Renard, évêque de Langres, fait savoir que Gui, comte de Bar-sur-Seine, a donné à Molesmes l'église et des dîmes d'Essoyes, Verpillières et Servigny.

l.1 [croix] IN NOMINE SANCTE ET INDIVIDUE TRINITATIS. Ego Raynaldus Dei miseratione Lingonensis episcopus posteritati futurorum notificare volo, quod nobilis vir Guido Barri super Sequanam comes, ecclesiam et de-
l.2-cimas Exoye, Vulpeleriarum et Servenneii quas diu tenuerat, in manu nostra reddidit. Nos vero ejus interventu et de voluntate et assensu capituli nostri ecclesie Molismensi et fratribus ibidem Deo servientibus
l.3 predictam ecclesiam cum decimis donavimus. De quibus videlicet reverendum virum Robertum primum ejusdem loci abbatem sollempniter investivimus, et ne aliquando inter monachos et
l.4 sacerdotem lites oriantur de redditibus ita statuimus: in omnibus oblationibus et testamentis de quibuslibet bonis mobilibus vel inmobilibus etiam si proprie fiant sacerdoti vel ejus capellano, et pro quibuscunque
l.5 fiant, medietatem percipient monachi, et presbiter alteram; ita et de cereo paschali cum remanserit, de tricenariis, de sacerdotum procurationibus cum redimentur; omnes autem decimas
l.6 in domo sua recipient monachi, et sextam partem reddent sacerdoti. Cum vero predictam ecclesiam presbitero vacare [contigerit] ydoneum eligent monachi, et ad curam animarum sus-
l.7-cipiendam episcopo Lingonensi presentabunt: [qui de] cura investitus Molismum tenebitur accedere, et de redditibus monachorum legitime conservandis fidelitatem eis facere. Quicunque ergo
l.8 super [hiis] Molismenses infestare presumpserit, anathema sit, donec eis congrue satisfecerit. Testes inde sunt: Amauricus decanus, Jocelinus, Garnerius archidiaconi, Lambertus erarius.
l.9 Actum est hoc et in Lingonensi capitulo collaudatum, nostroque sigillo confirmatum, anno Domini millesimo Co primo, Paschasio secundo [Romano presule] presidente, Philippo rege Francorum regnante [croix].
l.10 [sceau] [sceau] [sceau].

Renard mourut en 1085.

LAURENT (J.), Cartulaires de Molesmes, ancien diocèse de Langres (916-1250). Recueil de documents sur le Nord de la Bourgogne et le Midi de la Champagne, 2 vol., Paris, 1907-1911 (Collection de documents publiés avec le concours des Antiquités de la Côte-d'Or, 1), t. 2, app. VIII, n°1, p. 558.

CHASSEL (J.-L.), L'essor du sceau, in Bibliothèque de l’Ecole des Chartes, 155 (1997), p. 221-234. , p. 223.