Eudes, seigneur de Verdelot, fonde le prieuré de Saint-Pathus et reçoit de Robert, abbé de Molesmes, la confraternité.

l.1 Roberto, abbati et omni conventui sanctȩ Mariȩ Molismensis ȩcclesiȩ, donnus
l.2 Odo de Vergelo ejusque uxor Herenburgis, in Domino salutem. Notum
l.3 facere volumus omnibus sanctȩ ȩcclesiȩ fidelibus, quoniam ego Odo ȩcclesiam sancti
l.4 Pathusii Domino et sanctȩ Mariȩ Molismensis ȩcclesiȩ trado, cum altari ejusdem
l.5 ȩcclesiȩ et presbiterio, et reditibus inde procedentibus, excepta decima
l.6 terrȩ, et lini et canevȩ, omnem vero decimam animalium monachis ibi
l.7 Deo servientibus concedo, illam videlicet quȩ ad ecclesiam pertinet,
l.8 et meorum decimam animalium, et redecimam meȩ carrucȩ, et duos
l.9 modios decimȩ, unum tritici, alterum avenȩ, et mearum decimam
l.10 vinearum quȩ ibi sunt aut erunt, et hospitem unum cum reditu suo, et terram
l.11 ad opus domuum monachorum ibi habitantium, et ȩcclesiam ab omni
l.12 censu et more liberam. Sed sacerdos ejusdem ȩcclesiȩ ad synodum Meldis
l.13 ibit. Hȩc autem ea condicione trado, ut hȩc eadem ȩcclesia nulli
l.14 ȩcclesiȩ, nisi proprie Molismensi ȩcclesiȩ debeat subjectionem; et si Deo
l.15 annuente ejusdem ȩcclesiȩ quandoque superhabundaverit prosperitas,
l.16 ad usus fratrum ibi in cunventu deservientium remaneat; et si potest
l.17 fieri ut major substantia habeatur, ordo et cunventus fratrum ibi tene-
l.18-atur, sed postquam locus erit perfectus, et censum reddere poterit, secundum
l.19 divisionem fratrum ejusdem loci et dominii ejusdem villȩ censum conveni-
l.20-entem persolvat ȩcclesiȩ Molismensi. Hoc donum dedi Deo et sanctȩ Mariȩ
l.21 Molismensis ȩcclesiȩ, et per manum prioris Hatonis ȩcclesiȩ mitto. Hujus
l.22 autem rei testes sunt: ex parte mea, uxor mea Herenburgis, et tres
l.23 filii mei Hugo, Goyffridus, Symon; Odo filius Berengeri, et Milo frater
l.24 ejus, Radulfus clericus, Odo de Firmitate presbiter.
l.25 Ex parte ȩcclesiȩ, Hugo, Alvuinus, Rotbertus, Ingelbertus, Gilbertus, Radulfus.
l.26 Facta autem sunt hȩc ab Incarnatione Domini anno millesimo centesimo
l.27 secundo, Paschali apostolatum obtinente, Phylippo rege Frantiȩ
l.28 regnum protegente, Stephano comite et Adhela ejus uxore regnantibus.
l.29 Venerabilis ȩcclesiȩ Molismensis pater Robertus cum grege sibi commisso Odoni et uxo-
l.30-ri ejus, perpetuum vale in Domino. Sicut nobis, tibi spiritu, non carne cognitis, aliqua
l.31 ad subsidium paupertatis nostre ex bonis temporalibus largitus es, ita e diver-
l.32-so et nos tibi et uxori tuȩ, filiis ac filiabus tuis, sicut petis, largimus omne beneficium societatis nostrȩ, quocum-
l.33-que modo apud nos publice et privatim ab hac die et deinceps fiat, ita vi-
l.34-delicet ut vivens defunctusque cum omnibus prenominatis, adjunctis etiam
l.35 parentibus tuis vivis atque mortuis, quibus Deus partem donare dignabitur,
l.36 omnium beneficiorum nostrorum, sicut unus ex nobis, consortes existatis. Bene-
l.37-valete.
l.38 [sceau]. [...].