littere cum filo canapis)
-
[Expédition] E. ESPAGNE, Vic, Arxiu Capitular, 37-6-37. Bulle perdue.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 401.
-
Alexandre IV mana a l’abat de Santes Creus de l’orde del Cister, diòcesi de Tarragona, que d’aquí a sis mesos acabi la causa entre el bisbe (Bernat de Mur) i el capítol de Vic, i el noble Gastó de Bearn i la seva mare Garsenda, hereus de Guillem de Montcada, sobre una possessió a la ciutat de Vic anomenada “Quintana” i altres coses [Schmidt, Sabanés i Fernandez].
-
Alexander episcopus, servus servorum Dei, dilecto filio .. abbati sanctarum Crucum Cisterciensis ordinis Terraconensis diocesis, salutem et apostolicam benedictionem.
Ex parte venerabilis fratris nostri .. episcopi et dilectorum filiorum capituli Vicensium fuit propositum coram nobis, quod cum felicis recordationis G(regorius) papa predecessor noster causam que inter ipsos ex parte una et nobilem virum Guastonem de Bearno et Garssendem matrem eius heredes quondam G(uilelmi) monte Catano super quadam possessione sita in civitate Vicensi que Quintana vulgariter appellatur, et tibi aliis ex altera vertitur .. sancte Marie et .. quondam sancti Iohannis Rivipolensis abbatibus et .. priori Castri Serrensis Vicensis diocesis sub certa forma duxerit committendam eodem abbate sancti Iohannis a predicte cause cognitione excluso legitime ac predicto abbate sancte Marie per eundem episcopum ex alia causa rationabiliter vinculo excommunicationis astricto eadem causa non potuit terminari quindecim annis et amplius iam elapsis in ipsorum episcopi et capituli non modicum preiudicium et gravamen. Propter quod dilectis filiis .. preposito, .. archidiacono et .. sacriste Terraconensibus nostris dedimus litteris in mandatis, ut eorundem iudicium legitimo servato processu in eadem causa sublato appellationis obstaculo previa ratione procederent iuxta priorum continentiam litterarum. Verum quia filum bulle litterarum ipsarum ad eosdem prepositum archidiaconum et sacristam directarum prius ipsarum auctoritate citatione facta postmodum fractum extitit et ubi matrem apponi debuit martrem fuit appositum per errorem in causa ipsa per eas nullus habitus est processus.
Cum autem predicti episcopus et capitulum propter potentiam et malitiam ipsius nobilis ut dicitur non possint in illis partibus suam iustitiam obtinere, nos, imponi finem litibus cupientes discretioni tue de utriusque partis procuratorum assensu per apostolica scripta mandamus, quatinus si est ita priorum iudicum legitimo servato processu in eadem causa appellatione remota ratione previa procedens iuxta priorum continentiam litterarum eam infra sex mensium spatium post receptionem presentium iudicio vel si de partium voluntate processerit concordia terminare procures, faciens quod decreveris per censuram ecclesiasticam firmiter observari. Testes autem qui fuerint nominati, si se gratia odio vel timore subtraxerint, censura simili appellatione cessante compellas veritati testimonium perhibere. Quod si id infra prescriptum tempus propter potentiam et malitiam partis alterius non poterit provenire, tu ipsam extunc instructam vel non instructam ad apostolicum remittas examen prefixo, eisdem partibus termino peremptorio competenti, quo per se vel procuratores ydoneos nostro se conspectui representent facture et recepture super hoc, quod dictaverit ordo iuris. Diem vero citationis et formam et quicquid inde feceris nobis per tuas litteras harum seriem continentes fideliter intimare procures.
Datum Anagnie, idus februarii, pontificatus nostri anno sexto. -
n. c.
-
n. c.
Informations
Acte
Filippo
Sarra
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 172511 (aposcripta-24004), http://telma.irht.cnrs.fr/chartes/aposcripta/notice/172511 (mise à jour : 25/03/2022).