Pascal II, pape, accorde à l'abbaye de Saint-Claude différents privilèges et confirme ses possessions.

l.1 PASCHALIS, EPISCOPUS, SERVUS SERVORUM DEI, VENERABILI FRATRI UMBERTO, MONASTERII SANCTI EUGENDI ABBATI, EJUSQUE SUCCESSORIBUS REGULARITER SUBSTITUENDIS IN PERPETUUM.
l.2 Desiderium quod ad religiosorum propositum [et animarum salutem pertinere monstratur, auc]tore Deo sine aliqua est dila-
l.3-tione complendum. Tuis igitur, fili in [Christo karissime ...20... suggessisti] precibus annuentes, presentis
l.4 decreti stabilitate sancimus u[t monasterium vestrum ab omnium personarum molestiis libe]rum perseveret, ut Romane protectionis
l.5 munimine perpetuo gaudeatis. Statuimus etiam ut cella Sancti Lupicini cum appendiciis suis et ecclesia de Arbosiaco,
l.6 ecclesia sanctȩ Germane de castello Barrensi super Albam cum capellis earum, ecclesia de Nividuno, ecclesia de Sessiaco cum capellis
l.7 earum, sub jure vestri monasterii integre quieteque permaneant. Apostolica insuper auctoritate statuimus ut quecumque hodie idem
l.8 cenobium juste possidet sive in futurum concessione pontificum, liberalitate principum vel oblatione fidelium,
l.9 juste atque canonice poterit adipisci, firma tibi tuisque successoribus et illibata persistant. Decernimus ergo
l.10 ut nulli omnino hominum liceat idem monasterium temere perturbare aut ejus possessiones auferre vel ablatas
l.11 retinere vel injuste datas suis usibus vendicare minuere vel temerariis vexationibus fatigare sed omnia
l.12 integra conserventur, eorum pro quorum sustentatione et gubernatione concessa sunt usibus omnimodis
l.13 profutura. Sepulturam ejusdem loci omnino liberam esse decernimus ut eorum qui illic sepeliri deliberaverint
l.14 devotioni extreme voluntati, nisi forte excommunicati sint, nullus obsistat. Nec nisi pro certiori totius
l.15 congregationis culpa excommunicationi vel interdicto [...12...] addicatur. Si qua sane ecclesiastica
l.16 secularisve persona hanc nostre constitutionis paginam sciens contra eam temere venire temptaverit,
l.17 secundo tertiove commonita si non satisfactione [congrua] emendaverit, potestatis honorisque sui digni-
l.18-tate careat reamque se divino judicio existere de perpetrata iniquitate cognoscat, et a sacra-
l.19-tissimo corpore ac sanguine Dei et domini redemptoris nostri Jhesu Christi aliena fiat atque in extremo examine
l.20 districtȩ ultioni subjaceat. Cunctis autem eidem loco justa servantibus sit pax domini nostri Jhesu Christi
l.21 quatenus et hic fructum bonȩ actionis percipiant et apud districtum judicem premia eternȩ pacis inveniant.
l.22 Scriptum per manum Petri notarii regionarii et scriniarii sacri palatii.
l.23 Ego Paschalis catholicȩ ecclesiȩ episcopus [subscripsi].
l.24 [rota] [benevalete].
l.25 Datum Rome, per manum Johannis sanctȩ Romanȩ ecclesiȩ diaconi cardinalis, VIII kalendas maii, indictione VIIIa, incarnationis dominicȩ anno MoCo, pontificatus autem domni Paschalis secundi pape Io.
l.26 [sceau].

1