Manassès, archevêque de Reims, règle un différend entre deux établissements religieux rémois : l'abbaye Saint-Denis reconnaît que le tiers de la dîme de Gouéry relève de la collégiale Saint-Symphorien, ce qu'elle contestait ; Étienne, trésorier de Saint-Symphorien, la concède à Saint-Denis moyennant un cens annuel de deux setiers de froment, un de seigle, un de trémois à verser à la saint Remi d'octobre.Rd'octobre.

l.1 [chrisme] Ego MANASSES, sanctȩ Remensis ȩcclesiȩ non meis meritis sed divina gratia qualiscumque archiepiscopus, presentibus posterisque notum fieri volo, inter fratres nostros canonicos Sancti SYMPHORIANI Sanctique
l.2 DYONISII, scandalum fuisse ortum super decima de Gohereio, canonicis Sancti SYMPHORIANI habere volentibus tertiam partem totius decimȩ de Gohereio, et de terris quȩ ad
l.3 Gohereium pertinent, propter antiquam suam investituram. Canonicis vero Sancti DYONISII, quia eadem decima infra parroechiam de Campiniaco jaceret contradicentibus. Causa
l.4 autem ista in presentia nostra fratrisque nostri LAMBERTI Atrabatensis episcopi ventilata, est recognitum, et juxta judicium personarum quȩ aderant, per septem idoneos testes legaliter dera-
l.5-cionatum, tertiam partem totius decimȩ de Gohereio, et de terris quȩ ad Gohereium pertinent, provenire sancto SYMPHORIANO ad thesaurum; sed ne deinceps inter predictas ȩcclesias pro decima illa
l.6 dissensio aliqua oriretur, communi presentium personarum usus consilio, Hugo abbas Sancti Dyonisii et qui cum eo fratres aderant, partem decimȩ quȩ sancto SYMPHORIANO provenit ad hunc trecensum
l.7 perpetuo habendam, acceperunt a Stephano tunc temporis thesaurario ȩcclesiȩ Sancti SYMPHORIANI, quod singulis annis, vel ante festivitatem vel in ipsa festivitate sancti REMIGII, quae kalendis
l.8 OCTOBRIS celebratur ȩcclesia Sancti DYONISII solvat thesaurario sancti SYMPHORIANI quatuor sextarios annone, duos de frumento, unum de sigilo, unum de tremisse, et trecensus iste solvatur
l.9 in curia sancti Symphoriani, canonicali mensura vel ea mensura quȩ die dati trecensus habebatur apud Campiniacum. Nos autem ne id aliquatenus permutetur, hac testamentali pagina, et nostrȩ imaginis
l.10 impressione et personarum quȩ interfuerunt subnotatione corroboravimus. Signum [croix] Lamberti Atrabatensis episcopi. Signum Joranni abbatis Sancti NICHASII. Signum Gervasii archidiaconi. Signum Rodulfi prepositi.
l.11 Signum Joffridi decani. Signum Bartholomei thesaurarii et abbatis. Signum Richeri cantoris. Signum Odalrici, signum Lamberti presbyterorum. Signum Rainaldi, signum Odalrici diaconorum. Signum Isembardi, signum Ȩbali, signum Raimberti, signum
l.12 signum Gotberti, signum Nicholai, subdiaconorum et canonicorum Sanctȩ Mariȩ. Signum Deodati decani. Signum Symeonis, signum Seiberti, signum Jecelini presbyterorum. Signum Remigii cantoris. Signum Dodonis, signum Heriberti diaconorum. Signum Guarini, signum Odonis,
l.13 signum Stephani, signum Haiderici, signum Petri, subdiaconorum et canonicorum Sancti Symphoriani. Signum Milonis decani. Signum Richerii, signum Otberti, canonicorum Sanctȩ Trinitatis. Signum Hugonis, signum Remigii, signum Albrici canonicorum Sancti Timothei. Signum
l.14 Hugonis abbatis. Signum Erlebaldi, signum Hilgaldi, signum Arnulfi, signum Erivonis, signum Stephani canonicorum Sancti Dyonisii. De laicis: Signum Erlaudi vicedomini. Signum Gocelini. Signum Burdini de Vico Judȩorum. Signum Hugonis majoris
l.15 de suburbio. Signum Fainonis. Signum Heriberti de Gulcis. Signum Algisi. Signum Oileii. Signum Theoderici. Signum Gelrici. Signum Anserii.
l.16 Actum Remis, anno incarnati Verbi millesimo CmoIIIo, indictione XI, regnante Philippo rege Francorum anno XLo, archiepiscopatus autem domni Manasse anno VIII.
l.17 Fulcradus cancellarius recognovit scripsit et subscripsit.
l.18 [sceau] .

MARLOT (G.), Metropolis Remensis historia, 2 vol., Lille et Reims, 1666-1679, t. 2, p. 238.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 367-369, n° 135.