Robert, évêque de Langres, après avoir béni le cimetière de l'église du monastère de Molesmes, concède à ce monastère la justice temporelle et spirituelle tant sur ledit cimetière que sur le bourg, lui confère l'église de Pouilly suivant le bail perpétuel consenti, au synode de Fontenois, par l'abbé de Saint-Pierre-le-Vif de Sens, confirme les concessions d'Hugues de Maligny et des autres chevaliers dans l'alleu de Molesmes, et règle la répartition du revenu de l'église susdite.

l.1 Ego Robertus Dei miseratione Lingonensis episcopus, venerabili Roberto Molismensis ecclesie abbati, ejusque fratribus universis in perpetuum. Sacrum vestre devotionis atten-
l.2-dentes karissimi fervorem, profectibus vestris pro debito officii nostri paterno affectu instantius aspiramus. In primis itaque decernimus, ut in cymiterio ecclesie vestre in qua regulariter degitis,
l.3 cui benedictionis munus juxta quod mete ipsius cymiterii in subsequentibus annotate declarant impendimus, nullus aliquam preter vos terrenam habeat justitiam; et eam similiter que nos
l.4 de jure contingit episcopatus justitiam, vobis de consensu Lingonensis capituli indulgentes, libere et quiete concedimus perpetuo jure possidendam. Cujus videlicet prima cymiterii meta duxit ad
l.5 Vallem Godefridi, secunda ad Sarcofagum, tercia ad agros juxta virgultum abbatie, quarta ad ulmum juxta stratam que ducit ad Tornodorum, quinta ad stratam quȩ ducit ad An-
l.6-seune, sexta ad stratam que ducit ad Castellionem, septima quoque ad stratam que ducit ad Poltariense cenobium. Sicut ergo infra metas has vestrum continetur cymiterium, a justitia nostra li-
l.7-berum penitus et absolutum esse decernimus, et utriusque justitiȩ libertatem cymiterii scilicet et burgi vestri cum aliis ecclesiasticis beneficiis in sequentibus exprimendis, pontificali vobis auctoritate, et
l.8 presenti sigillo nostro confirmamus. Ecclesiam vero de Poliaco, ab Arnaudo sancti Petri Vivi Senonensis abbate et fratribus ejus in numero aliorum testium subscribendis, ecclesie vestre sub annuo quinque solidorum censu natalibus apostolorum
l.9 Petri et Pauli ecclesie eorum ab ecclesia vestra solvendo concessam, vobis, inquam, Molismensibus confirmanus, et de ipsa vos ecclesia investimus: sicut idem Arnaudus abbas et fratres ejus apud Fontem Humosum in presentia
l.10 domni Daimberti Senonensis archiepiscopi et nostra, astantibus quoque Willelmo Cathalaunensi, Burcardo Meldensi, Hugone Autissiodorensi episcopis, Willelmo etiam Nivernensi, et Milone de Barro super Sequanam comitibus,
l.11 super jamdicta ecclesia se devestire curarunt. Quicquid etiam servitii et justitie in alodio Molismensi, in pratis scilicet et silvis, in aquis decimisque et aliis, milites casati cum uxoribus suis et progenie eorum habebant, Hugo
l.12 videlicet de Merlenniaco, Regnaudus de Molismo, Odo, Paganus, Guido, Hugo de Corterron, et uxor ejus Gersennis, Odo de Furviaco, Odo Engelbaudi filius, sine retentione aliqua in manu mea deposuerunt pro salute
l.13 animarum suarum; et ego nichilominus laudantibus eis vos et ecclesiam vestram investire canonice curavi. Preterea supradictus quinque solidorum annualis census sub tali conditione ad predictum
l.14 terminum a vobis ecclesie Sancti Petri Vivi annuatim solvetur: quod si die ipso festivitatis apostolorum forte non fuerit a vobis solutus, de consensu predicti ejusdem ecclesie abbatis et fratrum suorum plene meruistis coram
l.15 nobis optinere, quod omni lege remota et dampno vestro, emendam solummodo propter hoc eis reddetis. Quia vero in predicta Poliaci ecclesia presentatio vestra est, decernimus ipsum sacerdotem in posterum a vobis
l.16 eligendum esse, electusque a vobis sacerdos publice vobis in capitulo vestro, beneficiorum vestrorum ad commodum ecclesie vestre conservandorum, nec in ullo sibi deinceps contra vos et ecclesiam vestram usurpandorum fide-
l.17-litatem jurabit; et eum quidem ex tunc ita vobis obligatum, vestrum erit nobis vel successoribus nostris presentare, nostrum erit nostrorumve successorum cura animarum investire presentatum. Nunc igitur que in eadem
l.18 vobis ecclesia Poliaci cum sacerdote denuo proveniunt percipienda, sunt hec: omnium oblationum que per annum ad altare ejusdem parrochie quoquomodo offeruntur, terciam quidem partem sacerdos,
l.19 vos autem duas percipietis partes; similiter et de omnibus que ad prefatam ecclesiam pro sua dimiserint salute morientes, terciam, ut supradictum est, partem sacerdos, duas vero partes
l.20 vos ipsi percipietis; eandem percipere partem vestrum est in caritatibus que vestro fiunt sacerdoti quomodocumque ei a quolibet parrochiano suo fiant, tricenariis quoque, confessionibusque et reconciliatio-
l.21-nibus; item in benedictionibus nubentium, et ipsius sacerdoti procurationibus quotiens redimuntur; itemque in omnibus que pro parvulis post baptisma recenter in albis obeuntibus percipiuntur, terciam
l.22 nichilominus partem sacerdos vosque duas habetis, mediam vero vos et mediam sacerdos partem habebit in perali peregrinorum benedictione eorumque oblatione; et in testamentis eorum terciam sacerdos, vosque duas habe-
l.23-tis partes. Quicumque igitur huic confirmationi nostre in aliquo presumpserint deinceps contraire, donec ad emendationem coram vobis advenerint, excommunicationis pene subdantur. Testes exinde sunt: ex par-
l.24-te nostra, Goscelinus, Amalricus, Lambertus, Warnerius, archidiaconi nostri; Durannus notarius noster; ex parte vero predicti abbatis sancti Petri Vivi: Hulduinus, Erlebaudus, Eldradus, Arnulfus, Petrus, Eraclius, Letericus, Walbertus,
l.25 Clarius, Archembertus, Guido, Willelmus, Dodo, Hugo, Isembardus, Girardus, Odo, Gauterius, Fulco, Anselmus. Acta sunt feliciter apud Senonas, anno incarnati Verbi millesimo centesimo primo, indi-
l.26-ctione nona, epacta octava decima, concurrente uno, ciclo lunari sexto decimo, Paschali secundo sancte Romane urbis pontificium feliciter gubernante.
l.27 [sceau].