Général
-
Alexandre III (1159-1181)
-
Le chapitre de Santa Colomba de Rimini
-
VI idus decembris, indictione III, MCLXX, ano XII
-
-
Tusculum
-
Privilège solennel
-
[Original] A. ITALIE, Rimini, Archivio capitolare, cote non mentionnée. « Perg. ital., br. 0,55, lang 0,645, unten 0,045 umgeschlagen, durch zwei Löcher geht die rothe und gelbe Seidenschnur, deren Bleisiegel verloren, Faltung der Bullen. Die Zeugenfirmen scheinen von verschiedenen Schreibern herzurühren. »
-
Ici reprise de Julius von Pflugk-Harttung, Acta pontificum Romanorum inedita. III. Urkunden der Päpste vom Jahre 590 bis zum Jahre 1197, III, Stuttgart : W. Kohlhammer, 1886, n. 220, p. 224-225.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig : Veit, 1885-1888, 2 vol., n. 11853 [en ligne].
-
Alexander III bestätigt den Domkanonikern von Rimini ihre Besitzthümer.
-
Alexander episcopus, servus servorum dei, dilectis filiis, ecclesie sancte Columbe Ariminensis canonicis, tam presentibus quam futuris, canonice substituendis, IN PPM.
Effectum iusta postulantibus indulgere, et vigor equitatis et ordo exigit rationis, presertim quando petentium voluntatem et pietas adiuvat et veritas non relinquit.
Eapropter, dilecti in domino filii, vestris iustis postulationibus clementer annuimus et prefatam ecclesiam, in qua divino mancipati estis obsequio, predecessoris nostri, bone memorie Innocentii pape1, vestigiis inherentes, sub beati Petri et nostra protectione suscipimus et presentis scripti privilegio communimus.
Statuentes, ut quascumque possessiones, quecumque bona eadem ecclesia in presentiarum iuste et canonice possidet aut in futurum concessione pontificum, largitione regum vel principum, oblatione fidelium seu aliis iustis modis, prestante domino, poterit adipisci, firma vobis vestrisque successoribus et illibata permaneant. In quibus hec propriis duximus exprimenda vocabulis : in Ariminensi videlicet civitate ecclesiam sancte Crucis et sanctorum Cosme et Damiani cum casis et casalinis, ortis, vineis, terris, campis cultis et incultis, paludibus, lacubus, castris, curtibus et omnibus extra vel intra civitatem, ad eandem ecclesiam pertinentibus, ecclesiam quoque sanctorum Martini et Savini cum libris, paramentis, cum casis, terris, vineis et silvis et cum omnibus ad predictam ecclesiam pertinentibus, ecclesiam sancte Agnetis cum casis, terris, vineis, silvis et cum omnibus, ad eandem ecclesiam pertinentibus, ecclesiam quoque sancti Cataldi cum libris et paramentis, cum parrocchia sua, terris, vineis (et) cum omnibus ad ipsam ecclesiam pertinentibus, medietatem ecclesie sancte Marie, que est in litore maris posita, cum medietate de omnibus rebus, que ad ipsam ecclesiam pertinent ; in comitatu Ariminensi ecclesiam sancti Martini in Viginti cum libris et paramentis, cum decimis et primitiis atque mortuariis, cum bonis et rationabilibus consuetudinibus, quas in ea hactenus habuistis, sive in visitationibus infirmorum sive in dandis penitentiis et oblationibus mortuorum, presertim, que ex villa, in qua ipsa ecclesia sita est, et de subscriptis villis sibi proveniunt, videlicet Maderno, Lauveto Iudeorum, Monte masinario, Medato, Aquiniano maiori et minori atque Casaria, ecclesiam sancti Ermetis cum libris et paramentis, decimis et primitiis atque mortuariis, casis, terris, vineis, silvis et cum omnibus ad ipsam ecclesiam pertinentibus, ecclesiam sancti Fortunati cum decimis et mortuariis, cum fundo Condido et cum omnibus ad ipsam ecclesiam pertinentibus, ecclesiam quoque sancti Iohannis in Perareto cum libris et paramentis, cum decimis et mortuariis, terris, vineis et silvis et cum omnibus ad ipsam ecclesiam pertinentibus, plebem sancti Angeli in Salutem cum cappella sancti Viti cum decimis et mortuariis, terris, vineis, silvis et cum omnibus ad plebem et ad capellam pertinentibus, et quicquid in Bulgaria canonice possidetis, ita tamen, ut in sacrarie vestre ecclesie libram singulis annis persolvatis, salvo nimirum annuo censu, scilicet quattuor solidorum monete Venetice vestris episcopis persolvendo, ecclesiam Bolognani cum terris, vineis et silvis et cum omnibus ad ipsam pertinentibus, ecclesiam sancte Mustiole cum omnibus pertinentiis suis, ecclesiam Falzani cum omnibus pertinentiis suis. Preterea confirmamus vobis ecclesiam sancti Martini in Liceto, ecclesiam sancti Pauli, ecclesiam sancti Gaudentii, ecclesiam sancti Felicis, ecclesiam sancti Symeonis, ecclesiam sancti Laurentii in Ventena cum libris et paramentis cum decimis et mortuariis, terris, vineis, silvis, olivetis et cum omnibus, ad predictas ecclesias pertinentibus. Ad hec capellam sancte Marie in Leura, que specialiter beati Petri et nostri iuris existit, cum omnibus bonis et possessionibus suis sub annuo censu trium solidorum Lucensis monete auctoritate vobis apostolica duximus concedenda ; insuper castrum montis Floride cum pertinentiis suis, molendinum quod est iuxta domum canonicorum et molendillum iuxta illud positum, et aliud molendinum tot[um cum] aquimolo suo, quod est positum in loco qui dicitur Mirasolem, et aliud molendinum in fundo Aquario positum et molendinum cum vinea et agro in loco qui dicitur Ponticelli, et tres mansos in integrum positum(!) in fundo Viginti ; proprietates omnes quas dedit Armenaldus Ariminensis canonice, et illas quas dedit uxor eius Benedicta in civitate et extra, quartam partem ripe cum ripatico suo et cum omnibus ad ipsam pertinentibus.
Decernimus ergo, ut nulli omnino hominum liceat, prefatam ecclesiam ... usibus omnimodis profutura, salva sedis apostolice auctoritate et Ariminensis episcopi debita reverentia. Si qua igitur ... inveniant. Amen. Amen. Amen.
(R) Ego Alexander catholice ecclesie episcopus ss. (M)
† Ego Bernardus Portuensis et sancte Rufine episcopus ss.
† Ego Iohannes presbiter cardinalis sanctorum Iohannis et Pauli tit. Pamachii ss.
† Ego Ildebrandus basilice XII Apostolorum presbiter cardinalis ss.
† Ego Albertus presbiter cardinalis tit. sancti Laurentii in Lucina ss.
† Ego Willelmus presbiter cardinalis tit. sancti Petri ad Vincula ss.
† Ego Boso presbiter cardinalis sancte Pudentiane tit. Pastoris ss.
† Ego Iacinctus diaconus cardinalis sancte Marie in Cosmydyn ss.
† Ego Cinthyus diaconus cardinalis sancti Adriani ss.
† Ego Manfredus diaconus cardinalis sancti Georgii ad Velum aureum ss.
† Ego Hugo diaconus cardinalis sancti Heustachii iuxta templum Agrippe ss.
† Ego Theodinus presbiter cardinalis sancti Vitalis tit. Vestine ss.
Datum Tusculani, per manum Gratiani, sancte Romane ecclesie subdiaconi et notarii. VI Idus Decembris. Indictione IIII. Incarnationis dominice anno MCLXX. Pontificatus vero domni Alexandri pp. III anno duodecimo. -
1. Urk. vom 5 November 1135. Vergl. die Urk. vom 23 December 1183 [APOSCRIPTA n. 6524].
Informations
Acte
Thomas
Girard
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 147365 (aposcripta-6992), http://telma.irht.cnrs.fr/chartes/aposcripta/notice/147365 (mise à jour : 17/05/2024).