Calixte II, pape, approuve l'accord fait par Humbaud, archevêque de Lyon, Étienne, évêque d'Autun, et Joceran, évêque de Langres, entre les chanoines de Notre-Dame de Beaune et les moines de Saint-Étienne, concernant le droit paroissial dans la ville de Beaune.

l.1 CALIXTUS, EPISCOPUS, SERVUS SERVORUM DEI, DILECTIS FILIIS BERTRANNO, DECANO, ET CANONICIS ECCLESIȨ SANCTE MARIȨ
l.2 DE BELNA, SALUTEM ET APOSTOLICAM BENEDICTIONEM. Officii nostri nos hortatur auctoritas, pro universarum ecclesiarum statu satagere,
l.3 et quȩ recte statuta sunt stabilire. Siquidem inter vos et sancti Stephani monachos, de jure parochiali castri Belnȩ controversia
l.4 diu fuerat agitata. Unde venerabiles fratres nostri Humbaldus Lugdunensis archiepiscopus, et Stephanus Eduensis, et Gotherannus
l.5 Lingonensis episcopi, affectione debita condolentes, controversiam omnem diligentius audierunt. Novissime causa undique plenius
l.6 indagata, et ab utraque parte quod eorum exequeretur judicium gratuita securitate accepta, pacem inter vos per Dei gratiam et concordiam
l.7 statuerunt, quam nostrȩ quoque auctoritatis robore una vobiscum predictus frater noster Eduensis episcopus petiit stabiliri. Nos ergo et ecclesiarum
l.8 paci et quieti propensius intendentes, et petitioni vestrȩ benignius annuentes, pacem illam et concordiam auctoritate
l.9 sedis apostolicȩ confirmamus, et illibatam futuris temporibus conservari decernimus, sicut in predictorum fratrum cyrographo
l.10 continetur. Si quis autem confirmationis hujus tenore cognito, temere quod absit, ei obviare presumpserit,
l.11 honoris et officii sui periculum patiatur, aut excommunicationis ultione plectatur, nisi presumptionem
l.12 suam digna satisfactione correxerit.
l.13 Ego Calixtus chatholicȩ ȩcclesiȩ episcopus confirmavi et subscripsi.
l.14 Datum Edue, per manum Grisogoni, sanctȩ Romanȩ ecclesiȩ diaconi cardinalis ac bibliothecari, IIIIo kalendas januarii,
l.15 indictione XIIIa, incarnationis Dominicȩ anno MoCoXXo, pontificatus autem domni Calixti secundi pape anno primo.
l.16 [sceau].

JAFFE-LOEWENFELD, n° 6796.

ROBERT (Ulysse), Bullaire du pape Calixte II : 1119-1124, 2 vol., Paris, 1891, p.172-173, n° 117.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 115-116.