Général
-
Urbain II (1088-1099)
-
Le prévôt des chanoines de Saint-Sernin de Toulouse Pierre
-
V kalendas aprilis, anno MXC, anno tercio, indictione XIII
-
-
Rome
-
Privilège solennel
-
[Original] A. FRANCE, Toulouse, Archives départementales de Haute-Garonne, H 504, n. 1, liasse 3, n. 1.
-
Ici reprise de l'acte n. 3901 dans « Chartes originales antérieures à 1121 conservées en France », Cédric Giraud, Jean-Baptiste Renault et Benoît-Michel Tock, éds., Nancy : Centre de Médiévistique Jean Schneider ; éds électronique Orléans : Institut de Recherche et d'Histoire des Textes, 2010 (Telma) [en ligne].
-
Célestin Douais, Cartulaire de l'abbaye de Saint-Sernin de Toulouse (844-1200), Toulouse, 1887, appendice 1, n. 2, p. 474-475.
-
JL --
-
Urbain II, pape, confirme au prévôt des chanoines de Saint-Sernin de Toulouse, ses biens ainsi que le cimetière.
-
Urbanus episcopus, servus servorum Dei, karissimo filio Petro, preposito canonicȩ Sancti Saturnini, in comitatu Tolosano siti, tuisque successoribus canonice promovendis, in perpetuum.
Cum universis sanctȩ ac eclesiȩ filiis ex apostolicae Sedis auctoritate et benivolentia debitores existimus, illis tamen locis atque personis, quȩ specialius ac familiarius romane aderent aeclesiȩ quȩque ampliori religionis gratia eminent, propersiori nos convenit caritatis studio inminere.
Tuis igitur, karissime fili, Petre, fratrumque tuorum justis petitionibus annuentes, sicut prefatam canonicam sub jure tutelaque sanctȩ romanȩ aeclesiȩ a beatȩ recordationis papa Gregorio receptam et apostolicȩ sedis privilegio constat esse munitam, ita nos eandem sub eodem jure tutelaque retinentes presentis ei decreto privilegii confirmamus omnia quȩ vel nunc juste possidet vel in posterum, largiente Domino, jure poterit adipisci. Confirmamus quoque ei cimiterium, sicut per quadraginta aut amplius annos sine interruptione legitima tenuit possessione. Hȩc omnia tibi tuisque successoribus et canonicis vestris presentis decreti pagina roboramus, quousque communem vitam religiose duxeritis et regulariter vivendo propriumque non habendo, tam apostolicas quam beatorum Hieronimi, Agustini, de conversatione communiter viventium clericorum constitutiones diligenter observaveritis. Decernimus ergo atque statuimus ut nulli omnino hominum liceat eandem canonicam temere perturbare, aut ei subditas possessiones auferre, minuere, vel temerariis vexationibus fatigare; set omnia integre conserventur eorum, pro quorum sustentatione concessa sunt, usibus profutura. Vos igitur, filii in Christo karissimi, oportet regularis disciplinȩ institutioni sollicitius ac devotius insudare, ut, quanto ab secularibus estis tumultibus liberi, tanto studiosius placere Deo totius mentis et animȩ virtutibus anheletis, precipue studentes romanȩ aeclesiȩ decreta veneranda servare, cujus patrocinio ab omnium jugo viventium estis, annuente Domino, premuniti. Sane si quis in crastinum, archiepiscopus aut episcopus, imperator aut rex, princeps aut dux, comes aut vicecomes, aut judex, aut persona quelibet, magna vel parva, potens aut inpotens, hujus nostri privilegii paginam sciens, contra eam temere venire temptaverit, secundo, tertiove commonitus, si non satisfactione congrua emendaverit, a Christi et aeclesiȩ corpore cum auctoritate potestatis apostolice segregamus; conservantibus autem pax a Deo de misericordia presentibus ac futuris seculis conservetur. Amen. Amen. Amen.
Scriptum per manum Gregorii, scrinarii atque notarii sacri palatii.
[rota.] [benevalete.]
Datum Rome per manus Godescalci, presbiteri, vicem gerentis cancellarii sacri palatii, V kalendas aprilis, anno dominicȩ incarnationis MXC, anno tercio domni Urbani II papȩ, indictione XIII.
[sceau]
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 142105 (aposcripta-4989), http://telma.irht.cnrs.fr/chartes/aposcripta/notice/142105 (mise à jour : 07/10/2021).