Aymon, comte de Genève, confirme la donation de Cessy à l'abbaye de Saint-Claude.

/01 / In nomine sanctȩ Trinitatis, ego Aymo, Dei gratia Genevensium comes, cogitans casum humanȩ fragilitatis simulque perpendens quantum eclesiarum augmentationes
l.2 saluti prosit animarum, concedo eclesiȩ Sancti Eugendi, cui venerabilis abbas Unaldus preesse videtur, alodos illos quos ab ingenuis hominibus in potestate
l.3 Sesciacensi monachi prefatȩ eclesiȩ actenus obtinuerunt, et a modo obtenturi sunt, ab illis videlicet ingenuis qui dies consuetudinales, quos esse
l.4 duodecim tradunt, et alia debita exceptis araturam boum, in corvata et observatione placiti generalis consuetudinaliter mihi [...8...] non debent.
l.5 Retinemus autem in hac concessione ut, si in terra quam hujuscemodi adquisitione prefati monachi obtinuerint, rusticanus aliquis habitat, boves
l.6 suos in corvata mea exhibeat, et in placito generali vicinorum suorum more semetipsum presentet. Ut autem hȩc nostra concessio rata permaneat, ab uxore
l.7 mea et a filio meo eam laudari facio, et tam scripto quam testibus confirmari precipio. Signum Aymonis comitis. Signum Itȩ uxoris ejus. Signum Geraldi filii ejus.

1