Général
-
Nicolas IV (1288-1292)
-
.. Silvanectensi et .. Autisiodorensi episcopis, ac .. decano ecclesie Parisiensis, ac magistro Godefredo de Fontibus, canonico Leodiensi, regenti Parisius in theologia
-
Idibus martii, anno quinto
-
-
Rome, Sainte-Marie-Majeure
-
Mandement (littere cum filo canapis)
-
[Registre de la chancellerie apostolique] Reg. Vat. Nicolai IV, an. 5, ep. 18, fol. 190b.
-
Ici reprise de Henri Denifle, Émile Châtelain, Chartularium Universitatis Parisiensis. II. Ab anno MCCLXXXVI usque ad annum MCCCL, Paris : Delalain, 1889, n. 577, p. 53 [en ligne].
-
?
-
?
-
Nicolaus IV exsecutoribus scribit, ut Parisiis causam Universitatis contra cancellarium Parisiensem inquirant.
-
Venerabilibus fratribus .. Silvanectensi[1] et .. Autisiodorensi[2] episcopis, ac dilectis filiis .. decano[3] ecclesie Parisiensis, ac magistro Godefredo de Fontibus, canonico Leodiensi, regenti Parisius in theologia.
Petitio dilectorum filiorum universitatis magistrorum et scolarium Parisiensium nobis exhibita continebat, quod, licet .. cancellarius Parisiensis, ad quem ratione officii cancellarie ecclesie Parisiensis quod gerit pertinet licentiandis pro tempore in theologie, decretorum, medicine et liberalium artium facultatibus regendi licentiam in ipsis facultatibus elargiri tam juxta tenores privilegiorum apostolicorum dudum prefate Universitati a sede apostolica concessorum, quam approbatam consuetudinem, et etiam constitutiones a prefata Universitate ac personis in facultatibus ipsis regentibus editas hactenus pacifice observatas, ad predictam licentiam obtinendam provectos in dictis facultatibus, quos ex testimonio dictorum magistrorum post diligentem examinationem tam circa receptionem hujusmodi testimonii quam personis talium licentiandorum in presentia ipsorum magistrorum adhibitam ydoneas reperiri contingit, admittere preponendo magis sufficientes minus sufficientibus teneatur : idem tamen cancellarius id servare contempnens nonnunquam ydoneos ad hoc sibi presentatos repulit et indignos pro sue libito voluntatis admisit. In multis etiam aliis articulis nobis ex parte dicte Universitatis exhibitis predictus cancellarius per se ac vicarios, quos interdum ordinat atque familiares suos contra privilegia, consuetudinem et constitutiones predicta temere venire presumpsit hactenus et presumit in proprie salutis dispendium ac Universitatis et magistrorum, scolarium et personarum predictarum prejudicium et gravamen ac scandalum plurimorum. Propter quod pro parte Universitatis et personarum predictarum fuit ad nostram audientiam appellatum ac suppliciter postulatum a nobis ut causam, quam eadem Universitas et persone super premissis intendunt prosequi contra cancellarium memoratum, in curia nostra tractari et terminari fine debito faceremus[4]. Nos igitur uberes fructus qui ex studio Parisiensi per scientiarum doctrinam proveniunt sollicite attendentes multoque desiderio affectantes, ut quarumlibet dissentionum fomitibus, per quas studium ipsum turbari vel tepescere posset, inde submotis per pacis pulcritudinem studium ipsum eo sollempnius jugiter vigeat, et eidem studio insistentes ex illo potiora comoda consequantur, quo ipsi ex animorum quiete se poterunt in eo ferventius et utilius exercere ; gerentes quoque de circumspectione vestra fiduciam in Domino pleniorem discretioni vestre per apostolica scripta mandamus quatinus apud Parisius partibus ad vestram presentiam evocatis, ad sedandam hujusmodi questionem amicabiliter inter partes ipsas interponatis auctoritate nostra juxta datam vobis a Deo prudentiam efficaciter partes vestras. Quod si forsan id nequiverit provenire, vos super predictis articulis in appellationibus predictarum Universitatis et personarum dictarum facultatum ad nos ut premissum est interjectis contentis, nec non et omnibus aliis que vobis reformationem ac pacificum et prosperum statum prefati studii respicere videbuntur, de plano sine strepitu et figura judicii infra annum post receptionem presentium inquiratis sollicite veritatem, et causam hujusmodi judicio vel concordia, si de partium voluntate processerit, terminetis, facientes quod decreveritis per censuram ecclesiasticam firmiter observari. Testes autem, etc. Alioquin que super predictis omnibus inveneritis nobis sub vestris inclusa sigillis fideliter intimetis. Prefixo eisdem partibus termino peremptorio competenti, quo per procuratores ydoneos, cum omnibus actis, juribus, et munimentis suis hujusmodi negotium contingentibus apostolico se conspectui representent, quod super premissis ordinare seu statuere, vel mandare voluerimus recepture, ac nichilominus facture et recepture quod ordo dictaverit rationis. Diem vero prefixionis hujusmodi et quicquid inde feceritis nobis per vestras litteras harum seriem continentes fideliter intimetis. Quod si non omnes hiis exequendis potueritis interesse, tres vestrum ea nichilominus exequantur.
Dat. Rome apud Sanctam Mariam Majorem idus Martii, anno quinto. -
1. ?
-
2. ?
-
3. ?
-
1. Petro Cailleu. — 2. Petro de Mornay. — 3. Nicolao ? — 4. V. supra n° 569.
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164576 (aposcripta-17010), http://telma.irht.cnrs.fr/chartes/aposcripta/notice/164576 (mise à jour : 20/09/2021).