Pascal II, pape, prend sous sa protection le monastère de Saint-Bénigne, approuve les concessions d'églises faites par Robert, évêque de Langres, et confirme les possessions du monastère en énumérant les prieurés dans les diocèses de Langres, Toul, Besançon, Chalon, Valence, Die, Bayeux et Sens.

l.1 PASCHALIS, EPISCOPUS, SERVUS SERVORUM DEI, VENERABILI FILIO GERENTONI, ABBATI DIVIONENSIS MONASTERII, EJUSQUE SUCCESSORIBUS REGULARITER PROMOVENDIS IN PERPETUUM.
l.2 Sicut injuste poscantibus nullus est tribuendus effectus, sic legitima desiderantium non est differenda petitio. Vestras igitur postulationes paterna clementia exaudientes libertati ac qui-
l.3-eti vestri cenobii, auctore Domino providemus. Statuimus enim ut Divionense cenobium semper sub apostolicȩ sedis protectione servetur; et obeunte te nunc ejus loci abbate vel tuorum quolibet successorum,
l.4 nullus ibi qualibet surreptionis astutia seu violentia preponatur, nisi quem fratres communi consensu, vel fratrum pars consilii sanioris, vel de suo vel de alieno, si oportuerit collegio, secundum Dei timorem et beati
l.5 Benedicti regulam elegerint. Porro electi consecratio, sicut a predecessore nostro felicis memoriȩ Gregorio septimo constitutum est, peragatur. Interdicimus autem ne cui, post proffessionem exibitam, facultas sit, sine abbatis
l.6 permissione monasterium derelinquere. Statuimus etiam ne ab episcopo vel ministris Linguonensis ecclesiȩ divina monasterio vestro interdicantur officia sed continue celebrentur, nisi eisdem causis fratres cessare oporteat
l.7 quȩ sedis apostolicȩ presulis Benedicti determinatione distincte sunt. Ecclesiarum quoque quȩ in Burgo monasterii site sunt id est sancti Johannis Baptistȩ, et sancti Philiberti, seu presbiterorum in eis Domino servientium eam in perpetuum libertatem vestro
l.8 monasterio confirmamus, quam venerabilis Rotbertus Linguonensis episcopus contulisse cognoscitur. Illud etiam remissionis et immunitatis quod idem episcopus vel sui predecessores de paratis et synodis vestro cenobio indulsisse cognoscuntur,
l.9 nos presentis decreti assensione firmamus. Confirmamus etiam vobis vestrisque successoribus in episcopatu Linguonensi cellam sancti Amatoris cum ecclesia sancti Ferreoli, cum ceteris tam ecclesiis quam aliis rebus ad ipsas pertinentibus; item cellam de
l.10 Montaniaco, et cellam de Nogent cum cappella ejusdem castelli; cellam de Claromonte; cellam sanctȩ Mariȩ apud Saxonis Fontem; cellam sancti Stephani apud Vangionis Rivum cum omnibus ad eas pertinentibus; in episcopatu Tullensi,
l.11 cellam Bertiniace Curtis, cellam de Solini monte, cum ecclesiis, villis, terris, et omnibus ad eas pertinentibus; in episcopatu Heduensi, cellam Belnensem cum ecclesiis de Vielaco et de Cusleo, de Prato Fergeolo cum omnibus suis pertinen-
l.12-tiis; cellam de Sarmatia; cellam de Curbertaut; cellam de Arneto cum omnibus ad easdem cellas pertinentibus; in archiepiscopatu Bysontino cellam sancti Marcelli, cellam de Offonis villa, cellam de Sarcophagis, cellam de Logia No-
l.13-vella, ecclesiam de Torpa; apud Salinas, cappellam sancti Petri, cappellam sancti Michaelis cum omnibus ad eas pertinentibus; in episcopatu Cabilonensi, cellam sancte Marie cum suis pertinenciis, cellam de Paluel, cum omnibus pertinenciis; in episcopatu Va-
l.14-lentinensi cellam sancti Genesii de monte Madriano cum suis pertinenciis, ecclesiam de Vulpileriis, et de Cornaz, et de Glun; in episcopatu Diensi, ecclesiam de Bovantia; in episcopatu Baiocensi, cellam sancti Vigoris cum suis pertinentiis;
l.15 in episcopatu Senonensi cellam sancti Benigni apud Volnum cum omnibus pertinentiis suis. Et si qua alia, in quibuslibet locis in presentiarum ad jura vestri monasterii pertinent, vel in futurum largiente Domino pertinebunt. Decernimus itaque ut nulli
l.16 [omnino hominum liceat] idem monasterium temere perturbare, [aut ejus possessiones auferre, vel ablatas retinere, minuere, vel temerariis] vexationibus fatigare; sed omnino integra conserventur eorum
l.17 [pro quorum sustentatione] et gubernatione concessa sunt usibus omnimodis pro futura [salva episcoporum canonica reverentia. Quibus tamen nec ipsis] nec eorum ministris liceat cenobii vestri ecclesias injustis [interdictionibus]
l.18 fatigare, quamdiu illic monastici ordinis vigor Domino prestante permanserit. [Si qua] sane ecclesiastica secularisve persona hanc nostrȩ constitutionis paginam sciens contra eam temere venire tempta-
l.19-verit, secundo terciove commonita si non satisfactione congrua emendaverit, potestatis honorisque sui dignitate careat, reamque se divino judicio de perpetrata iniquitate cognoscat, et a sacratissimo
l.20 corpore ac sanguine Dei et Domini nostri redemptoris Jhesu Christi aliena fiat, atque in extremo examine districte ultioni subjaceat. Cunctis autem eidem loco justa servantibus sit pax Domini nostri Jhesu Christi,
l.21 quatinus et hic fructum bonȩ actionis percipiant, et apud districtum judicem premia eternȩ pacis inveniant. Amen. Scriptum per manum Rainerii
l.22 scriniarii regionarii, et notarii sacri palatii.
l.23 Ego Paschalis catholice ecclesiȩ episcopus subscripsi.
l.24 [rota] BLVT.
l.25 Data Laterani per manum Johannis sanctȩ Romane ecclesiȩ diaconi cardinalis kalendis januarii, XIII indictione, anno dominice Incarnationis MoCoVo pontificatus autem domni Paschalis II pape VIo.
l.26 [sceau].

JAFFE-LOEWENFELD, n° 6005.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 83, n° 91.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, p. 188-191.