Hugues, comte de Champagne, revenant de Terre Sainte, confirme les donations qu'il a faites à l'église de Molesmes, devant le concile de Troyes, et le renouvellement qu'il en a donné.

l.1 IN NOMINE PATRIS ET FILII ET SPIRITUS SANCTI, AMEN. Ego Hugo, comes Campanie, comitis Teobaudi filius, notum volo fieri
l.2 omnibus sancte ecclesie fidelibus presentibus et futuris, quod excellentiori usus consilio ampliare proposui Molismensem ecclesiam de meis propriis redditibus, cer-
l.3-tissime sciens tanto me in celestibus partem habere potiorem, quanto eandem ecclesiam amplius honoraverim. Trado itaque et concedo eidem ecclesie de
l.4 juris mei possessione jure perpetuo possidendam villam que Rumiliacus dicitur cum potestate et justitia ejusdem ville post decessum meum, tam in ne-
l.5-moribus quam in agris, pratis, pascuis, et aquis, servis, et ancillis, preter uxorem Leobaudi de Trecis, et infantes ejus, et in omni usu consuetudinario
l.6 et in presenti pro vestitura dimidiam partem reddituum. Dono etiam dicte ecclesie redditus venditionis salis, id est salagium de Barro super Albam et
l.7 justitiam ejusdem salagii siquis inde forisfecerit. Item dono in possessione Illensi ea que pater meus donaverat, villam scilicet sancti Teobaudi de Volva,
l.8 et duo molendina super ripam Sequane sita, culturam quoque meam ex integro que vulgariter cumina vocatur, aliasque agrorum partes que attinent
l.9 juri meo, et pratum muro Trecensi adjacens, quod frater meus Odo comes ecclesie sancti Quintini Trecensis dedit, do et perpetualiter tenendum concedo; et apud In-
l.10-sulas furnum bannalem do et concedo, itemque molendinum de Larzicurte sicut teneo, et quandam culturam apud castrum Vallicoloris, et terciam par-
l.11-tem in molendino, et terciam in furno huic dono adjeci, et in territorio Remensi villam sancte Walburgis que alio nomine Diona vocatur cum appen-
l.12-diciis suis et justitiam ejus, que omnia laudavit uxor mea Constantia Francorum regis filia, et comitissa Adela uxor fratris mei comitis Stephani cum
l.13 filiis suis nepotibus meis. Huic dono assensum prebuit dominus meus Manasses Remensis archiepiscopus cum clero suo super hiis que ad eum pertinebant.
l.14 Acta sunt hec apud Trecas IIIIo non. aprilis, anno ab Incarnatione Domini MoCoIIIIo, indictione XIIma, epacta XXmaIIda, concurrente Vto, Paschali Romano pontifi-
l.15-ce presidente, Richardo Albanensi episcopo apostolice sedis legato, Trecis in generali concilio de negotiis ecclesiasticis tractante, Philippo episcopo ejusdem Trecensis ecclesie presiden-
l.16-te, Philippo rege Francorum regnante. Harum itaque possessionum donatio Molismensis ecclesie sollempniter a me facta, in ecclesia Trecense coram omni synodo recita-
l.17-ta, a dicto cardinali est approbata, et a consedentibus archiepiscopis, episcopis, et abbatibus, et clericis generaliter collaudata, et ad corroborandam eam feci hos te-
l.18-stes idoneos sufficienter in hac carta apponi. Sunt itaque isti: Daimbertus, Radulfus, Senonensis, et Turonensis archiepiscopi, episcopi vero Ivo Carnotensis, Hunbaldus Autissiodorensis,
l.19 Herveus Nivernensis, Marbodus Redonensis, Robertus Lingonensis, Norgaudus Eduensis, Hugo Cathalaunensis, Philippus Trecensis, Regnaudus prepositus, Girardus, Jocelmus, Drogo archi-
l.20-diaconi, abbates quoque: Ilgoudus Majoris monasterii, Lambertus Pultariensis, Radulfus monasterii Cellensis, Otho Arremarensis. Laici etiam: Milo comes de Barro
l.21 super Sequanam, Milo Chacennaci dominus, Wido Wangionis Rivi dominus, Gaufredus Otranni filius, Renerius de Castellione. Hiis ita in Trecensi concilio gestis,
l.22 et per excommunicationis sententiam ne in posterum possint infrigi sollempniter autenticatis, ego ipse cum illustribus viris Hugone Borrello duce
l.23 Burgundie, Willelmo Nivernensi comite, dicto comite de Barro, Airardo Brinie comite, Hugone Rinelli comite, Jofredo Calvimontis domino, Rogerio Jo-
l.24-visville domino, Pontio Triagnelli domino, Molismum adveni pro negotiis meis et eorum tractandis, meque et eos Robertus primus loci illius abbas cum monachis
l.25 suis honorifice excepit. Post orationem vero ad magistrum altare accedens, astantibus dicto duce et quatuor comitibus et baronis predictis, medietatem
l.26 Rumiliaci quam mihi in vita mea antequam Molismum venissem retinueram, et ibi post decessum meum dare disposueram, nam aliam medietatem
l.27 jam integre possidebat ecclesia, extracto de proprio digito anulo, et donum de tota potestate Rumiliaci super altare ponens, eidem ecclesie contradidi
l.28 jure perpetuo possidendam, dictam scilicet potestatem; adiciens quod si quis de casamento meo aliquid eidem ecclesie dare voluerit, liceat ei, ratumque hoc et firmum
l.29 concedo in perpetuum permanere. Idipsum dicti Nivernensis, Barri, Brinie, Rinelli comites, et dicti barones mecum assistentes, sicut predicte ecclesie de casamento
l.30 meo concessisse me viderunt, et ipsi exemplo meo compuncti, meisque inducti precibus, singuli eorum unacum dicto duce eidem ecclesie concesserunt perpetuo possi-
l.31-dendum, quicquid de eorum casamentis ecclesie illius monachi quolibet modo in posterum sibi acquirerent. Testes inde sunt una mecum: Walterius vicecomes de Cla-
l.32-miceio, Hugo de Tilio, Andreas Ramerucci comes dator et concessor ecclesie de casamento suo quod alii, Hugo cognomine Brito filius ejus, Gaufredus Otranni filius, Le-
l.33-baudus et Grimaudus de Trecis, Teobaudus puer filius comitis Stephani fratris mei. Adjecit autem huic concessioni sue dictus comes Barri, donans eidem ecclesie aquarum su-
l.34-arum piscariam apud villam suam de Verteil. Ego quoque Jerosolimam postea tendens, Molismum adii orationis gratia, ibique omnes homines cum uxoribus eorum et liberis
l.35 qui de potestate Rumiliaci Trecis morabantur, superiori dono addidi, concedens salvamentum eorum omnium quorum in potestate Rumiliaci capita sunt ecclesie sepe-
l.36-dicte; concedens etiam eidem possidendos eos qui de eadem potestate manent Trecis vel Insulis, ne quid ex ea minuatur aut decidat, preter Leobaudi uxorem et ejus fili-
l.37-os. Licet igitur dona hec mea et dictorum principum et etiam dicti ducis Molismensi ecclesie non uno sint eodemque tempore collata, volui tamen universa in hac pagina congeri,
l.38 et ut inconvulsa deinceps permaneant, sigilli mei impressione cum testibus subscriptis plenius confirmari. Si quid vero de donis patris mei et fratrum meorum et meis
l.39 minus hic scriptum fuerit quam jus poposcisset, non ideo que memorialiter scribi non potuerunt, et tamen dudum a me ipso et ab eis data sunt ecclesie, a confirmatione ista
l.40 removeo: sed sicut scripta ita inscripta que hactenus tenuit eadem ecclesia, omnimodis fixa permanere decerno. Actum hoc et confirmatum apud Castellionem super Sequanam,
l.41 anno ab incarnatione Domini MoCoVIIIo, testibus hiis: Willelmo Nivernensi, Airardo Brinie, Milone de Barro, Hugone de Rinello comitibus, Guidone Gannelruci, Ro-
l.42-gerio Jovisville, Haimone de Falconees, Jofredo de Calvomonte, Bertranno Sine Terra, Jofredo Furnerio, Hilduino de Marrolis, Pontio de Triagnello.
l.43 Ad hec ego comes Teobaudus dicti Hugonis avunculi mei vestigiis pie inherens, cum Jerosolimam devotus tenderet, rogatu ejus sigillo meo confirmavi ecclesie
l.44 Molismensi perpetuo possidendum quicquid ei ipse confirmaverat; et insuper quicquid de casamento meo ipsa ecclesia quolibet modo acquisierit sibi, gratanter concedens cor-
l.45-roboravi, testibus hiis Milone comite de Barro, Guidone Wangionisrivi domino, Andrea de Baudimento, Rocelino de Vendopera, Milone de
l.46 Duinivilla, Pontio de Castello Chapis, Gaufredo de Trecis, Otranno filio ejus, Lebaudus et Grimaudus burgenses mei de Trecis.
l.47 [sceau] [sceau] [sceau].

acte truffé : ajouts postérieurs à la copie du cartulaire réalisé vers 1140 (Hubert Flammarion). Cf. art. de Girardot sur les fours et moulins de Vaucouleurs à paraître.