Eudes, duc de Bourgogne, en présence de Gui, comte de Saulx, Savaric de Vergy, Hugues de Pouilly, donne à Cîteaux des vignes à Meursault.

l.1 Notum sit omnibus quod ODO dux Burgundiȩ in quadam sollempnitate Nativitatis Domini coram procerum suorum copiosa multitudine vineam quandam quam propriam tenebat
l.2 apud castrum Mursaltum, Deo et Sanctȩ Mariȩ contradidit, in manu domni Rotberti tunc abbatis Novi Monasterii, ad usum fratrum inibi Deo servientium. Illic quoque presentes
l.3 fuerunt testes subscripti: Gido comes de Sals, Savarinus de Virziaco, Hugo de Puili, et ceteri. Post decessum vero supradicti ducis, filius ejus Hugo
l.4 qui ei successit in ducatu, rogavit quendam militem nomine Hugonem de Cavenniaco, ut decimam antedictȩ vinee apud Mursaltum quam illucusque tenuerat, Deo et
l.5 Sanctȩ Mariȩ, ac monachis Novi Monasterii concederet, et ipse dux singulis annis decem solidos eidem militi donaret. Quod prefatus miles gratanter annuens, decimam
l.6 illam in usum monachorum concessit, et tam firmiter, talique pacto, ut etiam si ipse dux vel ejus successor aliquam injustitiam de supradicta pecunia eidem militi vel ejus
l.7 successori aliquando inferre temptaverint quod absit, nullo modo miles vel ejus successor a monachis ulterius quicquid requirant. His interfuit frater Nevelo,
l.8 monachus ejusdem loci, et hi sunt testes: Girardus canonicus, Letbaldus de Manni, Walterius de Magno Campo, Walterius de Scalcetruge, et cȩteri.
l.9 Post hȩc domnus Nargoldus Eduensis episcopus, in cujus diocesi antedicta vinea est plantata, hanc concessionem et conventionem, inter ducem et militem illum de decima illa factam laudavit, monachisque
l.10 illis decimam confirmando donavit, ne eam de manu laicorum tenere viderentur. Ob quam rem sua propria manu eam illis tradidit.