Général
-
Nicolas IV (1288-1292)
-
.. cancellario ecclesie Parisiensis
-
XVI kalendas julii [anno primo]
-
-
Rieti
-
Mandement (littere cum filo canapis)
-
[Registre de la chancellerie apostolique] Bibl. nat. Paris. ms. lat. 4047, fol. 15, Reg. Camerae Nicolai IV continens. Cf. Denifle, Die päpstl. Registerbände des XIII. Jhs. (Berlin, 1886), p. 19.
-
Ici reprise de Henri Denifle, Émile Châtelain, Chartularium Universitatis Parisiensis. II. Ab anno MCCLXXXVI usque ad annum MCCCL, Paris : Delalain, 1889, n. 548, p. 20 [en ligne].
-
?
-
?
-
Nicolaus IV Nicolao de Nonancuria, cancellario Parisiensi, injungit ut fratri Johanni de Murro, Ord. Minorum, licentiam in theologia tribuat.
-
Dilecto filio .. cancellario ecclesie Parisiensis[1].
Ne thesaurus litteralis quo dilectus filius frater Johannes de Murro[2], Ordinis Minorum, superni numinis munere decoratus agnoscitur inutiliter occultetur, quin immo eo utilius in publicum prodeat et uberiores fructus Domino favente producat, quo latius illum contigerit revelari, discretionem tuam rogamus et hortamur attente per apostolica tibi scripta mandantes quatenus eidem fratri, cui de probitatis multiplicis meritis, elegantia morum, dono scientie ac aliarum virtutum titulis clara et fide digna testimonia perhibentur, regendi in theologica facultate sublato cujuslibet difficultatis et dilationis objectu plenam et liberam, prout ad tuum spectat officium, licentiam largiaris, non obstante quod cuidam alii ejusdem Ordinis fratri nuper hujusmodi licentiam diceris concessisse, ut si prefatum Johannem ad regendum in Romana curia successu temporis a nobis contigerit evocari, ad nostram presentiam expeditus accedat. Sic ergo prompte precibus nostris obtemperes, sic efficaciter exequi studeas quod mandamus ut exinde tue devotionis promptitudinem non immerito commendemus.
Dat. Reate XVI kalendas Julii [anno primo]. -
1. ?
-
2. ?
-
3. ?
-
1. Nicolaum de Nonancuria, cancellarium ab an. 1284 (cf. tom. I, n° 516, nota 8), adhuc fuisse cancellarium, liquet ex litteris infra n° 551 ad Decemb. 31 editis. — 2. An. 1296, Maii 16, postquam erat lector curiae, in ministrum generalem Ordinis eligitur, an. 1302, Decemb. 15, creatus est episcopus Portuensis, et decessit an. 1312, cum eodem an., Dec. 14, jam Jacobus Duèse (Johannes XXII) factus sit episcopus Portuensis (Contelori). Johanni de Murro adhuc baccalareo in theologia, aliisque baccalareis magistrisque Ordinis an. 1283 minister generalis Ord. Min., fr. Bonagratia, certas partes Johannis Petri Olivi examinandas tradidit. Chron. XXIV general. ad h. an. Chron. Nic. Glassberger in Anal. Francisc., II, 100 sq. Arch. f. Litteratur- u. Kirchengesch. des Mittelalt., III, 416 sq.
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 164571 (aposcripta-17005), http://telma.irht.cnrs.fr/chartes/aposcripta/notice/164571 (mise à jour : 20/09/2021).