Philippe, évêque de Troyes, confirme un accord conclu devant Simon I^er, sire de Broyes, entre les chanoines de Broyes et les moines de Péas, portant sur leurs droits respectifs quant au service religieux de l'église de Péas.

l.1 Ego Philippus Dei gratia Trecensis ȩcclesiȩ humilis minister, quandam conventionem inter monachos Molismenses
l.2 Peiaco habitantes, et canonicos Brecenses, in presentia domini Symonis Brecensis factam, rogatu domni Guidonis Molismen-
l.3-sis ȩcclesiȩ abbatis, ejusdemque predicti Symonis, interventuque eorundem canonicorum atque monachorum concessi; et ut rata et
l.4 inconvulsa permaneat, nostro sigllo firmare decrevi. Conventio siquidem hȩc fuit, ut in quatuor sollemnitatibus: die
l.5 videlicet Nativitatis Domini, Paschȩ, Pentecostes, Omniumque Sanctorum, missam matutinalem in ȩcclesia Peiacensi unus canoni-
l.6-cus celebret, et quicquid ad manum ipsius oblatum fuerit, inter monachos et canonicos per medium dividatur. Ceterȩ
l.7 [autem] omnes oblationes predictorum dierum, et totius etiam anni sint monachorum. Excepto, ut cum corpus alicujus
l.8 defuncti de villa Peiaci in ȩcclesia presentatum fuerit, prima missa a sacerdote canonicorum decantetur, et oblatio
l.9 ejusdem missȩ sicut supra diximus per medium parciatur. Nulli catholicorum se in atrio Peiaci poscenti sepe-
l.10-liri, prohibeatur, jure sacerdoti reddito. Corporibus denique defunctorum in ȩcclesia Peiaci delatis, totum officium
l.11 monachi impleant, et quicquid oblationis seu alicujus beneficii pro anima defuncti illis impensum fue-
l.12-rit, in pace possideant. In cunctis divinis misteriis Peiaco manentes ibi succurrantur ibidemque de more sepe-
l.13-liantur. Mulierum vero reconciliationes, baptisteria, confessiones, infirmorum visitationes, sponsarum peregrinorumque
l.14 benedictiones, quoniam hȩc omnia procurationi monachorum minime conveniunt, canonicis concedimus. Si quis autem ausu
l.15 temerario contra hȩc presumere temptaverit, anathematis gladio feriatur, et a corpore et sanguine Jhesu Christi
l.16 reus alienetur, nisi satisfactione congrua emendaverit. Ut autem hoc ratum et inviolabile, manu propria fir-
l.17-mavi, testibusque tradidi roborandum. Hujus rei testes sunt: Raynaudus prepositus; Girardus archidiaconus; Drogo ar-
l.18-chidiaconus; Petrus archidiaconus; Goscelmus archidiaconus; Ansellus archidiaconus; Odo precentor; Johannes decanus; Hugo decanus; Hildreius de-
l.19-canus; Johannes Capellanus hujus cartulȩ scriptor; Symon de Brecis; Paganus Ayrardi filius; Herbertus de Alemanno;
l.20 Gyrardus sacerdos de sancta Maria; Robertus sacerdos; Guido sacerdos de Choan; Odo miles; Goibertus; Leonius; Radul-
l.21-fus Bordet; Burdinus de Praello; Garnerius dapifer. Actum Trecis anno ab Incarnatione Domini Millesimo CXII, indictione
l.22 V, epacta XX, presidente in sancta Romana sede Paschali papa, regnante rege Francorum Ludovico.
l.23 [sceau].