Général
-
Nicolas IV (1288-1292)
-
.. cancellario ecclesie Parisiensis
-
II kalendas januarii [anno primo]
-
-
Rome
-
Mandement (littere cum filo canapis)
-
[Registre de la chancellerie apostolique] Bibl. nat. Paris. ms. lat. 4047, fol. 36, Reg. Camerae Nicolai IV continens. — Ibid. ms. lat. 12847, (saec.
xvii ), fol. 133. -
Ici reprise de Henri Denifle, Émile Châtelain, Chartularium Universitatis Parisiensis. II. Ab anno MCCLXXXVI usque ad annum MCCCL, Paris : Delalain, 1889, n. 551, p. 23 [en ligne].
-
?
-
?
-
Nicolaus IV magistro Bertaudo de S. Dionysio, cancellario Parisiensi, injungit ut fratri Johanni de Murro, Ord. Minorum, licentiam in theologia tribuat, quod praedecessor ejus facere neglexit.
-
Dilecto filio .. cancellario ecclesie Parisiensis.
Pridem attente considerationis indagine perlustrantes thesaurum scientie litteralis quo dilectus filius frater Johannes de Murro, Ordinis Minorum, noscitur insignitus, et volentes illum latius prodire in publicum, ut fructus, Domino favente, produceret ampliores, quondam .. cancellarium Parisiensis ecclesie, predecessorem tuum[1], per nostras sub certa forma litteras rogandum attente duximus et hortandum, dantes sibi nichilominus in mandatis ut eidem fratri, cui de multiplicis probitatis meritis, honestate morum, dono scientie, ac aliarum virtutum titulis fide digna testimonia perhibentur, regendi in theologica facultate, sublato cujuslibet difficultatis et dilationis obstaculo, plenam et liberam, prout ad suum spectat officium, licentiam largiretur, ut si forte prefatum fratrem Johannem ad regendum in Romana curia successu temporis a nobis contigerit evocari, ad presentiam nostram accederet expeditus. At idem cancellarius post sue illicite voluntatis arbitrium abiens et vitans judicium rationis, precibus et hortationibus nostris non sine temeritatis audacia penitus obauditis, quod in hac parte mandavimus exequi non curavit. Quia igitur hujusmodi negocium non mediocriter insidet cordi nostro, et magno desiderio ducimur ut illud perducatur celeriter ad effectum, discretionem tuam rogandam attente duximus et hortandam, per apostolica tibi scripta districte precipiendo mandantes quatenus pro nostra et apostolice sedis reverentia eidem fratri Johanni, difficultate et dilatione qualibet omnino submota, predictam licentiam, prout ad tuum officium spectare dinoscitur, largiaris, sic precibus et mandatis nostris super hoc efficaciter pariturus ut non solum tui predecessoris inobedientiam prorsus evites, sed etiam tue devotionis sinceritas erga sedem apostolicam clarius elucescat, et digne commendationis titulum proinde merearis. Quod autem feceris in hac parte nobis plene rescribere non omittas.
Dat. Rome apud Sanctam Mariam Majorem, II kalendas Januarii, [anno primo]. -
1. ?
-
2. ?
-
3. ?
-
1. Ex hoc apparet, magistrum Bertaudum de S. Dionysio (de quo tom. I, p. 573, nota 1, et infra n° 593) non ante finem anni 1288 cancellariam Parisiensem obtinuisse, et usque ad illum terminum ejus praedecessorem, ad quem epistolae supra nis 548, 550, directae sunt, scilicet Nicolaum de Nonancuria, cancellarium fuisse. Postquam summus pontifex epistolam n° 550 editam eidem transmiserat, audiit alium magistrum (Bertaudum) cancellariam obtinuisse. Hinc corrigenda sententia in Hist. litt. de la France, XXIX, 14, note 1, Bertaudum ab anno 1287, immo fortasse a fine anni 1285 cancellarium fuisse. In Vita antiqua Raimundi Lulli legitur, eum post mortem Honorii IV curiam Rom. reliquisse et Parisios pervenisse « tempore cancellarii Bertholdi ». (Acta SS., Junii, tom. V, 645, n° 62). Hoc non ante finem anni 1288 evenisse, minime an. 1287, ut in Act. SS. assertio esse videtur, nunc omnino certum fit. Bertaudus usque ad finem an. 1295 officio cancellariae functus est. Cf. infra n° 592.
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164573 (aposcripta-17007), http://telma.irht.cnrs.fr/chartes/aposcripta/notice/164573 (mise à jour : 20/09/2021).