Bouchard, évêque de Meaux, confirme à Gui, abbé de Molesmes, et aux moines de La Maison-Dieu les églises de La Maison-Dieu, Jouy[-sur-Morin], Saint-Romain de La Ferté-Gaucher, Bellot, Saint-Martin-des-Champs avec la chapelle de Grenet, d'Amillis et de Chartronges en partie ; il règle, pour chacune d'elles, le partage des dîmes entre les moines et le desservant.

l.1 In nomine sancte et individue Trinitatis, amen. Affectum piȩ postulationis devoto convenit effectu
l.2 compleri, quatinus Deo et in proximorum subventione placeamus, matri nostrȩ sanctȩ Dei ecclesiȩ contra fallacius hostis insidias clipeo veritatis
l.3 defensionem prebeamus. Unde et ego Burchardus Dei occulta dispensatione licet minus idoneus Meldensis ecclesiȩ episcopus, venerabilis fratris nostri Guidonis Molis-
l.4-mensis cenobii abbatis et fratrum domus Dei quȩ est juxta Firmitatem Gaucherii, conventus dilectione et precibus decrevi ȩcclesias, decimas et dona quȩ eidem
l.5 ecclesiȩ domui Dei a fidelibus viris collata predecessor meus bonȩ memoriȩ Manasses privilegio firmavit episcopus et quȩ nostri pontificatus tempore acquisisse dinos-
l.6-citur, nostra actoritate testibus idoneis, eademque proprio sicut inferius patet signare sigillo. Per presentis igitur privilegii paginam laude et assensu archi-
l.7-diaconorum et canonicorum nostrorum laudo et confirmo, Molismensi cenobio, ȩcclesiam ipsam domus Dei ante Firmitatem Gaucherii, in honore beatȩ
l.8 Mariȩ semper virginis in qua predicti monachi conversantur sitam, et ȩcclesiam sancti Bartholomei et totam magnam decimam excepto uno modio quod habet
l.9 presbiter, et totam parvam decimam excepta sexta parte, et annalibus festis, videlicet de Nativitate Domini et Epiphania, et sanctȩ
l.10 Mariȩ Candelarum, et de Die Crucis ante Resurrectionem, et Pasca, et Pentecostem, et sancti Bartholomei festi-
l.11-vitate, et omnium sanctorum, omnium oblationum medietatem, et ȩcclesiam de Joe ante Firmitatem Gaucherii,
l.12 et omnem magnam decimam, excepta messe presbiteri, et totam parvam decimam, excepta sexta parte, et duabus
l.13 partibus turtellorum, et de sancto Romano de Firmitate, totam decimam annonȩ excepta duodecima parte, et ȩcclesiam
l.14 de Belo cum magna decima excepta messe presbiteri, videlicet modio frumenti et modio avene, et quartam partem
l.15 oblationum, trium festivitatum, scilicet Nativitatis Domini et Resurrectionis, et omnium sanctorum, et ȩcclesiam sancti
l.16 Martini de Boselit, cum cappella de Grunnai, atque magnȩ decimȩ medietatem, excepta sexta parte illius quȩ ad presbiterum pertinet,
l.17 et duas partes minutȩ decimȩ similiter habent monachi, et de IIIIor festis oblationum medietatem atque rebus ȩcclesiȩ dimissis
l.18 tam presbiteri quam monachis quartam partem, et medietatem turtellorum, dimidiam ȩcclesiam de Catherungis, cum medietate
l.19 magnȩ decimȩ et parvȩ, post messem presbiteri, et ȩcclesiam de Ammillesiis cum omnibus appenditiis suis. Quod si quis contra hanc nostrȩ
l.20 institutionis paginam venire temptaverit, secundo terciove commonitus, nisi satisfactione congrua emendaverit, anathematis gladio feriatur,
l.21 et a liminibus sancte matris ecclesie sequestretur. Actum est hoc et confirmatum in cappitulo Meldensis ecclesie anno Incarnati Verbi
l.22 MoCoXIXo. Hec sunt nomina quorum hec carta roboratur. S. Ade archidiaconi. S. Manasse. S. Theobaldi decani. S. Sthephani prepositi
l.23 S. Stephani decani.
l.24 [sceau].