Hugues [II], duc de Bourgogne, le jour de la consécration de l'église Saint-Bénigne par le pape Pascal II, promet de garder l'abbaye dans ses libertés.

l.1 Anno dominicȩ incarnationis millesimo centesimo VI, XIIII kalendas martii, quo anno et die domnus
l.2 et venerabilis papa Paschalis Divionensem consecravit ȩcclesiam, adherentibus et obsequen-
l.3-tibus sibi Richardo Albanense episcopo, Aldone Placentino, Leodegario Vivariense, domno
l.4 Roberto Linguonense, Norgaudo Eduense, post repositionem sanctarum reliquiarum in altari, ego Hugo dux
l.5 ammonitus a domno papa, promisi in sacrata manu ejus, quod Divionensem ecclesiam in eadem
l.6 quiete et libertate dimitterem, qua dimiserat patruus meus bonȩ memoriȩ Hugo dux
l.7 et monachus. Dimisi etiam et finivi quasdam exactiones et injusticias quas officiales mei
l.8 faciebant, concedens ut omnes domus monachorum dominicȩ ab omni inquietudine, et justicia
l.9 mea, meorumque, amodo essent liberȩ. In burgo etiam qui Claustrum dicitur, concessi ut
l.10 si latrocinium factum fuisset, et clamor ad monachos et ministrales eorum deveniret,
l.11 ipsi justiciam planam facerent, quod intelligimus LXa solidorum. Portagium quoque
l.12 Divionensis portȩ quod pater meus de vino proprio monachorum Divionensium
l.13 ubi consistentium, donaverat, laudavi, et confirmavi; et portagium Belnensis
l.14 castri de meo superaddidi. Quod ipse pro patre meo feceram de Plumbariis, confir-
l.15-mavi; et idem feci de Villare, hoc retento, quod in anno duabus vicibus apud
l.16 Villare hospitarer. Hoc donum laude magnatorum meorum factum, in manu domini papȩ
l.17 posui, et frater meus Heinricus laudavit. Testes: Savaricus Verziacensis; Valo
l.18 abbas de Latona; Raynerius dapifer; Josbertus vicecomes; Hugo de Granciaco; Hugo
l.19 de Poliaco; Tecelinus Saurus; Hagano de Roca; Walterius de Tilio; Widricus; Hugo frater ejus;
l.20 Aymo de Castro; Willermus de Tylecastro; Benzo; Milo de Frollesio.
l.21 [sceau].