Robert, évêque de Langres, confirme aux moines de Molesmes l'église Saint-Aignan de Tonnerre, et leur donne pouvoir d'empêcher toute érection de chapelle au château de Tonnerre et de présenter le curé.

l.1 IN NOMINE PATRIS ET FILII ET SPIRITUS SANCTI, AMEN.
l.2 Quod a sanctis et illustribus viris Deo devotis pietatis affectu exigitur, id absque dubitationis dilatione cum mentis sinceritate
l.3 complere debemus effectu, quatinus et eorum in bonis devotio, et caritatis et utilitatis exibit, nobis cumuletur recompensatio. Propter quod ego Robertus,
l.4 Dei gratia Linguonensis episcopus, scripti presentis memoria omnibus sanctȩ matris ȩcclesiȩ filiis intimandum decrevi, Molismensis ȩcclesiȩ venerabilem abbatem
l.5 Robertum, nostram adisse presentiam, et ut donationem a Wilelmo comite Nivernensi jamdictȩ ȩcclesiȩ sollempniter factam a fratribus ibidem
l.6 Deo servientibus perpetuo possidendam, scripto nostrȩ concessionis firmaremus, suppliciter requirentem. Tenor autem donationis jamdicti
l.7 comitis, hic est: ȩcclesia scilicet Sancti Aniani in Tornodorensi oppido sita, cum cȩteris capellis ibidem adjacentibus, cunctaque ad
l.8 ipsam parrochiam pertinentia, oblationes videlicet et sepultur, et omnis decimatio tam grossa quam minuta, infra finagium
l.9 a quolibet elaborata, excepta una carrucata abbati Sancti Michaelis. Cujus pium peticionis affectum, consilio et assensu canonicorum
l.10 nostrorum dignum duximus esse complendum, ut et devotionis sinceritas laudabiliter enistescat, et utiliter postulata, vires indubitanter
l.11 assumat. Per presentis igitur privilegii cartulam firmamus et corroboramus donationem predicti comitis, ut eam Molismenses monachi sine
l.12 parte alterius, in evum possideant, salvo per omnia jure Linguonensis ȩcclesiȩ. Addimus etiam huic nostrȩ concessioni et confirmationi, silvas
l.13 et terras, et aquarum decursus, et piscationem aquȩ, quȩ dicitur Blismodis, et salagium de mercato, et virgultum, et quecumque sibi aliquo
l.14 modo adquirere poterunt monachi in eodem monasterio Deo servientes, sive de casamentis ejusdem comitis, sive de quibuslibet aliis
l.15 ad suum jus et dominium pertinentibus. Libertatem etiam eidem ȩcclesiȩ ipsius comitis peticione talem concedimus, ut nec ipse Wilelmus, nec alius
l.16 Nivernensis, sive Tornodorensis comes, aliam sibi capellam in castro Tornodorensi aliquando faciat, vel ab alio fieri permittat. Hec itaque
l.17 omnia, a predicto Wilelmo comite Nivernensi, manu nostra mediante, Molismensi cenobio donata sunt, et dominica in Ramis palmarum sub
l.18 presentia domni Richardi, tunc temporis Albanensis episcopi, et sedis apostolicȩ legati, in capitulo Linguonarum sigilli proprii munimine roborata,
l.19 et a canonicis antea ex integro libere possessa. Concedimus etiam abbatibus et monachis Molismensis cenobii, ut si ecclesia Sancti
l.20 Aniani sacerdote vacaverit, ipsi sacerdotem idoneum sibi eligant, et electum, episcopo Linguonensi representent, ub ab ipso investiatur animarum
l.21 cura, et deinceps in curia prioris, super his quȩ ad ipsos pertinent justiciam omnimodis prosequatur. Quicumque igitur huic dono jamdicti comitis,
l.22 et nostre confirmationis contraire presumpserit, anathematis gladio feriatur, et a sacratissimo corpore et sanguine Domini, usque dum
l.23 satisfecerit, sequestretur. Facta sunt hȩc Paschali sedis Romanȩ pontificium gubernante, Philippo rege Francorum regnante,
l.24 Roberto episcopo, Linguonarum ȩcclesiam regente, Duranno notario dictante, anno ab incarnatione Domini millesimo centesimo
l.25 primo, indictione undecima, epacta XVIII, concurrente Io. S. Roberti episcopi. S. Almarici decani. S. Lamberti erarii.
l.26 S. Goscelmi archidiaconi. S. Gerardi archidiaconi. S. Hugonis archidiaconi. S. Theoderici capellani episcopi. S. Duranni presbiteri. S. Humberti
l.27 presbiteri. S. Humberti diaconi. S. Petri diaconi. S. Norberti diaconi. S. Hugonis subdiaconi. S. Almarici subdiaconi.
l.28 [sceau].