Renaud, comte de Bourgogne, confirme des donations faites au prieuré de Vaux-sur-Poligny.

/01 / Quoniam salvator mundi in presenti vita benefacientibus eterna bona et invisibilia preparavit, idcirco ego Rainaldus, comes Burgundie, inspirante Spiritu Sancto,
l.2 proposui domui de Vallibus quam antecessores mei fundaverunt aliquid benefacere, scilicet confirmare elemosinas et libertates eidem undecumque collatas et aliqua ex
l.3 parte mea addere, confirmo ei ȩcclesiam in honore sancte Dei genitricis virginis Mariȩ dicatam in loco qui recte vocatur Vallis cum omnibus ad ipsam pertinentibus; in Salinis Villa,
l.4 sub rupe quȩ vulgo dicitur Roianta, vineam antecessorum meorum indominicatam, et in eadem villa duos micos cum muria sua, unum in burgo meo qui est retro puteum, et alium in
l.5 burgo domni Gualcherii de Salinis; villam etiam que vocatur Glenonis cum ecclesia, decimis et omnibus ad ipsam villam pertinentibus, sicut terra extenditur ab uno rivo usque ad alium; vineas
l.6 vero que sunt in Faiola; in villa quoque que vocatur Arbos, coloniam quam Grimonius possedit; in silva Maudunensi eternam consuetudinem predicte domui, et hominibus ejus; in villa etiam Grau-
l.7-sone duos micos. Laudo etiam et confirmo quod antecessores mei fecerunt, ut quicquid predicta ecclesia vel homines ejus de feodo meo, vel de terra que de me movet, per donum, per elemosinam,
l.8 per emptionem, et per alium modum adquisierint, libere et in pace possideant; nec propter hoc ab aliquo ad questionem, vel ad calumpniam trahantur: silvam quoque que nuncupatur Devens
l.9 cum custode ejusdem silve nomine Anselmo, et consuetudinem quam debebat; villam utique Besanis cum decimis, et omnibus ad ipsam villam pertinentibus; villam utique de Molano, et quicquid ad ipsam
l.10 pertinet; Vetus Bregna, et quicquid ad eam pertinet; Campum Vinerium; nemus quod est inter Campum Vinerium et Roabli viam que ducit ad viam que de Besanis tendit ad Molanum; juxta
l.11 castrum Poloniacense, quintam partem vinee quam Berardus tenuit; terram quoque super montem inter viam Molani et viam que ducit ad Besens, que vocatur Beoleiz; in silva que dicitur
l.12 Super Rupem, sicuti comites Burgurdie antecessores mei concesserunt. Concedo ego monachis de Vallibus in proprios usus, in restaurationem monasterii et ad edificationem
l.13 domorum suarum que necessaria sunt: in villa Poloniacensi, coloniam unam quam possedit Lantrannus; curtile etiam cum vinea, et consuetudinem quam Laurentius debebat, qui
l.14 idem curtile possedit; vineas vero quas Bernardus tenuit; in villa de Pupillins, consuetudinem quam habebant antecessores mei in dominico, et in terram quam possidebant nichil
l.15 retinentes; silvam etiam que nuncupatur Vuara, et ecclesiam que est in villa que Marriacus dicitur, et decimam ejusdem ville, et quicquid in eadem villa habuerunt antecessores mei
l.16 in montem, in vallem, et omnem consuetudinem quam in eam acceperunt, juste et injuste, exceptis Gonterio, Almadrico et terra eorum. Confirmo etiam quod pater meus comes
l.17 Stephanus dum iter arriperet Jherusalem, eidem domui dimisit; ne homines ejus irent in expedicionem aut ad clamorem procederent. Dono preterea ex parte mea pro remedio
l.18 anime mee et antecessorum meorum coloniam illam quam Rainaldus Lipitiz tenebat; statuo quoque et confirmo ut prepositus Poloniaci super monachos ibi Deo servientes et
l.19 super familiam eorum pro aliqua causa manum non apponat; sed solius prioris sui justicie et judicio sint subjecti; domus illa banno non subjaceat: prior de hominibus suis
l.20 justiciam faciat, homines domus illius liberi sint ab opere et a municione castelli. Hȩc ideo facio ut monachi in prefata domo conversantes in omni pace et quiete
l.21 subsistant, nec aliquam molestiam, vel perturbationem paciantur, sed semper memores beneficiorum meorum et elemosinarum parentum meorum apud pietatem et misericordiam
l.22 Dei devotas preces pro me et pro eis effundant. Si quis autem hanc confirmationem et donationem meam infringere ausus fuerit, Dei omnipotentis maledictionem incurrat,
l.23 expers hereditatis mee, et alienus a societate omnium bonorum fiat. Hujus rei testes sunt: Stephanus Jorez, Hugo de Munnet, Rainaldus de Treva, Hubaldus
l.24 de Freisens, Richardus Jorez, Jheremias de Rufiaco, Narduinus de Strabona; Remigius, Humbertus, capellani; Guido cellerarius; Stephanus foristarius;
l.25 Stephanus portarius; Guido abbas, qui inde habuit unum equum ferrannum et alii multi. Acta sunt hȩc apud Poloniacum, in domo Laurentii gramatici,
l.26 anno ab incarnatione Domini MoCoXVo, tempore Narduini cognomento Joret, predicti loci prioris.
l.27 [sceau].

1