Pascal II, pape, confirme les possessions de l'abbaye de Baume-les-Messieurs.

l.1 PASCHALIS, EPISCOPUS, SERVUS SERVUORUM DEI, DILECTO IN CHRISTO FILIO ALBERICI, BALMENSI ABBATI, EJUSQUE SUCCESSORIBUS REGULARITER PROMOVENDIS IN PERPETUUM.
l.2 Piȩ postulatio voluntatis effectu debet prosequente compleri, quatinus et devotionis sinceritas laudabiliter enitescat et utilitas postulata vires indubitanter assumat. Quia igitur
l.3 dilectio tua ad apostolicȩ sedis portum confugiens ejus tuitionem devotione debita requisivit, nos supplicationes tuas, fratris nostri Pontii Bisuntini episcopi, patrocinio commendatas, paterna benignitate su-
l.4-scipimus et tibi tuisque legitimis successoribus Balmense cenobium regendum ac disponendum presentis decreti pagina confirmamus cunctaque tam in monasteriis quam in ecclesiis sive aliis posses-
l.5-sionibus ad idem Balmense cenobium pertinentia. Ex quibus hȩc propriis nominibus annotamus, videlicet monasterium Sanctȩ Mariȩ Grandisfontis cum omnibus appendiciis suis, monasterium Sancti Petri
l.6 Gaudȩ cum omnibus appendiciis suis, monasterium Sanctȩ Mariȩ infra urbem Bisuntinam, quod vocatur Jusanum, cum omnibus appendiciis suis, monasterium Sancti Eugendi Eticȩ cum omnibus appendiciis suis,
l.7 monasterium Sancti Laugteni cum omnibus appendiciis suis, ecclesiam Sancti Johannis Balmȩ cum cappella Crancet, ecclesiam Sancti Gervasii victoris cum appendiciis suis, ecclesiam sancti Nicolai Carneti, ecclesiam
l.8 Laviniaci, Montishuin, Kaveriaci, Kavaniaci, Brariaci cum appendiciis earum, ecclesiam Sancti Desiderati Ledonensis cum appendiciis suis, Sisentiaci, Larnaci, Desnensis cum appendiciis earum,
l.9 ecclesiam Domblensem cum appendiciis suis, ecclesiam de Guars, Montis Tolose, Asnensis, Montis Alacris, Neblensis Castri cum appendiciis earum, ecclesiam Sarmatiȩ, Sabonariȩ, Alȩ-
l.10-fractȩ, Cortonne, Multiet, Ver, Biviliaci, Sancti Mauricii et Sancti Germani Grausoni, Baensis, Belli Montis, Montis Relenis, Esciconis, Rancinaci, Gelerensgis, Beneventi cum omnibus appendiciis
l.11 earum, ecclesiam Bellevavrȩ, Ciensis Ville cum cappella castri, Sancti Reneberti, Sancti Stephani de Ponte, Domni Petri De Arlico, Wistrivici cum appendiciis earum, ecclesiam Poloniaci cum cappella castri,
l.12 cum cappella Mariaci, cum cappella Platani, cum cappella Sancti Saviniani et omnibus appendiciis earum, ecclesiam Aquensis, Soltiaci, Spinctensis cum appendiciis earum. Preterea per presentis privilegii
l.13 paginam apostolica auctoritate statuimus ut quecumque bona in presentiarum idem monasterium juste possidet et quecumque in posterum, largiente Domino, concessione pontificum, liberalitate principum vel
l.14 oblatione fidelium legitime poterit adipisci, firma vobis vestrisque successoribus et illibata permaneant. Decernimus ergo ut nulli omnino hominum liceat idem cenobium temere perturbare aut ejus
l.15 possessiones auferre vel ablatas retinere, minuere, vel temerariis vexationibus fatigare, sed omnia integra conserventur, eorum pro quorum sustentatione et gubernatione concessa sunt,
l.16 usibus omnimodis profutura, salva Bisuntini episcopi canonica reverentia. Si qua sane ecclesiastica secularisve persona hanc nostre constitutionis paginam sciens contra eam temere venire temptave-
l.17-rit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat,
l.18 et a sacratissimo corpore et sanguine Dei et domini redemptoris nostri Jhesu Christi aliena fiat, atque in extremo examine districtȩ ultioni subjaceat. Cunctis autem eidem loco justa servantibus sit
l.19 pax domini nostri Jhesu Christi, quatinus et hic fructum bonȩ actionis percipiant et apud districtum judicem premia ȩternȩ pacis inveniant. Amen. Amen. Amen.
l.20 [rota] Ego Paschalis catholicȩ ecclesiȩ episcopus subscripsi [benevalete].
l.21 Datum Beneventi, per manum Johannis, sanctȩ Romanȩ ecclesiȩ diaconi cardinalis ac bibliothecarii, III kalendas aprilis, indictione XIIII, incarnationis dominicȩ anno MoCVIIo, pontificatus domni Paschalis secundi papȩ VIIo.
l.22 [sceau].

1

JAFFE-LOEWENFELD, n° 6075.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 87, n° 94.