Manassès, archevêque de Reims, confirme à l'abbaye Saint-Denis de Reims les donations faites par ses prédécesseurs et par de nombreux fidèles ; il y ajoute les autels de Lhéry et Lagery sine persona.

l.1 Plurimorum diligentiam non latere credimus ȩcclesiam Beatorum martyrum DYONISII, RUSTICI et ELEUTHERII, olim bonis exuberantibus ditatam processu temporum peccatis exigentibus, ad tantam decidisse paupertatem, ut tecto
l.2 vetustate diruto, maceriis tam vetustate quam negligentia depulsis, porcorum receptaculo quam hominum habitationi magis apta videretur. Verum superna dispensante clementia, tandem advenit
l.3 tempus miserendi ejus, domno videlicet GERVASIO venerabili archiepiscopo ad Remensem pontificatum divinitus accersito. Hujus siquidem circa predictorum martyrum aecclesiam indefessa sollicitudo,
l.4 multa quae predonum sibi usurpaverat violenta manus diligenter recolligens jamdictȩ aecclesiȩ restituit, et tam altaria quorum subtus annotata sunt nomina quam ceteras possessiones eidem
l.5 aecclesiȩ conferens, in redivivam reformavit dignitatem. Ad hanc preterea locupletandam bonȩ memoriȩ domnus RAYNALDUS archiepiscopus se promptum exhibuit, et altaria, terras multasque alias
l.6 res divino fervens amore ejusdem usibus aecclesiȩ mancipavit. Haec autem sunt nomina altariorum quae prefatȩ aecclesiȩ contulit predictorum liberalitas pontificum: altare
l.7 videlicet de Grandiprato, altare de Castris, altare de Falesia, altare de Ambleio, altare de Sancto Lamberto, altare de Alra, altare de Colreio, altare de Culmisiaco, altare Pliveio,
l.8 altare de Arceio, altare de Giverone, altare de Balliolo, altare de Campiniaco. Tantorum igitur patrum previis incitatus exemplis ego Manases licet indignus Remorum
l.9 archiepiscopus, aecclesiae supranominatorum martyrum munificentiȩ nostrae ei solamen impertiens, altaria de Laireio, et de Lagereio contulimus, et tam ista quam alia supradicta imperso-
l.10-naliter tenenda concessimus. Terras autem cum molendinis et vineis quas eidem aecclesiae fidelium obtulit devotio, quarum in hac scedula scripta sunt nomina, quietas, et
l.11 ab omni potestate seculari liberas, illi aecclesiae auctoritate nostra perpetuo tenendas firmamus; dimidium scilicet molendinum apud Grande Pratum sub atrio, et novum molen-
l.12-dinum juxta ipsum castrum, alodium de Ambleio cum appendiciis, et tertiam partem villȩ quae dicitur Siccasalix, alodium Leduidis et fratrum suorum in villa Alra, in
l.13 Berniaca curte molendinum unum cum alodio quod jacet ante ipsum molendinum, et mansum terrȩ quod dedit domnus Rogerus archidiaconus, et juxta castrum Februarii medi-
l.14-etatem molendini, et alodium Hugonis et Rodulfi juxta ipsum locum, et culturam unam quam dedit comes Hugo, et terram illam quam dedit Raynaldus archiepiscopus in Toyreyo
l.15 et totum alodium quod datum est aecclesiae Sancti Dyonisii in Ponte Fabricato, et infra civitatem istam partem predii quod dedit Gebuinus persolventem sex solidos et juxta
l.16 eandem civitatem XVIII jornales terrae quos dedit Poncardus et filius ejus pro anniversario uxoris, et in Monte Valerio vineam unam quam dedit ipsi aecclesiae Lambertus
l.17 monetarius et aliam cum sancto Nichasio, et ad Tiriniacum vineam unam quam dedit Hugo canonicus in alodio, ad Escolium vineam unam, apud Villam Dominicam vineas et torcular
l.18 unum, apud Mormeronem molendinum unum, cum alodio, alodium de Canniacho, alodium de Primiceio, alodium de Genvereio, alodium de Tramereio. Si quis vero hȩc prescripta dona
l.19 invadere presumpserit, et ab aecclesia sanctorum martyrum quoquomodo alienaverit, ab utero sanctae matris aecclesiae seclusus, et a corpore et sanguine Domini alienus fiat, et extremi
l.20 examinis censura nisi resipuerit, percussus intereat. Ut autem hujus nostrae roborationis pagina nulla possit temporis prolixitate sopiri, eam inconvulsȩ firmitatis munimine
l.21 probabiliumque personarum signis et testimoniis cum nostrae imaginis attestatione roborari precepimus. Signum MANASE archiepiscopi. Signum Burchardi abbatis Sancti Remigii.
l.22 Signum Hugonis abbatis Sancti Petri Autovillarensis. Signum Rodulfi abbatis aecclesiae Mosomensis. Signum Richeri abbatis Sancti Basoli. Signum Gervasii archidiaconi. Signum Manase archidiaconi. Signum Rodulfi prepositi.
l.23 Signum Richeri cantoris. Signum Jofridi. Signum Odalrici. Signum Elberti presbiterorum. Signum Fulconis. Signum Gerardi. Signum Odalrici diaconorum. Signum Isenbardi. Signum Ade. Signum Bartholomei subdiaconorum.
l.24 Actum Remis, anno incarnati Verbi millesimo Co, indictione VIIIIna, regnante Philippo Francorum rege anno XXXVII, archiepiscopatus autem domni MANASSE anno V.
l.25 FULCRADUS cancellarius scripsit et subscripsit [sceau].

GOUSSET (Th.), Actes de la province ecclésiastique de Reims, 4 vol., Reims, 1842-1844, t. 2, p. 150-152.

MARLOT (G.), Histoire de la ville, cité et université de Reims, métropolitaine de la Gaule Belgique, 4 vol., Reims, 1843-1845, t. 3, p. 762-763.

VARIN (P.), Archives législatives et administratives de la ville de Reims, Paris, 1853, t. 1, p. 252-254.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/2, p. 333-337, n° 122.