Hugues de Die, archevêque de Lyon, annonce à Norgaud, évêque d'Autun, la sentence qu'il a prononcée dans le différend opposant Saint-Bénigne de Dijon à Saint-Baudèle de Beaune. Il confirme Saint-Baudèle dans ses droits et met à néant la prétention des moines à faire administrer le baptême dans l'église Saint-Étienne par leurs chapelains.

l.1 Hu[go], Lugdunensis ȩcclesiȩ servus, dilecto in Christo fratri N[orgaudo], venerabili Eduensium episcopo, salutem. Dilectioni vestrȩ notificare dignum duximus,
l.2 qualiter controversiam quȩ inter monachos Divionenses et Belnenses clericos agitabatur, juditio terminavimus. Audita itaque utriusque
l.3 partis causa, et ex altera parte precepto regis Roberti perlecto, et ex utraque parte cartis et apostolicis auctoritatibus inspectis, ad id quod
l.4 certius et firmius nobis visum est, nos tandem convertimus, ad hoc videlicet quod ȩcclesia sancti Baudelii longam possessionem sine legitima
l.5 interruptione habuisse videbatur. Et quamvis monachi obicerent quod in ȩcclesia sancti Stephani capellani eorum babtizare soliti essent, cumque ab eis
l.6 requisissemus unde crisma acciperent, et ipsi penitus nullum responsum darent, cognovimus quod ȩcclesia illa legitime non babtizaret, quȩ ab episcopali
l.7 sede crisma non susciperet. Unde quoniam calumpnia monachorum nullas vires et nullam firmitatem rationis habebat, et de his omnibus quȩ super clericos
l.8 requirebant nihil penitus per juditium consequi poterant, in presentia domni Humbaudi Eduensis archidiaconi, et domni Vualonis archidia-
l.9-coni Cabilonensis, assensu clericorum nostrorum sine omni contradictione adjudicavimus, ut prefata sancti Baldelii ȩcclesia in integrum et quiete possessionem suam in perpetuum
l.10 possideret. Et quoniam annuente Domino sine labore vestro huic negotio congruum finem imposuimus, in quo non parvam inimiciciarum materiam vos evas-
l.11-sisse cognoscimus, licet de infestatione monachorum deinceps clericis ipsis non timeamus, vestram tamen nobis dilectam fraternitatem confidutia deprecamur,
l.12 ut hanc Belnensium clericorum causam pro commisso vobis offitio defendatis, et tam in his quam in aliis necessitatibus suis sicut clericis vestris patrocinium et
l.13 tuitionem vestram eisdem conferre studeatis, quatinus preces nostras apud vos in hoc sibi sentiant profuisse, et nos in suo tempore dignam vobis vicem inde
l.14 possimus rependere.
l.15 [sceau].