Renard, évêque de Langres, donne à Molesmes l'église de Vertault et règle la répartition de son revenu.

l.1 Notum sit universis tam presentibus quam futuris, quod ego Renardus Dei miseratione Lingonensis ecclesie episcopus pro salute anime
l.2 mee, donavi cenobio Molismensi de communi consensu capituli nostri ecclesiam de Verteil; de qua donatione investivi publice donnum
l.3 Robertum, primum ejusdem cenobii venerabilem abbatem; adiciens et cum consilio nostri disponens capituli, ut monachi Molismenses in ea-
l.4-dem ecclesia de Verteil de omnibus oblationibus ad sacerdotis manum venientibus, medietatem habeant, et sacerdos alteram. Similiter in
l.5 tricenariis, confessionibus, reconciliationibus, nubentiumque benedictionibus et presbiteri procurationibus cum eas redimi contingit, et in bap-
l.6-tisteriis, et morientium testamentis vel parvulorum cum recenter obeunt, medietatem habeant et presbiter alteram; qui etiam presbiter nichil
l.7 percipiet ibi de fundo terre, nec pratis, nec vineis, nec nemoribus, si ex hiis fiat eisdem monachis elemosina: que videlicet omnia cum
l.8 supradictis libere et quiete jure perpetuo possidebunt. Vacante autem eadem ecclesia sacerdote, monachi idoneum eligant, et episcopo
l.9 Lingonensi representent: qui de cura cum ab episcopo investitus fuerit, in capitulo se Molismensibus pro fidelitate monachis publice facienda
l.10 representet, et a die illa justitiarius eorum efficiatur, tamquam conservator reddituum suorum et eorum, juratus existens. Quicumque igitur eosdem
l.11 monachos deinceps super hac donatione eis a me sollempniter facta, presumpserit pertubando gravare, donec ad emendatio-
l.12-nem venerit, eterne maledictioni subjaceat. Testes inde sunt: Amauricus decanus noster; Jocelmus, Garnerius, archidiaconi nostri; Lambertus
l.13 erarius. Actum hoc Lingonis publiceque in nostro collaudatum capitulo, nostro confirmatum est sigillo, anno ab incarnatione Domini Mo-
l.14-CoIo, Paschali secundo Romano presule presidente, Philippo rege Francorum regnante. Data per manum Duranni notarii nostri.
l.15 [sceau].

Renard mourut en 1085.

LAURENT (J.), Cartulaires de Molesmes, ancien diocèse de Langres (916-1250). Recueil de documents sur le Nord de la Bourgogne et le Midi de la Champagne, 2 vol., Paris, 1907-1911 (Collection de documents publiés avec le concours des Antiquités de la Côte-d'Or, 1), t. 2, app. VIII, n°3, p.558-559.

CHASSEL (J.-L.), L'essor du sceau, in Bibliothèque de l’Ecole des Chartes, 155 (1997), p. 221-234. , p. 223.